¹ Mamanai wara Thori, pe Thori wara Palau Velegaua ila, pe Thori wara Palau Velegaua. ² E ia wara mamanai vagi Palau Velegaua ila. ³ Gau mapararia geve ala ia thaona na, pere ia noaiau nagau apua maina ere vealao pe gauri nara geve alao. ⁴ Ia thaona na wara mauli, emai mauli wa aunilimalima geria matha. ⁵ E mat- ha nara muna avari ematha rana, thaonai muna nara mane vapuea nia. ⁶ Wanai au apua wara Palau Velegaua na eve ua, ia tharana wa John. ⁷ Ia eve amai wa pene thori lovolovoa ematha gau na, wanana uma mapararia ia thaona nara pige veva auna auna. ⁸ John wara nori matha, namu ia eve amai ia nara ematha pene ilagi lovolovoa. ⁹ E matha auna aunana na, pe matha evenirana uma maparari, eve amai e alim- aparai. ¹⁰ Ia wa e alimaparai, pe e alimapara wa eve ala ia thaona nara, thaonai e alim- aparana ne ripa. ¹¹ Ia wa geregana eve ami ia mauna, pe ia mauna na ne rawalia. ¹² Namu pe iavogona ge vaiothao, geva auna aunathao ia tharanai, ia na thakwa nai evai oaria Palau Velegaua na enaurao. ¹³ Ila wara nori lala thaona na gewalao, maina nori aunipara ririwana na, pa nori maluane gena ririwa nara, namu wa Palau Velegaua thaona na. ¹⁴ E Thori emi aunilimalima thaonai ia thaorai emi mauli. ia na gaiao ia gena vemathalagi, vemathalagi no apuna vagi geregana mo amana elena na eve ami, nama na evonuo e ia wa auna auna vagi. ¹⁵ John gena thori emi auna auna ia pa- kunai ia eagi gogo gogo, eila iwawai, "Eia wa era thauna ailagia, "Ia thau mulikuna riai pene veami wa kamuna vagi nori thau veaiku, repana ia wa ekune thau vilakuai." ¹⁶ Gaurai ia gugu gugu na thaona na ia mapara rana e nama garawalia ni muli- ai muliai. ¹⁷ Repana e rova wa eve veni Moses thaona na. Nama e auna auna eve amai Iesu Keriso thaona na. ¹⁸ Uma a- puana Palau Velegaua rore iatha; Palau Velegaua geregamo, riai wa Amana elenai, ia na Palau Velegaua eripara. ¹⁹ E vailia era John wanai Jews na priests e Levites ge unagi thao ia elenai Jerusalem na pige renagia, "Goi e riai?" ²⁰ Ia eve ilagi thaio, ia ne veole oa, na- mu eve thori thakwaraio-"Thau era nori Keriso na." ²¹ Pe ila na mage renagia, "Ragau goi thaonai? Pe goi Elijah?" Ia nei, "Thau noaia." Ila ge ilaiwao, "Goi prophet auna pa?" Ia ethori lavu uleo, "No." ²² Thaonai ila na ge vailathao, "Riai goi, pe thai veaina e thori piga vailari riai rana thai pege unagimai umari?" ²³ Ia eila iwa, "Thau era karo apuna, agi nia na olopu umu umu thaona na: e Vele gena tharapara igo ala thakwa thakw, a, "Va gelegele Isaiah ia prophet auna na eilagia." ²⁴ Evanamo uma vairi Pharisees mag- e unagi thao, ²⁵ pe ila na mage renagi thao negeiwao, "Wa ragauna goi o baptize nia goi pene nori Keriso pa Elijah pa wa prophet? ²⁶ John na eva ila thao, "Thau na a bap- tize nalu na. Namu mui thao mui ai eruao auna mui noai goripao. ²⁷ Ia na peve ami thau mulikuna, ia gagenai ligoligo ga- una walori thau nori gelegele pana luvari." ²⁸ Egau wa geve alao Bethany ai wava avanai Jordan ai, wanai John e baptize wai. ²⁹ Magaro apua John na eiao Iesu eve amai wai thaonai neiwao, "Igo ai thao, wa- ra Palau Velegaua gena lamb na galama pene gapi vagiri ealimaparai! ³⁰ Eia era