¹ Ni oti e tolu a siga, sa dua a vamau sa ca'a nai Kona i Kaleli, qa ma notu ina o tinai Jisu. ² Edru ma Sureti o Jisu ei edru a ona tisaipeli ina vamau. ³ I na gauna ma sa oti ina a waini, sa qai aya o tinai Jisu ve ea, "Sa oti ve edra ai a Waini." ⁴ Sa qai oya ve ea o Jisu, "Yalewa, a cava o la'o mai ina vei au? Se bere ni yaco mai a oqu gauna." ⁵ Sa qai oya ve edra a tamata calaeda o tinana, "A cava ga e oya ve emudou. O oya, dou vele'e." ⁶ Ma notu ina e ono a saqa vaiu ni wai edra dau vayagatainia a Jiu ina odra Sogo medra vasavasavataini edra ina e rautia no ni rua ina tolu a mita a balavu ni saqa vatu ni wai. ⁷ Sa qai aya ve edra o Jisu, "Dou vatawania a uro wai ina wai." Edru sa qai vatawania me Sinai vutuvutu. ⁸ Sa qai aya o oya ve edra a tamata ca'aca'a, "Dou taiva, tani mai e so ai dia ve ea e vatulewatainia no a magiti." ⁹ Sa qai tovolea a wai o oya e vatulewatainia no a magiti a wai ma vui me waini, io sa maqa ni ila o oya se sa la'o mai vei (O odra qa a tamata colacola madra tae a wai edra ila). Sa qai acivi oya a tagone vou. ¹⁰ Sa qai aya ve ea, "Odra tamata tauedo'o edra dau solia imada a waini re na gauna dra sa mateni ina dra sa qai dou solia a waini malumalumu duadua. O io maroro tu a waini re me yacovia mai ai." ¹¹ I'ai a ena i vateivu ni ona ca'aca'a moina ma vele'e mai Kana i Kaleli, e ma vataila ina a ona i u'u'u'u, dru sa qai vabauti oya ina a ona tisaipeli. ¹² Ni sa oti ai, edru sa qai la'o sobu i Kapenaumi o Jisu ei tinana o odru a tacina ei edru a ona tisaipeli qa dru notu ina me vica a siga. ¹³ Ni sa volea a odra ana vata a Jiu sa qai la'o cale i Jerusalemi o Jisu. ¹⁴ Sa qai igavi edra ina Valenisoro nidra ma volitainia no eso a bulumakau ga sipi, eina ruve, ei odra dau veisau i lavo nidra ma no tu ina. ¹⁵ Sa qai vele'e o oya e dua a wa qaliqali qa uti edra tauco'o mai na loma ni vale ni lotu me dra lai tuba. O'a leqa vata ga ina a sipi ei na bulumaicau. Sa soverainia qa vuicia a teveli edra dau veisau i lavo ina. ¹⁶ Sa qai aya o oya ve edra a volitai ruve, "Dia tani mai ei a vila ai. Sa rautia a volivolitai ma vale Tamaqu." ¹⁷ Dru sa qai nanumia o odru a tisaipeli ni ma sa volai, "Sa ani au a loloma atoata ina omu vale. ¹⁸ Sa qai vosa o odra ai Jutia qa aya ve ea, "A ava ai vatailaila o sa vataila vei eimami, nib sa vele'e a a tauco'o ai?" ¹⁹ Sa qai saumia o Jisu, "Dou veraia a valenilotu ai, au na qai tara va oti leqa ina tolu ga a Siga." ²⁰ Sa qai aya o odra ai Jutia, "A valenilotu ai ma, tara ina loma ni 46 a yabai, io ona tara rawa leqa vaoti ina tolu walega a Siga?" ²¹ I'a a vale e aya no o oya a ona gau ga. ²² Ni sa tucae leqa mai na mate o oya, edru sa qai nanumia a tisaipeli ni ma sa aya oti vei edru a vita ai; edru sa qai vabautia a i vola tabu ei na ona vosa o Jisu. ²³ Na gauna ma sa notu ina ina ana vata ni laosivia i Jerusalemi, sa lewe levu sara edra sa vabautia a ona yaca ena gauna dra une ina a ca'aca'a mana ma vele'e. ²⁴ E maqa ni vararavi ve edra o Jisu ni ilai edra tauco'ol ²⁵ E maqa ni yaga vei dua me vataila i edra a tamata ni sa ilai o oya a a sa tu ina loma ni tamata.