¹ Garo oioi mulinai, wanai wara vegar- awa velewana apuna pene vegapi kapuna Cana ia Galilee ai, pe Iesu inana maina au- nawara wanai. ² Iesu e gena vevaripa auri wara gevailari wavelewai pige thao. ³ Wavelewa thaonai wine egavuvagio, Iesu inana natha evailao, "Ila noai geria w- ine." ⁴ Iesu na inana evailao, "Vavine, ragauna goi pove ami thau elekuai? Thau geku ora rogo thorekwara." ⁵ Ia inana natha evailathao vealaveni auri, "Ragau ia na pene vailamui, pigo ala agia." ⁶ Wanai wara nalu kwauri aula oioi ge- ia eila wa Jewish geria velewa thaorai geu- lavunu agithawai vulivuliai, apuna thaona wa no lualua pa oioi metretes. ⁷ Iesu na evailathao, "Igo vavonuria na kwau nal- u nara." Pe ilana wa kwau geva vonuthao garethai wagemi olethao. ⁸ Mulinai ia na evailathao vealaveni auri, "Igo wagi va- giri iana evanamona pe igo gapi thaori ve- ala veni auna kamuna elenai." Pe veaina gealathao. ⁹ Vealaveni au kamuna nalu emamiao nalu mamina e wine, namu ia noriripana e wine arinara eveamio (namu evealaveni auri riparia nalu natha eve amaio). Mulinai ia na e ulavunu auna egogoa o. ¹⁰ evai- lathao, "Maluane maparathana namana v- agi wine na geve veni agiania mamanai m- ulinai wine voina kirina gewareani ila geve niu vanagini. Namu muina e wine namana pogo warea pene veami evanamo." ¹¹ E iaia mamana Iesu na ealathao wa kapu Cana ia Galilee ai, wanai ia na eva magaiao ia gena iavu, wanai ia gena veva- ripa aurana geva auna aunao ia. ¹² Mulinai e Iesu, ia ma inana, ma wala walana, e ia magena vevaripa auri geve rivo Capernaum ai wanai ila gealuo garo viravira apuna. ¹³ Wanai Jews geria oreto ganikou ora- na wa eveavio, pe Iesu ethao Jerusalem ai. ¹⁴ Ia everipa voivoi auri geria oxen ma sheep e pigeons ia amana gena airupuali numana thaonai gevoi agithawai, e moni gevoi agithawai auri gealuo wanai. ¹⁵ Pe Iesu na ewari lovolovo thao e giu thairao wagau maparari ia amana gena ai- rupuali numanai, emaina sheep e mamoe mae valeu thairao. Ia na moni ekokothao ethakwa lovolovo thao e voivoi gauri ge o- leau thao e alualu laori ethakwa pule agi thao. ¹⁶ Wa pigeon voivoi auri evailath- ao, "Igo tou thakwarairi egau mapararia e- nanatha. E thau amaku gena airupuali nu- mana muinatha mapigono voivoi agiwaia. ¹⁷ Ia gena vevaripa auri geuamagi lavu uleo eia wara evealo, "Evea e iavu iwavagi numana ene vagavu aluria ia." ¹⁸ Thao- nai wa Jewish veai auri kakamurana Iesu ge alalavu ule veniao pe ge vailathao, "Ra- gau goina thai poro varipamai, repana goi na egau eveaina poalari?" ¹⁹ Iesu na ila evailathao, "Pene veala lovolovo eairupua- li numana, namu garo oioi mulinai thauna mapana varua laiwaia." ²⁰ Wa veaina, Jewish uma kakamurana ia gevailathao, "E airupuali numana eveala forty-six rigori mapararia, pe thaonai goi- na pono varua laiwaia garo oioi mogo?" ²¹ Namu wa eveaina ia natha eilagiaw- ai ia auniparana eilagiao enuma veaina. ²² Mulinai Iesu elaiwai warega natha, ia gena vevaripa auri geuamagi lavu uleo ia na ethori evailaria, gaurai ila na geva a- una auna eilagavu maveana e thorithori meauvagi Iesu na eilagia. ²³ Pe wanai Iesu wa Jerusalem ai wa g- anikou velewanai, uma kamuvagi geve va- una aunao ia tharanai wanai ila na geia thawai ia na gau ealathawai. ²⁴ Namu Iesu na nevauna aunari ila repana ila tha- ori maparari eripagugulu thao. ²⁵ repa- na ia neririwao uma apua pene thori tha- i auna aunai ia elenai au apua olemana, r- auvagi ia na eripathao ragau emiao aunil- imalima thaonai.