¹ " Efeso dubu aneru va onaki toreva: ' Ga biava ada vamaga hegera hisiu iatiriaga gera, renu auka idi ada golo lamepa va yau vagehe ge auki ogi yoaima, ² "Daka yai mageve dibanara, renu yai me isukeve ya dibanara, renu yai uhu berebeve daka dibanara, renu yaka hegiri veitera daure kiare gahava yau, yakamu yau mi aena gaha ro gevene eragevenu eduge veitera, badivara yakamu behu gevenu, avanage yauki ragoha. ³ Daka dibanara yaka uhu berebe tera renu di dainehe yakamu huhu nagoha, renu yaka besibe ragohi ra veitera. ⁴ Eduge daka hegiri veitera, ya urugoi me mage garehane. ⁵ Eduge yama anaisa, ya deru ragohane. Yai uhure bao geiahe ya urugoi kine iaganiva gaitana kiyahe. Ya, yai uhure bao geige veite, daka yai gasina ororo vara renu daka idi ada lamepa va, koki geige vara. ⁶ Eduge ora ai gera: Aka Nikolati gahava yau maguri ve gahara veitera, da tagera. ⁷ Ana ihikoke tenu, ga o ihi, Sua ya dubu ga gahare ihi yahe. Unuhuna mage kima daka riaga gahege auka maguri idiva tamuta vivi vara, era Dirava Paradaiso ve uhurahe gera. ⁸ Symna dubu aneru va, onaki toreva: ' Urugoi renu ihie orogare gare ra, aukamu hoge raganu renu aukamu magurivi goiragane: ⁹ " Daka yai huhuve renu yai goroa ve dibanara, eduge yaka magera. Daka dibanara ogore yabana roeia, yauka Iuda koita yabera, riaga vara yauka veitera. Yauka Satani dubu vara. ¹⁰ Ya negu sigo ragohime ya goroa gaharei. Eragiahe! Diabolo vara, ya beya vadibu yagava ya kira geige vara, eige yauna ya toho geisa, eige yana huhu nagohisa vani utube uhurahe. Yama gabidadama ragohisa ate hoge orogare eige dana maguri koronava ya mohi geisa. ¹¹ Ihikote koita vagu ihe, otadovanu Sua daure dubu yau roma. Unuhuna ga'a va hero kinu auka beta huhu nagina vara, hoge Abu gahigava orogarei . ¹² "Pegamon dubu aneru va, onaki toreva: Ga biava ra egi bauge tera nikava hakira hakira ganono tera: ¹³ "Daka dibanara ana oreigena a uma, Satani terona hegera. Eduge amu di ihe kamui berebe gahima. Daka dibanara ai gabidadamave daigera monu, Antipas negavehe tage, di gabidadama gamive, yai tanahege yauki gamanu, Satani uiare gabu vahe. ¹⁴ Eduge daka hegiri veitera ai, iaga be yau dainehe: akamu e dagedage Balam uhuaka be kamugei berebe gahima, aukaki Balak kironu Isaraela gami yau gumage vadibu gahege, yauka sua yau demaka isa renu ni muduka me kisa. ¹⁵ Guma kobuga ei, be yabemu Nikolaiti uhuake o kamui berebe gaha. ¹⁶ Eige, guma daure e garema, veite goiare, daka ai gasina vaina ororo vara renu daka ga'a mi ororo vara yau, egi Bauge di avage uhurahe. ¹⁷ Ihiko tegu ihe, otadovanu Sua roma dubu yau. Ga'a uhura hero kiare koitava, dakena man's hunivare ya mohigeisa, renu daka muni kar be ya mohigeisa, ihi isage beraki e adahe, ihie bera dibana veitera eduge miare koita vai avahu dibana." ¹⁸ Tatirata aneru va, onaki toreva: 'Ga ora Dirava Moe garera, au niera vene bubu nagera nagatera renu au vase ra bronse va dahugane nagatera. ¹⁹ "Daka ai meve dibanara: ai mageve renu ai gabidadamave renu ai me gumage renu a ai uhure kamuare gumava. Daka dibanara, a negu nega oi kiare mevera rahora, beta a urugoi kine meva nagatera. ²⁰ Eduge, besibe vime daki: Aka magi vire Jesebel gahara veitera, auka aumi haroro magi roaire. Au uhuvaka gavehe ge auki di besube gahatuhe hero gahigeima auka ni muduka me kisa renu sua yau demaka isa. ²¹ Nega tinakibe daki moimanu auka au uhu anana ve isage gasina, eduge auka au maguri daure kiare garege besibe va auki vime. ²² Eraga! Komata yagia gabunahege dana magi e maemisa au renu ni muduka ragohare koitava ya ruta, eige auna huhu nagohisa, yau maguri isage mimi besibe ragohege dainehe. ²³ Yau gamuhe dana gahi geisa, dubu aubougi gena dibana gahisa daka uhu vaka renu soru vaka eragare ra. Dakena kobakoba yai gahune kisa yai meve dodihe. ²⁴ Eduge yabea Tatira uiare koitava ya, yai bouge, unuhuna a uhuvaka ga o dibana veite renu Satani norena kiare meva - aigera daki onaki roma, ' Daka ai ada isuke maema veitera .' ²⁵ Otadovana varaima, yama hero kisa ate da orogarei. ²⁶ Ana unuhuna a hero kima renu di meve kima oti basu basu va, augena dana hedo moimisa mata aubougi yau variada. ²⁷ ' Aukena ma meva kisa auri idiva ruta, hodu nagate auna hosagei tina tina.' ²⁸ Da di Mame seni mane nagate, dana vagutu bao ragare hisiu va moimisa. ²⁹ Ihikote koitava, ihe otadovanu Horu roma dubu yau. "