¹ BITIVAKA ADAKASI ḠAHIḠA UHUNE 1 Aneru adakasi ḡahiḡava au biti vake uhunei. Daki Hisiu eraḡi vava moru ḡohi uguhi vata, renu aba dobukeherea (key) va au moimanu ² Auka aba dobuke derika veite be baovi, renu uhuraehe du-raki ḡadimege erara vara-mu duka naḡate ra, ege vani renu (nono) vadibu raḡohanu, aba duka hisua. ³ Ege du eisena iso-iso iaberaki vata oi, sena oroḡige, renu iauka hero moigei (scorpions) tiahue naḡate vata oi. ⁴ Uduke iauka kirogei roia, ḡati vata oi vara rai-gevare, se idia beta daure ḡahi geisa, a Dirava ikoro ve mimi veite iau varikehe ḡu-gera. ⁵ Iauka tiahu moigei beta ḡahigeisa, bata adakasiva huhu moigeisa, huhu era (doadoa) mato gevare huhua naḡate ra. ⁶ Vani e iau koita iabera hoḡe iaḡoisa, renu beta behuisa, iauka ura herea hoḡe, uduke hoḡe ra iau huraḡi ḡaise. ⁷ Negu, iso-iso e iau erara vaḡera (ḡoḡai) hosiva iau na ḡoiḡorea, iau omotea erara vaḡava iabera golo baku naḡate se, omo baku golo naḡate, iau vairane koita na ḡoiḡore. ⁸ Iau homoke iabera maḡiau omo hanake no ḡoigore, eḡiavaia bera Laioni eḡia na ḡoiḡore. ⁹ Dokani-vaia bera iaḡa tea, auri na ḡoiḡorea, iau ahakanea, iau enoḡe iabera (kariota) enoḡa naḡate-ra, hosia butugei ḡoḡai uhurae siri raḡare (enoḡava haira nitea). ¹⁰ Iauka (doa-doa) teteka haira nitea, iauka ginisa teabera, renu iau tiahue koita iabera bata adakasiva huhua raḡo hia vara, iau teteke gera. ¹¹ Iauka Rohi tea, derika veite abava anerua au ihe Heberu gava-gera Abadon renu, Heleni gava auka (Apoluonu). ¹² Daure urogoigo a kosaige, abu gera uera, iauka so ororoa-ra. ¹³ BITI VAKA AGOROKI GAHIGA VA 13 Iauka (doa-doa) teteka haira nitea, iauka ginisa teabera, renu iau tiahue koita iabera bata adakasiva huhua raḡo hia vara, iau teteke gera. ¹⁴ Iauka Rohi tea, derika veite abava anerua au ihe Heberu gava-gera Abadon renu, Heleni gava auka (Apoluonu). ¹⁵ Daure urogoigo a kosaige, abu gera uera, iauka so ororoa-ra. ¹⁶ Tuari gahavaia dagei numera vara million, tinahu abu, daki oti iau numera ve. ¹⁷ Renu ora da eragi hosi ia di iaḡoehe au gui raḡohane dokaniva ia-bera auria erara vaḡa, vene renu (huakina) enu tero naḡate avaḡaehe, renu hosi eiau omotea iabera (lion) naḡate ra omotodivaia renu vene dukava teio a hakivima. ¹⁸ Daure abigaḡa oiau dainehe, koita abigaḡa uhuraehe koba-koba gera ki buda raḡo hige: Negu vene renu du renu teio, avaḡaehe haki raḡohige iabera ki hoekio gevenu. ¹⁹ Badiva iau tiahuea iabera iau avaḡaehe renu tetekehe, iau teteke ra ḡuti naḡate ra, omoto te-aber, ei ge iauki koita ḡahigeva. ²⁰ Daure abigaḡa oiau dainehe, koita abigaḡa uhuraehe koba-koba gera ki buda raḡo hige: Negu vene renu du renu teio, avaḡaehe haki raḡohige iabera ki hoekio gevenu. ²¹ Badiva iau tiahuea iabera iau avaḡaehe renu tetekehe, iau teteke ra ḡuti naḡate ra, omoto te-aber, ei ge iauki koita ḡahigeva.