¹ Wa garonai Iesu eroaraio wa numa na pe eve aluali rawapara omaragenai. ² Uma ipo kamuvagi wanai Iesu gealu gegelagiao, pe Iesu gai apunai eve rageo eve alualio raonai uma maparana geruao oneai. ³ Pe Iesu na ila gau iavogo e parables ai eva ilaveniria. Iesu neiwao, "Eveaina, uila kapu ealawai auna apua eroa gauvuari pene varori. ⁴ Pe evarorawai raonai, wa gauvua vairi rarapara laganai geo vuari, manu (birds) na geganiri. ⁵ Ma gauvua vairi geo alima iana rainai namu vauvau mo vavarivonai. Velevagi egauvua geauau repana alima nori ropuropu. ⁶ Pe garo elalao, lauri geirauo (scorched) repana ila noai lamuri, pe ge auauo o walolo. ⁷ Ma gauvua vairi mu rao rai geo uale. Wa gauvua wa mu na ekala gavuri pe ge warega. ⁸ Ma gauvua vairi geo uale alima namanai pe gekala rage ila gevua, vairi vuari inavuna (hundred), vairi sixty, e vairi gevua thirty. ⁹ Riai ia maegana, ia egana na pene amonagi." ¹⁰ Vevaripa auri gerao pe Iesu geva ilarao, "Ragauna goi na e uma ovaila rana parables ai?" ¹¹ Iesu erori lavu uleo pe ila eva ilarao, "Mui wara eveni iwavagimuio pe goripani ragau vevuniri gauri kupa vanuanai, namu ila wara ne venirao. ¹² Pene riai waripa elenai ia wara vogonavagi mapene venia, pe ia wara gau ipo iavogovagi elenai. Namu riairi elerai noai gau, emaina ragau elerai gemiao wagau mapene gapivagiri ila elerana.