¹ Iesu golona emirivo muliwainai, uma kamuvagi kamuvagi nara geroagiuao. ² Igo ia, au apua maleperana eveamaio ia elenai pe euialio Iesu eruao vilanai, nei, "Velegaua, pere goi wara poro ririwa, you nara thau poro ralevaku (vanamaku)." ³ Iesu imana egagipiao eau auniparanai enapa auo, evailarao, "Thau aririwa nia. Ono veraleva (nama)." Velevagi (noaigago- vana) eau auniparanai lepera vina emiao ipo enamao. ⁴ Iesu na eau evailrao, "Ono ia goi nara uma apua po-ono vaila. Ono roa gemu wanai, rupu vevai auna elenai ponorao geregamu na pono vevaripara, pe pono veveni wa Moses na veveni rovana thaona nara, pe ila mapige veva auna auna." ⁵ Waoranai Iesu ethoaowai Capernaum thaonai, Roman ami auna (centurion) nara ethaoveniao, enoginogiao Iesu, ⁶ pe neiwao, "Velegaua, thau geku ami auna wara emao gena numai ekaukauo e iavu kamuvagi evuani. ⁷ Pe Iesu na evailao, "Thau pana veamai pe pana vanamara." ⁸ Ami auna (centurion) na evaila lavu uleo pe neiwao, "Velegaua, thau wara nori gelegele thau geku numa kinina kapulena na goi pono thoawaioa. Namu ipo rori mo pono ilagia thaonai evivi auna pene nama. ⁹ Repana thau maina era Roman iavuna thaonai pe ami auri (soldiers) thau iavuku kapulenai. Thau nara eau pana vailara, 'Ono thoa,' thaonai ia eroania, pe mapua pana vailara, 'Ono veamai,' thaonai eau eveamaini, thaonai geku ulavunu auna ma apua, 'Egau ono alara,' thaonai ealarania." ¹⁰ Iesu na erori eamonagiao thaonai, ekalileao thaonai ia mulinai gethoawai umari evailathao, "Auna auna thauna mui availamuini, Thau nara au apua magena veva auna auna mara rawalia Israel thaonai. ¹¹ Thau na availamuini, uma iavogo wa pige veamai east na e west na, pe ila pige veoleau wa Abraham, Isaac, e Jacob rana table unai, kupa vanuanai. ¹² Namu e melo nau e kapu (kingdom) na wara pige vegaio munakolovu thaonai, wanai wara ige mainivilo e ruari ige galagui agiri." ¹³ Iesu na Roman guard au kamuna evailarao, "Ono roa! Na goi pove vauna auna, pe evevanama pene ulavunu goi gaurai." Pe gena ulavunu auna waoranai mogo gena vivi enamao. ¹⁴ Wanai Iesu ethao Peter na numa thaonai, ia na Peter gena agama vavinena mavina (manakulana) eiathao. ¹⁵ Iesu na imana enaparao, pe gena vivi enamao. Muliwainai evavine ekululaio Iesu gena ulavunu thaonai ethoa oaole. ¹⁶ Garoeone gena avanai, Iesu elenai uma na riairi avuavu ravaravari geroaoa auni pararai gealuwai umari gevai thaori. Iesu na euma avuavu thaorai gemiawai gauri gena rori na eguirairi e riai umari manakulari maparari ia na evanamari. ¹⁷ Eolema veaina pemi wala ewara no peroveta Isaiah na, eilagia, "Iesu mauna na ia gera vivi egapirao e ia thaorai vivi ia na eiaulurana (bore) o eriparana." ¹⁸ Wanai Iesu epinai uma kamuvagi eiarao, ia gena rori evenirao ia na ila wanai pene kaliwaniri ia pene vanagirao Galilee rawaparana wava avanai. ¹⁹ Pe aloalo auna apua eveamai Iesu elenai eilaiwao, "Vevaripa auna (Teacher), thau goi mulimuai ana thoa goi arikapuai ono thao avarai." ²⁰ Iesu na evailarao eau, "olopu wagari (foxes) ila mauluri, e manu vueuluvu unai (sky) maina mageria nogi, namu ia Amana Nauna kapuapua noaigau ia repana pene olea." ²¹ Mau apua wara Iesu gena vevaripa auna na ia evailarao, "Velegaua, poro vage leku thau ana rao kunerogo pe amaku ro waregana ana vekulia." ²² Namu Iesu na evailarao e au ia gena vevaripa auna, "Ono veamai mulikuai, na warega ono kaliwania geria warega ila na maurana pige kulia." ²³ Wanai Iesu elarageole gai apunai, gena vevaripa (disciples) auri ia mulinai mage thoaoleo gai thaonai. ²⁴ Igo iara, wanai ragila genakamuna egavuo mogo rawapara unai, rapoa o vuavua ola rana gai evulewai. Namu Iesu wa emauo. ²⁵ Iesu gena vevaripa auri gethao Iesu elenai pe gevaoao elaio, geilaiwao, "Poro vamaulimai, Velegaua; thai wara no iga warega!" ²⁶ Iesu na evilarao ila, "Ragauna mui pogo kali, gemui veva auna auna kirivagi?" Pe Iesu elaio wa ragila e rawapara unai wa rapoa ma vuavuari ewanerao. Mulinagena avanai ragila rawana erivo rawapara unai rapoa gegavuvagio ava ekaimaaliao. ²⁷ E au gekalileao pe negeiwao, "E au rau veaina, repana eragila e rawapara ia na pe rori veniria pege vagelea?" ²⁸ Wanai Iesu evanagio wavanai wa kapuai Gadarenes, au lualua wa avuavu ravaravari gealuoa ila thaorai pe ila nara Iesu gerawaliao. Ila wara warega legarana (thomb) gethoaraiwai e ila wa mauleagiri, gaurai wanana uma noai gevanagiwai. ²⁹ Geairao, geagio e geilaiwao, "Ragau thaina iga ala goi elemuai, Palau Velegaua Nauna? Goi poveamai enai thai ono umai alovai enegalamai (torment) thaonai veai rori garona vilarai roera?" ³⁰ Wanai pae ragavogo geganiganiwai, vepana noriraurau ila epirai. ³¹ Wa avu- avu ravaravarana Iesu geala thaowai pe geilaiwawai, "Pene goi nara thai ono giu raimai, thai ono uraimai wanai wa pae thaorai." ³² Iesu na evailarao ila, "Igo thoa!" Wa avuavu ravaravari geroaraio pe geveroa waioao wa pae raorai; pe thaonai, wa pae umana velevagi geve ravurivo golo unana poaropu na geveo rakwaraio rawaparai pe gewaregao nalu raonai. ³³ Wa uma riai rana wa pae geia mara- wai umari geravuroao pe ila gerao kapu apunai (city) pe egau mapari geve ilagi lovolovori, iwavagina rorina wa eau elerai ragau ewalao ila wara thaorai avuavu rava ravari gealuwai. ³⁴ Thaonai, e uma ma- parapararia e kapuna (city) gethoaraiole Iesu gemi rawaliao. Wanai ilana geiarao Iesu, ilana genogiao ia na geria kapu pene kaliwania.