¹ Yanê'e, pihópomaka Jesus xoko ho'uxóvokuti yane ápe hóyeno ákoti ehevákapu vô'u. ² Ápe xanehiko ixómoti komomóhexoa koetéovomo ya kaxena sâputu motovâti eto'okinoa nâti. ³ Kixoane Jesus ne isayú'ixovoti vô'u: "yexépuka hara yáka kukúkeke". ⁴ Yane, kixone xanehiko: "Kuti motóvo vitúkea ya sâputu, únati ou váhere; koiteovo áko'o koepekea ûti?". Yane yunukú koenehiko. ⁵ Komómane ne xe'ókuke, ikáxu'ine okovo noixoti tiu'iko omixóneti, kíxoane ra hóyeno: "kéxepuka veô'u". Koexepukone vô'u ra Jesus yane koyuseopane. ⁶ Pihóponehiko ne farîseu, turíxovonehiko opósikea kíxoku koepekea Jesus kaha'íneinoati ovóxehiko êrodi. ⁷ Pihone ra Jesus huvéoke, ovoxehiko xáne. Enepora êno xâne okôati ainovo ukeâti ya galileya, Jûdeyake. ⁸ Jerusalem, Idumeia, yoko emeuxa Jôrdaum, xe'ókuke Tiro yoko Sidom. Enepo kamokónone ne hánaitinoe ituke, kenó'oko êno xâne xokoyoke. ⁹ Yane épemone discipuluna usó kíxoixinoa vatéke, vo'oku êno xâne, motovâti akoyea inuma. ¹⁰ Vo'oku êno kóitovone, enepone ka'aríneketi kaha'a-kaha'a kíxoa itóponea motovâti pirú'okea. ¹¹ Enepo noixôa ákoti aunati íspiritu, pikoahiko, vaukoahikomaka, koane kó'iyeahiko: "iti xe'exa Itukó'oviti". ¹² Pahukopahiko ya xunákoke, motovâti akoyea éxakana. ¹³ Alú'okone hánaiti mopôi ra Jesus yane iháxikone kaha'âti hókea, pihonehiko yá. ¹⁴ Ndúse koe novokoe motovâti xánehe'xea, yoko pahúkeahiko omínoa emó'u, ¹⁵ Poréxoahiko xunakókoti motovâti pahúkopea ndémoniu. ¹⁶ Hara îha ne ndúse koeti ihaxiuti: Símaun, Pêturu, ihaxopea; ¹⁷ Tiago, xe'exa Zebedeu, yoko Xuâum , po'inu Tiago, Boanerges ihaxopea; xe`exa xururúkoti koeti; <sup>18</sup> yoko André, Filipe: Bartolomeu; Mateus; Tomé; Tiago; xé'a Alfeu; Tadeu; Símaum; enepone Zeloti kixonéti; <sup>19</sup> yoko Judas Iskariote; énomonemo aupu'ikoa râ'a. <sup>20</sup> Yane'e pihópone óvokuke, turíxopovonemaka ítixopeovo ne xanéhiko yoko ákonemomaka itápana níkaxea, muhíkoti ya pâum. <sup>21</sup> Enepo eyekoxoane iyénoxapa ra itúkovoke, pihonehiko ya kaha'âti topíkea, koenehiko: "pepókexovone". <sup>22</sup> Ápehikomaka hánaitinoe yutóxoti íhai Jerusalem koenehikomaka: "belzebu evesé'okoa" yoko "tuti ndémoniuhiko énomone kopuhikopinoa". <sup>23</sup> Eháxikoane Jesus itúkinoanehiko xêti evékinoa emo'úti ákoti hé'onoke'é: "na kíxoa pahúkopea satánai ne satánai? <sup>24</sup> Enepomo áva natixókuti ihaxákexoti, akomo ahíkapu yónoku. <sup>25</sup> Kúteane ovokúti ihaxákexoti, ákomomaka ahíkapu yónoku. <sup>26</sup> Enepomo exepukapinapapu ra satánai haxakehí akôe, ákomo áxu'ikenemaka yónoku, itea simóne hunókoku. <sup>27</sup> Itea ako motóvoti ûrukeovo óvokuke xúnati hóyeno oméxoponea itukovoke ákotimo ika'áka inuxotike; ínamo omotova véyohikeokono ovâtihiko kúveuke óvoku. <sup>28</sup> Ya koetíke kaná'uti ngixopinoe, héu koeti pahunévo xe'éxaxapa hóyenohiko ipukopovotimo, koanemo emo'úti akoti aunati koexepuiti; <sup>29</sup> koêkutimaka vaheréxinoti emó'uino ra sasá'iti omíxone Itukó'oviti, ákomo ípukapu pahúnevo okopinovatimo pahunévoti ákoti hunókoku. <sup>30</sup> Ho'inokeneye yûho ra Jesus vo'oku hara koêti yuhóhiko ne xanéhiko: "ákoti aunati ovâ xokóyoke". <sup>31</sup> Sîmo eno'îti yoko yâyo meukeke ovohexohiko. Pahuko ihaxíkopiti. <sup>32</sup> Ayákukoa xanehiko vataka kôe xererekuke Jesus yane koenehiko: "haneko eno`îti yoko pe`ínu méukeke îti opósiko". <sup>33</sup> Yumópone ra Jesus: kuti induko êno yoko mbo'ínuxapa?. <sup>34</sup> Ina komomâ Jesus enepone vataká koetihiko ayakúkoati koene: "Yokómomahiko ra énomonehiko induko êno yoko mbo'ínu". <sup>35</sup> Vo`oku koêkuti itukoâti ra unjepuné, enomone itukovohiko mbo`ínu, mongexa yoko êno".