¹ Ia sa lao o Jisu ina ulunivanua ni vei olive. ² Ia ni sa roaroa caca leqa mai o oya i na vale ni soro, qa sa lao mai ve eya o odra a tamata taucoo ga, qa no sobu qa vavulici edra. ³ Ia o odra a vunivola ei edra a Farisi edra sa dia mai ve eya e dua a lewa sa igavi ni sa dau tagane, dra sa qai vatu ni eya i na edra maliwa. ⁴ Wa aya ve eya "vavuvuli, sa igavi a lewa i ai ni sa dautagane, ni ma notu vata saraga. ⁵ I na vunau i Mosese e varotia ve eda me virilai ina vatu a mataqali lewa ve ai, ia qa cava o aya? ⁶ E dra vayagatainia a taro ana me dra coriti eya ina. Ia sa qa cuva sobu o tisu qa vola a sosomo i na ona i qaqalo. ⁷ Ni dra se tarogi eya no ga, sa qai tu cae vakokonu qa aya re edra "Edua e maqa ni valavala ca, me viri eya i mada i na vatu." ⁸ Sa qai cuva sobu leqa qa valaudo i na sosomo. ⁹ Ia ni dra sa rogo, e dra sa yaduda i tuba, sa matai a yasi qa dra vimuri taucoo waqe sa qai vo ga o Jisu vata ei eya o lewasa tu ga i na ona mata. ¹⁰ Tucae vakokonu o Jisu qa tarogi eya "I vei o dra ari? e dua lii e eitai ni io va ca? ¹¹ E maqa bea, ayo oya, sa qai aya ve eya o Jisu, "O au ga leqa au maqa ni lewai io mo civeti, "Lao qa ma ua ni ralavala ea leqa. ¹² Sa qai vosa leqa ve edra o Jisu, qa aya, "O au a rarama ei vuravura, o oya sa muri au ena maqa ni lao ina iloilo, ena tu ga re eya a rarama ni bula. ¹³ O odra a Farisi edra sa qai aya vo eya "O sa aitai ni io e maqa ni dina a omui tuutuu." ¹⁴ Sa qai vosa o Jisu qa aya ve edra, "Ia eu sa aitai ni au, sa dina a oqu i tuutuu, niu sa ila a vanua au lao mai ina, qa lao waqe ina, ia dou sa maqa ni ila siu lao mai vei, seu lao i vei. ¹⁵ Dou sa lewa me tautauvata a a sa igavi, a sa maqa ni lewa e dua a tamata. ¹⁶ Ia eu sa lewa sa dina a oqu lewa, ni u sa maqa ni notu ere ga, ia o au vata ei Tamaqu o oya sa talai au mai. ¹⁷ Sa velai au ga leqa a omudou i vunau, ni sa dina ai tuutuu ni tamata e le rua. ¹⁸ E dua o yau au sa aitai ni au, sa aitai ni yau o Tamaqu, o oya sa talai au mai. ¹⁹ E dra sa qai aya ve eya, "Ivei o Tamamu? Sa qai aya o tisu, "Dou maqa lii ni ilai au se o Tamaqu, e dou sa ilai au, dou sa ilai Tamaqu ga lega". ²⁰ Sa aya o Jisu a rosa ai ina vale ni yau, ni sa vivavulici i na vale ni soro, qa maqa ni dua e tauri eya, ni se maqa ni yaco a ona gauna. ²¹ Sa qai aya leqa va tila o Jisu ve edra, "Au sa lao waqe, qa dou na vaunci au, qa mudou na mate ina omudou i valavala ca. A vanua au sa lao ina dou na maqa ni lao rawa ina. ²² Ai a vuna edra aya ina a Jiu, "Ena vamatei eya bea ga rai eya? oya bea ana a vuna e aya ina o oya "A vanua au sa lao ina, mudou na maqa ni lao rawa ina?" ²³ Sa qai aya leqa. "Mudou sa lao nia ra, au salao mai cae, dou sa vavurauura au sa maqa ni vavuravura. ²⁴ Au ma aya ve e mudou ni dou na mate i na omudou i valavala ca, e dou maqa ni vabautia ni sa i au, dou na mate dina i na omudou i valavala ca". ²⁵ Dra sa qai aya o cei o io? Sa qai aya o Jisu, O oya au nia aya ve emudou mai na enai teivu. ²⁶ E levu a e dodonu meu aya meu lewai emudou ina, ia sa dina o oya sa talai au mai, ia au sa aya i vuravura a via a ma rogo mai ve eya. ²⁷ Edra maqa ni ila ni vosataini Tamana ve edra o oya. ²⁸ Sa qai aya ve edra o Jisu, "Ni dou sa lavetia oti a luve ni tamata, dou na qai kila ni sai au, niu sa maqa ga leqa ni velee e dua a a vai au, ia a a ga sa va veilia au ina o Tamaqu, o oya ga au sa vosatainia. ²⁹ O eya sa talai au mai sa notu vata ei au, e se maqa va dua ni biuti au meu tu duadua, niu sa dau velee a a e marautainia. ³⁰ Ni vosa mad no ga, e leva edra sa vabauti ea. ³¹ Sa qai vosa o Jisu ve