¹ पेल्ला जोमानामा बोगवान आपणा डायडाया हाते बात बातीन रिते बोवीस्यो कोयगारानुहु लागड़ीन बात बातीन टेमे वात कोरलु ! ² पुण एवी इन सेवला दीहोमा बोगवान आपुहाते तेरे पुरयाहा लागाडीन वातु कोरलु, बोगवान तीनाहा आखी चीजोन वारीस बोणावणेन वायदु कोरलु, एने तीनाहा लागाडीन च्यु आखी कोवीही गोडलु । ³ च्यु बोगवानोन मोहिमा आपुहु देखाडतलु , उजुच्यु बोगवानोन खोरलु कपसे । च्यु तेरे सोतान लुयो कोरीन माणहोन पाप दुवीन सेटो कोरदेल्लु , ओवतु , सोरगोमा आखा दोखा ताकोतवावा बोगवानोन जेवडीखेर राजगादीपोर बोठ गोयु । ⁴ तीनामा आपुहु मालुम पोडतलो के बोगवान तेरा पुरयाहा सोरगदुतोन नावो दोखुवी मोटोनाव आपलु , एने तिनाहा सोरगदूतो दोखुबी वोडीन तीनाहा मोटो पोद आपीन अदिकार आप्यु । ⁵ काहाके बोगवान कोदी काल्लाबी सोरगदुतोनुहु चोनी कोयु । “ एने तु मारु बेदुसे , मी तारू बाह बोण गोयलु से । एने उजु बोगवान तेरे सोरगदुतोनुहु केतार बी एने कुणीही बी एहे नी कोयु , कुणीही “ मी तारू बाबु बोणीही एने तु मारू बेदु से । ⁶ ओवी जेतार पेलदोखुज जगतमा , ओवी लावतओहे तेतार च्यु कोयतलु , के बोगवानोन आखा सोरगदुत तेरा पाया पड़े ! ⁷ एने बोगवानोन पुस्तकोमा सोरगदुतोन बारामा एहेबी लेखलो से , बोगवान तेरे सोरगदुतोनुहु वाहवाम होस एने तेरे सेवकोनुहु आगठान आसोन होस बोणावतलु । ⁸ पुण तेरे पुरयान बारामा बोगवान एहे कोयतलु , “ ए बोगवान , तारी राजगादी पीडीडीट जोलमकित टिकीन रोयहे ।तु तारा राजोन डेंगुलीन माणपोर नियाव को रहे। ⁹ तु दोरमीन कामोह मोंग कोरतलु एने गोलत कामोह छीगी कोरतलु ! कोरीन मी, तारा बोगवान तोहो आखा दुस्ती दोखु खुसीन तेल चुपडीम नीवाड लेदलु । ¹⁰ ओवी योके ए पोरभु पेल्लामा तु , धरतीन नीव नाखलु । ओने सोरग तारो हाथोया कारीगर से ¹¹ च्या ते नाश होय जाहे पुण तु बोणीन रोयहे पुण च्या जुनला लुगडान गोत बोदली जाहे तु च्याज रोयहे , तारो पाणी आखरी नी ओये ¹² तु तीनुहु चाहरान होस लुडाव देह , एने च्या लुगडान होस बोदली जाहे । पुण तु कोदी बोदलनार निंबे, एने तु होमेस्यान होमेस्या रोयहे। ¹³ बोगवान कोदी तेरा सोरगदुतोह मायला कुणीही बी रहे नी कोयु । बोगवान तेरे पुन्याह एहे कोयलु , ताहलोगोन मी तारा दुस्मोनोह , तारा पाय मेकणेन पाटडान नेच्यु नी कोरदेम , ताहलोगोण तु मार जेवडीखेर बोठ ¹⁴ काही के आखा सोरगदुतोह बोगवान नुकोल्लु बोगवानोन सेवा कोरनाय , आत्मा तेतार च्या बोगवानोन एने जीनुहु बोगवान वाचाडहे तिंदरी बी सेवा कोरहोत ।