¹ Eige daki davahu anavanu, daka beta gaitana ai goiragi orogisa uhudau uhura. ² Dana akena da ahuhu gahanu, unuhuna da hegiri gahigavanu beta koitabera eduge da huhugahane koitavana da hegiri gahisa? ³ Da torevane gumavahege da yai gasina orogare da hegiri gahiga koitava yabera beta da huhu gahiga vara. Daka yai bougigera daki ya riaga gahigeima, di hegirivera yai bouge yai hegirive nagatera. ⁴ Huhu uhuragera daki yai late torevanu, di soruke huhuve uhurahehe, renu ni nemota ruta. Daka beta yai gera daki leta torevanu eige yaka huhu nagohisa. Eduge, yaka dibana gahisa di mageve ra dobuke hereavera yai. ⁵ Koita bena uhudau mi oroganu, beta davahu di uhudauvera, eduge guma kobuga era--beta yavahu ya huhu gahigeisa--eduge ni bouge. ⁶ Koita mudago huhu koita e moimare ra geregere ra. ⁷ Eige negu, auka beta huhu misa, eduge au daureve vagua gahisa renu mage gahisa. Enakiege auka beta huhu uhura usa. ⁸ Akera daki aki roma aka ai mageve moimisa. ⁹ Edainehege daki ai leta torevanu, eige dana a togogisa renu ai dibane goisa renu ana iaga bougi roiare kima. ¹⁰ A koita be daureve vagua gahege, Da tagera koita e daureve vagua gahigavara. Da daure vagua gahane--dana daure e aubougi vagua gahanu--daure era veitera ai dainehe Keriso ihehe. ¹¹ Eige Satan ra beta no tara geigevara. Badivara noka au guma daureve yabera noki besibe gaha. ¹² Udua bera Rohi Bauge raki baovanu dai da Troas orogane ei hari mage roro dainehe. ¹³ Di uhurera hegiri veitera Badivara Daka di ogo nane Thru a ei erara veitera. Eige daki garegevarae Macedonia otinu. ¹⁴ Eduge Dirava ra daki mage gahima, Keriso uhura vani aubougi ni ogigive mage gahima. Noigera koita yaberaki au guti mageve kia mata aubougi. ¹⁵ Badivara oti Diarava gera noka Keriso guti magevara, bada maguri isage mane koitava yau renu hoge ragohane yau. ¹⁶ Oti hoge ragohane koitava yau, guti era hogebei guti oti hogebei. Rohi maguri issue mane yaugera, maguribei oti maguribei. Unuhuna mageva misa? ¹⁷ Badivara noka beta koita beya nagate yabera Dirava gare haeva yau mageve dainehe. Eduge, uhu anana mageva gera, noka Keriso uhurehe gera noki ga ragoha, Dirava vairenehe.