riai thauna ailagiao, "Eia thau mulikuna p- ene veamai ia wa iakamu vagi, repana ia wa thau vilakuai ekunevagio." ³¹ Thau na naripa ia, namu eve aina wa ia pene ve- va magai Israel elerai thaorai thauna pana baptize ria nalu na." ³² John eve ilagi magaio, neiwai, "thau na iavu apuna emi aluauo ia wa no pune- manu veaina kupa na emi rivo, pe emi ioa- uo ia unai. ³³ Thauna na iailiao ia, nam- u ia na riai euao thau elekuai pana baptize nalu na eva ilakuo, 'Thaonai riai goina po- no iatha wa iavu pene mialuau e pene mia ia elenai, ia mogo geregana pene ve bapti- ze Vea Palauna iavuna an.' ³⁴ Thauna aiathao emaina ailagi magaiao thaorai ia era Palau Velegaua nauna." ³⁵ Maveina mogo, rapa mae luva ma- garo apua, wanai John ma disciple lualua geruao thaonai, ³⁶ ila na Iesu geiathao ethoa vanagi wai, pe John eilaiwao, "Look, wara Palau Velegaua gena Lamb!" ³⁷ Gena disciple lualua na geamonagi- ao wathori pe gethoao Iesu mulinai. ³⁸ Wanai Iesu eai lavu uele ila ia mulin- ai gethoao pe ethori venithao, "Ragau go- ririwa nia?" Ila gethori lavu ule negei wao, "Rabbi ("Veva ripa auna"), "ariai goi oalu nia?" ³⁹ Iesu na ila eva ilathao, "Igo ve- amai pe igo ia." Wanai ila gethao pe wava geiathao ia gena alu avana; ila gealu waio Iesu elenai wagaro, pe waora gauna wara no 10th hour. ⁴⁰ Apuna ila lualua thaorana riaina e- amonagia John ethorio thaonai Iesu muli- nai ethoa wa Andrew, ia wa Simon Peter walawalana. ⁴¹ Ia na reparepa nai vagi ia walawala auna aunana erawaliao Simon pe eva ilathao, "Thaina paga rawalia wara Messiah." (ia ganina eveina ia: Keriso). ⁴² Ia na evaithaoa Iesu elenai, pe Iesu na ia eiathao thaonai eva ilao, "Goi wara Simon goi wa John nauna. Goi tharamu era pige gogomu Cephas" (ia tharana gan- ina eveaina Peter). ⁴³ Magaro apua evanagi, wanai Iesu er- iriwao wakapu pene kaliwania pene thao Galilee ai, ia na Philip erawaliao pe eva ila- thao nei, "Muliku ai ono veamai." ⁴⁴ Philip wara Bethsaida auna, Andrew e Peter maina wakapu auria. ⁴⁵ Philip n- a Nathaniel erawaliao thaonai evailathao "Ia riai Moses na e aloa rova thaonai, pro- phets maina, ia na paga rawalia ia: e Iesu era Joseph nauna, ia auni Nazareth ." ⁴⁶ Nathaniel na renagiao, "Pe gauwaua namana mapene thoarai Nazareth na?" Pe Philip na evailathao ia, "Ono veami pe ono iatha." ⁴⁷ Iesu eaithao Nathaniel eve a- miwai elenai thaonai eilagi-iwathao, "Eia, no Israelite auna auna na veaina, ia thao- nai noai ravavagi!" ⁴⁸ Nathaniel na Iesu evailathao, "Goina thau tha poripa iwaku?" Iesu na evaila lavu uleao, "Mamanai Philip na pegogomu goi, wanai goi fig gaupuna kapulenai, thauna paiamu." ⁴⁹ Nathaniel ethori lavu ulewai, "Rabbi goi wara Palau Velegaua nauna! Goi wara Israel geria Vele!" ⁵⁰ Iesu na evaila lavu uleao ia elenai, "Repana thauna availamuo goi, 'Thauna aiamu goi wa fig gaupuna k- apu lenai,' goi oveva auna aunani? Goi na poiatha era namu gau ia kakamu vagi wa- pono veia ria." ⁵¹ Thaonai ia manei wa- o, "Auna aunavagi, auna aunavagi, thauna availamuni goi, goina pono iatha kupa va- nuana pene valapa, wanai Palau Velegaua gena angels geve ragenia e mage verivoni Amana Nauna pakunai."