¹ Ora Iesu Keriso riaga gahiga ga vara, Dirava moimane, auka au gamtuhe vasiba gahi geisa, otadovana orogisa vima. Aneru varaki au gamite Ioanne vasiba gahanu. ² Ioanne raki Dirava gare riaga gahanu renu Iesu Keriso meve tage riaga gahanu, au eragevene iaganiva aubouge. ³ Magera aiera, a ga o orogane dahare koitava a, renu ihare koitava a renu ga o torevane riaga gahima koitava a, ama dibana goisa vani varamu o orogoima. ⁴ Ioanne, seni oti dubu iatiriaga yau Asia uhura: Mage yaie renu mai au seni, renu auna unuhunu au seni, renu au seni orogare e, renu sua iatiriaga au seni orogi teronave gaika, ⁵ renu Iesu Keriso seni, gabidadama riaga, gami rahovara hogeva seni goiragi oroganu, auka mata o kini vara. Iaukaki no mage gahigeima renu ni daure au taokehe seni no maguri gevenu- ⁶ noni ge auki kini yaga Bauge nagate be kinu, haroro gahaya au Diravave renu au Mame yauni- au seni mage renu hedo negu oti behi behi. Amen. ⁷ Eragiahe, aukame orogima va uhura, ni be ni be ra, erara vara, au bodine bine gahava ya gaitage, mata o gahava ya, au bougi, au dainehe nigo ragohi ravara. Dodihegera, Amene. ⁸ "Daka Alepa vara renu daka Omega vara, Rohi Bauge Dirava raki roma, " auna unuhunu, renu era aukaki, renu auna unuhuna auka ororo vara, auka Bauge vara." ⁹ Da, Ioanne- ai ogonane, dakaki a ruta huhu nagima kindom va renu uhu berebe vima, o aubougi gera Iesu maguri ve uhura hegera- Patmos motumotu va, Dirava gare dainehe renu Iesu raiga gahiga dainehe. ¹⁰ Daka Horu Aena ruta gera Rohi Bauge vani vehe. Di iatahe ge daki eno raho be ihinu biugili duduva nagate. ¹¹ Onaki ronu, " Idi vadaka maema a eragare, renu besugi dubu iatiriaga yau - Efeso yau, Smana yau, Pegamon yau, Tatira yau, Sadis yau, Piladelfia yau, renu Laodocia yau." ¹² Daka, anigoi eragisa unuhuna da ga gahima, Idi ada lamepa iatiriaga ge daki eragevenu. ¹³ Lamepa e yau tanahe ge daki be lamepa be eraganu, gami mo be nagate, ogona ege be kinu ti au vasehe renu au Kemenehe gera ogona bera. ¹⁴ Au omote renu au omo homoke wol kae be nagate- au ni era vene bubu nagare nagate. ¹⁵ Au vase ra bronse va dahuane nagate, vene uhura hedoka gahare nagate, au enogera tinavai eia ruru vare nagate ra. ¹⁶ Au ada vamaga hegera hisiu iatiriaga gera ,egi bauge be, nika ganono vera hakira hakira gera, au avage uhura seni hakivi oroge ge. Au erara vage ra vani abaga hedoka te nagate. ¹⁷ Da eragane daki, au vasi gaikehe moru gohonu hoge atabe nagate, Au ada vamaga vemi auki di omote ada maemare, onaki ronu, " Anegu sigoime. Daka urugoi renu dokona vara ¹⁸ renu maguri vara. Dakamu hoge raganu, eduge eraga, Daka maguri vi behi behi vara! Hoge renu Hades ki varamu o di gasina . ¹⁹ E dainehe, a eragevene ama tore geisa, negu renu o itaharahe orogare ya. ²⁰ Hisiu iatiriaga va a di ada vamaga he erage vene renu golo lamepa iatiriaga idi ada norena makava ra: Hisiu iatiriaga vara aneru yabera dubu iatiriaga yau, renu idi ada lamepa iatiriaga yabera dubu iatiriaga yabera."