¹ PEPA KUMUKU / ḠODO 1 Ege daki mamoe ḡamika eraḡi auki bakuane (toava) uriḡatuḡa va hosai baoanu, ege daki maḡuri iaḡa be enoḡe ihinu, enoḡa era va duare naḡate roma, “Oroḡo!” ² Daki niḡahi hosi kae eraḡanu, au guramane koita vara peva tera, omo baku (moimi) ege auki tiahu ḡore otinu. Auka guivi oti (kwalimu) ḡahara. ³ Au bakue (toava) abu ḡahiḡave turuhi, ege maḡuri iaḡa abu ḡahiḡa enoḡe daki ihi roma, “Oroḡo!” ⁴ Ege hosi kerekare be raki hakivi, au gura mane ra tiahu moimi (maino) vata oi misa. Koita iabera ḡahi-geisa dainehe. Ege auki kaia ketake be moimanu. ⁵ Au bakuane (toava) abigaḡa e turuhi, ege maḡuri iaḡa abigaḡa ḡahiḡa enoḡe daki ihi roma, “Oroḡo!” Ege hosi dubu herea be daki eraḡanu, au guramane ra isuka toho-toho kohua be mi au adehe. ⁶ Daka ihi enoḡa bera maḡuri iaḡa aba-abu iau vagaehe sena roma, “uit be damua ra silver moni be, renu bali gogoare abigaḡa damuara, silver moni kobabe vani be. Uduke a enaki olive idia renu vine ḡeḡe daure ḡahima!” ⁷ Au bakue toava aba-abu ḡahiḡave turuhi, ege maḡuri iaḡa aba-abu ḡahiḡa enoḡe daki ihi roma, “Oroḡo!” ⁸ Daki niḡahi hosi bera (pale colored) eraḡi. Au guramane atava ihiva ra, Hoḡe renu Hoḡe Rohiva, au itahe oronu. Tiahu-ara iau abu moigei, vata o (inoḡove) aba-abu (inoḡo) be biava gahi, (ga ki) tuariva, doe, tamuta veite, renu ura ohoia (or) iaḡavaia iau ga kohuḡe au koita ḡahigei hoekiogeisa. ⁹ Ege mamoe ḡamika bakuare toava adakasi ḡahiḡava turuhi. Daki pata aena derikae ahata be eragei, badiva Dirava hari maḡeve haroro ḡahigeve dainehe ḡahigevenea (or) ḡahigei hoe kiogevene. ¹⁰ Iauka bara ketake raḡohi roia, “Ni biage o aena renu riaḡa! Ana nega orei vata o kotavaia daure damue moigeige, ni taokeau dainehe. ¹¹ Ege iau koba-koba dabua kae moigei, auki kirogei ro nega tinabe so vaḡa roro oit iau bamoduhea renu oḡo nanuhea besube ruḡa ḡahigei hoekiogei iau ḡahigevene naḡate, aune ḡereḡereisa. ¹² Renu daki mamoe ḡamika eraige auki, bakuane toava agoroki ḡahiḡava turuhi, ege daki niḡahi otige, vata (marere/iahuia) ketake, renu van i tage vadibu ḡoi, dabua dubu naḡate renu bata ra au sivai kereka herea taḡo naḡate. ¹³ Hisiu iabera moru raḡohi vata erara vaḡava nono vava sena oroḡi suke maka isage ruse vare naḡate. ¹⁴ Va tage pukivi, buka kuivare naḡate, nimu iau bada renu, motumotu iau vataehe raka gevare ¹⁵ Ege vata o rohivaia renu, uriḡatuare, renu ḡa rohia/biavaia, taḡa renu hero kota vaia renu besube ḡahavaia renu (ura kwalimu) koitatavaia iau bada kovio uhure, nimu hara-haḡa/derikaehe hata raḡoha. ¹⁶ Iauki to raḡohi nimuia renu munia, no duha ge renu baku gei iaehe, terona va guramare niehe renu mamoe horehe no huni-geve. ¹⁷ Badiva iau hore vani-va rahoa ra bina hori-vanu, unuhune negu rami haese ḡahi ḡavanu.