¹ "Sadis dubu Aneru va onaki toreva, ' Ga kamuvare koitava renu Dirava suave ya aubougi iatiriaga va kamuare renu hisiu iatiriaga kamugevare. " Daka ai meve dibanara. Ai ihera magurivera, eduge aka hoekera. ² Urima otadovanu enu herogaha eduge auka hoge ragiravara, badivara ai mevera beta uhubagera di Dirava ve niehe. ³ Anava, ana otadovanu a manu renu ihinu. Gava riaga gaha, renu ai maguri emene ve garema. A uriru veitege goiege, daka vaho koita nagate ororo vara, aka beta dibana goigovara dana otado vani iagavage da orogima ai. ⁴ Eduge Sadis uhura ihi be yaberamu enu, yau ogonave yabera miro veitera, yauka da ruta ogigi vara, yau ogona ruga, badivara yauka magera. ⁵ Herote koita vara ogona kae kikivara, daka beta au ihe maguri bukava kokivara, renu daka au daureve di Mame renu au aneru yau ihehe. ⁶ Ihi kokete koitava, sua ya dubu gahare ihi yahe." ⁷ Piladelpia dubu aneru va, onaki torei ro: ' Gara au era auka aena renu riagavara-- Davida ki vera au gera, auka aboaba vara bera beta kouko vara, auka kouko vara bera beta baoba vara. ⁸ " Daka ai meve dibanara. Eraga, dakamu o ai vagotenehe udua be baoanu bera beta kouko vara. Daka dibana ai herovera avira, eduge amu di gare ihare renu di ihe vague gahiga veite. ⁹ A ihi iauka Satani oreave koitava iabera, tarata ta-te irea, beta Iudea iabera. Dakene iau komukone, ai vasi ḡaikehe ḡoruhi. Iau-bada (dibana) ḡahisa. Daka a lalokau ḡahima. ¹⁰ Badivara aka di (Haheauka) garea uhuraehe uma, mati daka a iaheisa, daure uhuraehe, au vata oi oroḡi koita iaubada toho gevarehe. ¹¹ Daka me oroḡima inono veite. Otado bene aiea, ege koita bera beta a vaho ḡahi ai kwalimu ḡahue. ¹² Kwalimu koita vara di Dirava te Dubu ḡavara vera, renu auka beta ḡare miavara. Daka au torei di Dirava te ihe, renu di Dirava te oḡe ihiva Ierusalema isage, era vava sena uguhi oroḡi Dirava ḡasina. Daka di ihi isageve au tore via-vara. ¹³ Ihikote koitava ra sua gare Ekalesia orea va iau ihihi-vara! ¹⁴ Ora oti Laodikea Ekalesia orea va torei: ora besube gava oroḡi Amene isena, ḡabidadama renu ga riaḡa, auka hama ḡami Dirava iaḡa iaubada kiogevene vaḡaehe. ¹⁵ Daka dibana otado bene a kinu; Daka dibana ana ribike se hedoka tenu! ¹⁶ Uduke badiva tiahue dainehe, beta hedoka se ribike, a daka di avaḡehe a kakai haki-ra. ¹⁷ Aka roma, Daka magera; Dakamu mage manu. Eduge aka dibana veitera, akamu korikorera, vagahutera, ni veitera ren bututa gera. ¹⁸ Daka a ugoro ḡahima golo dai haeva, vene reḡuane iaḡava, ege ama taḡa koita ḡoisa, mati dabua kae haevi ḡotoma, renu ai variva renu, bututa ve (koua), renu mati gi ḡadiki haevi maema, ege ama ni-ḡahisa. ¹⁹ Daka a ugoro ḡahima renu, kodivima, iai-bada oḡorea da ia (lalokau) ḡahigeima, iai uhure tiahuare, iama iai daureve anai ḡoi raḡohisa. ²⁰ Ihi! Daka idua va-rami kokokoima; ege koita be di enoḡe ihi idua baoare, daka oroi au iagehe auḡore tamuta, renu auka daḡore tamuta vara. ²¹ Kwalimu koitava, daka riaḡa ḡahi da ruta di terona ve guraguara, di naḡate kwalimu, di mame ḡore au terona-ve guraha. ²² Ihikote koita vane sua gare Ekalesia orea va iau ihisa.