edra a Jiu o odra sa vabauti ea, "E dou sa qumia vare a ogu i vavuvuli dou sa qai oqu tisaipeli dina. ³² Dou na qai ila a a dina ia a dina ena qai sere i emudou." ³³ Dra sa qai aya ve eya, "Oi mami a awai Eparaama, qa maqa ni dua oimami ina bobula ina i na dua a rouna, qo sa aya vacava, ni oitou sa screi? ³⁴ Sa qai aya o Jisu, "Au sa aya ve emudou a a dina, o oya sai valavala ca sa bobula i nai valavala ca. ³⁵ A bebula e maqa ni dua a ona tiina tu dei i na veivale, ia a luvena sa tu ina qa tawa mudu. ³⁶ Ia e sa serei io a Lievenia, o sa qai serei uai dina. ^{37 38} Au sa ila dou sa awa i Eparaama, ia dou sa mata vamatei au, ni sa maqa ni notu i na lomanudou a equ vosa. v 38 Au sa vosatainia a a au ma igaria vei Tamaqu, ia dou sa vehe a a dou sa rogo mai ve eya a Tamamudou. ³⁹ Edra sa qai aya, "A tamai ei mami o Eparaama. Sa aya ve edra o Jisu, "E dou sa luvei Eparaamo dou na velee ai valavala i Eparaama. ⁴⁰ Ia dou sa qai mata vaiyatai au, a tamata sa aya vo emudou a a dina. O oya au ina rogo mai ve eya a Alou. O Eparaama ena maqa ui velee a a ve ai. ⁴¹ "Mudou sa velee no a ona caacaa a tomamudou". E dra sa qai aya, "Oimami maqa ni sulu i na dau yalewa, e dua bau a tamai ei mami, la Alou ga." ⁴² Sa qai aya ve edra o Jisu, E sa tamamudou o a alou, dou na lomani au, niu sa tubu mai ve eya a Alou, qa lao mai ina. Au ,aqa ni lao mai vai aui ra o oya ga sa talai au mai. ⁴³ A cava e maqa ni matata ina a oqu vosa ve emudou? Baleta gani dou na maqa ni rogo rawa a a au aya. ⁴⁴ A tamudou a tavoro, ia mudou sa mata velee a gagadie ni tamamudou. O oya a dau laba mai inai vateivu e so maqa ni vabautia a a dina i ni sa maqa ve eya a dina. Ni sa seni o oya sa dau tovele a a sa tu ve eya, ni sa dau vosa waru qa tama ni dau seseni. ⁴⁵ Ia nui sa aya ve emudou a a dina dou qai maqa ni vabauti au! ⁴⁶ O cei ve emudou sa vakinadinatainia niu sa cala? E u sa aya ve emudou a a dina, a sava dou maqa ni vabauti au ina? ⁴⁷ O oya sa ona a Alou sa rogo a vosa ni Alou. A vu ni mudou maqa ni rogo, ni dou sa maqa ni ona a Alou. ⁴⁸ Sa aya re eya o odra a Jiu, "Sa maqa lii ni mami aya dina, ni o sa ai Samaria, qa sa curumi io e dua a tevoro?" ⁴⁹ "Au maqa ni curumi tevoro" sa aya o Jisu, ia au sa varoorootai ni Tamqu, ia dou sa valiailiai au ga. ^{50 51} Au sa maqa ni va saga meu varooroo tai ia e dua e saga qa o oya ga a dau ni lewa. ]v 51 Edina, edina, au sa aya ve, e emudou dua e maroro a oqu vosa, e na maqa ni igavia a mate. ⁵² Edra sa qai ri aya ainia vai edra o o dra a Jiu, "Mami sa qai ila ai ni sa curumi io e dua la tevoro. Sa mate o Eparaama qo odra ga leqa a parofita, ia qo sa aya, e dua sa vabautia na ga a oqu rosa ena maqa sara ni mate. ⁵³ O i lii o levu cae mai vei Eparaama a tamai eima ini? E sa mate gae ga leqa ina o dra a parofita? O cei o nanumia ni o io? ⁵⁴ Sa qai aya o Jisu, "eu sa varo orootai ni au ga, sa qai maqa a betena a oqu varoorootai. A Tamaqu, o oya e mudou aya no ni tamudou, O oya ga sa varoorootai ni au. ⁵⁵ E dina ga ni dou maqa ni ilai eya, ia au sa ilai eya. Eu aya niu maqa ni ilai eya au na qa sesuu me tautauvata ei emudou, ia au sa ilai eya qa vabautia no ga a ona vosa. ⁵⁶ Sa gutia valevu sara o Eparaama a tamamudou me igavia a oqu gauna, sa igavia qa marau ralovu. ⁵⁷ Ora sa qai aya ve eya o edra sa Jiu, "Se maqa mada ga ni limasavalu a omu yabai ni bula, qo sa igavi Epanama? ⁵⁸ "Au sa aya ve emudou a a dina", Aya o Jisu, "Ni sa bere ni sucu o Eparaama au sa bula? ⁵⁹ Ora sa qai tomi vatu medra vavirii eya, ia o Jisu sa qa nouotai ni eya, qa reva tani mai i na vale ni soro.