¹ Ege da eraḡane, koitava terona va au ada vamaḡa ehe gera buka bera, uhuraehe renu, itaheraehe gera ihi tea- bera, buka ora bakui berebe herea-vara, kasiva-kasiva gera bere gj;ahi abuḡu veite. ² Ege daki aneru hero te be eraḡi, auki bara rahoi, “unuhune ḡereḡereve, buka o baovisa renu bakuane kohua turugeisa?” ³ Uduke koita be vava se vata renu, vata o derikae beta buka o baovi uhuraehe erara vara. ⁴ Ege daki nina hereai badiva ra koita bera beta herote bao baoara renu uhurava eraisa. ⁵ Ege eraḡare koita va beraki da gaḡahi roma, “Nivisa ḡare. Eraḡa! Leona Iudea iduhua, David rumukehe sena (kwalimu) aukene, buka o baovisa renu, bakuane (toavaia) abuḡu veite gene turuhisa. ⁶ Ege daki mamoe eraḡi rami rame terona nomuakaehe, maḡuri iaḡa aba-abu erai gurahare koitavaia iau oroḡanu. Mamoe ḡamika rami rame eraḡi, mimene ḡami hoekare naḡate. Au kokai vera abuḡu veite, renu nikava tagera abuḡu veite e iabera Dirava sua ruhea abuḡu veite, e besu gei vata o uhuḡati iau. ⁷ Ege mamoe gamika oti buka e terona-va guramane ada vamaḡae manu ⁸ Au buka e mane, maḡuri iaḡa aba-abu renu, gurahane koitavaia uta-abu hakira aba-abu ḡoruhi mamoe vaḡotonehe. Iau koba-koba gera gita tea mati, iauka golo hodu ḡadiki toboḡa gei Aena Koitava iau ḡuriḡurivea. ⁹ Iauka noḡo isage mi roege: “Aka aena buka o misa renu, bakuane kohua hosa-gei baovisa. Iauka a ḡami hoeki, renu ai hoḡe vera boubou iaḡa, Dirava ḡasina koita ia Iduhu iaubada, ga iaubada, oḡo renu, bese iau bada sena. ¹⁰ Akaki Rohi renu, Aena Koitava iauḡa ki, ni Dirava te meve kisa. Ege iauka vata o Rohi ḡahisa. ¹¹ Daki ḡaitana niḡahi renu, daka aneru iau enoḡe ihi daha-daha renu, gerebu-gerebu uara! Iauka terona rahi oriḡi, maḡuri iaḡa aba-abu renu, eraḡi gurahare koita-vaia, ¹² renu noḡo raḡohi enoḡa rahoa: “mamoe ḡamika ḡami hoekane aukaki maḡe, tiahumi, taḡa, aonega renu hero, matau, haira renu heḡiri!” ¹³ Ege daki ihi iaḡa iaubada vava, vata oi renu, vata uhuraehe, derikae renu eve - uhura iaḡava iaubada - renu iauki noḡo raḡohi: “Au terona va gurama nei, renu mamoe ḡamikai, moteahisa, renu matau haira renu, tiahu iaune misa, negu oti behu-behu!” ¹⁴ Ege maḡuri iaḡa aba-abu geraki roia, “Amen!” Renu eraḡi guraharen koitavaia beraki ḡoruhi au (toma diho) ḡahanu.