¹ E dina, e dina, Aci sa aya ve emudou, o oya, va yadua sa maqa ni curu i na taari ni bai ni sipi, ia sa aba leqa i na duatani leqa a vanua, a tamata sa dau yayona qa dau butao. ² Ia o oya sa curu donu i taari, oya ai ai vatawa ni sipi. ³ Sa dolavia ve eya ai vatawa a matamata Sa rogo a ona domo a sipi, sa tarogia a sipi ina ona aca, ⁴ qai matai tai ni edra i tuba, dra qai muri eya sipi, ni dra ila vare a ona domo. ⁵ Dra na maqa ni muria a ulagi ia e dra na lao tani mai ve eya, ni dra maqa ni ila a domo ni vulagi." ⁶ Sa tovele re edra a vosa vatautauva ta ai o Jisu, ia edra maqa ni ila rawa ai balebale ni a ai e aya no ve edra. ⁷ Sa qai aya leqa ve edra o Jisu, "E dina, edina au sa aya ve emudou, o ayu a taari ni sipi. ⁸ O oya vayadua sa matai mai vei au, sa dau yayana qa dau butao, ia a sipi e dra maqa ni rogoi edra. ⁹ O ayu a taari. O oya vayadua sa curu ina ina vuuqu, e na rabulai, ena dau curu mai, qa dau curu waqe ena sotavia a ena. ¹⁰ Ia sa maqa ni lao mai a dau butao ia me butao ga qa ravuravu qa varusa. ¹¹ O aya ai vatawa re. Ai rata wa re e solia tu a ona bula i na vuudra a sipi. ¹² Ia o oya e saumi e maqa ni vatawa ni sipi qa maqa ni ona a sipi. Ni sa igavia ni lao mai a olifa sa biutia tu a sipi qa ubu, sa qai toboi edra a wolifa qa talabu sese ina. ¹³ E ubu baleta ni saumi ga qa maqa ni leqatainia a sipi. ¹⁴ O aya ai vatana ni sipi re, au sa ilai edra sa oqu, ia o odra oqu edra sa ilai au. ¹⁵ Sa ilai o tomaqu, qau sa ilai tamaqu, qau sa solia leqa ga a oqu bula i na mudra a sipi. ¹⁶ E so loqa a sipi e dra se maqa ni notu i na bai ni sipi. E dodonu meu di edra leqa ga mai, edra na rogo a equ domo, ena qai dua bau a qele ni sipi qa dua ai vatawa. ¹⁷ O oya ana sa lomani au ina o Tamaqu, au sa solia a oqu bula meu dia leqa. ¹⁸ Maqa ni dua ena dia tani rawa vei au, ia au sa solia vai au ga. Sa tu vei au a kaukauwa meu solia, qa tu ga leqa vei au a kaukauwa meu dia leqa. Sa solia mai vei au o Tamaqu ai vunau ai. ¹⁹ Dra sa qei vileti leqa o odra a Jiu i na vuu ni vosa ai. ²⁰ E so ve edra e aya, "Sa curumi eya a tevoro maqa ni ve ai a tamata. A cava miau rogoi eya no ina?" ²¹ Qa aya leqa eso, "Maqa ni ve ai a tamata e curumi tevoro. E rawa lii i na tevoro mi dolavia a mata ni mata bobo?" ²² Sa qai vala mai Jeruisalemi a solevu ni vasavasavatai ni vale ni soro sa gauna ni liwaliwa. ²³ Sa lao voli o Jisu ina vale ni soro i na varada ei Solomoni. ²⁴ Dra sa qai waveitai ni eya qa dra aya ve eya. "A lava o tauri ei mami vabalavu tu ina ve ai me oi mami vatitiqa tu, e o io dina a Karisito aya mai va dodonu". ²⁵ Sa qa voso o Jisu qa aya re edra, "Au sa aya oti ve emudou qa mudou maqa ni rabautia. Au velee a caacaa i na yaca i tamaqu o oya ana ai vadinadina me baleti au. ²⁶ Ia dou maqa ni vabautia baleta ni mudou maqa ni oqu sipi. ²⁷ Edra rogo a oqu sipi a oqu domo, au sa ilai edra, qa dro muri au. ²⁸ Au solia ve edra a bula tawa mudu, edra na maqa sara ni mate, qa na maqa ni dua e rawa ni di edra tani rawa mai i na opu liga. ²⁹ Sa soli edra mai vei au o Tamaqu, o oya sa levu mai re edra taucoo ga, ia e na maqa ni dua e rawa ni na alirai ni edra mai na liga i Tamaqu. ³⁰ "Oi rua sa dua bau ga ei Tamaqu." ³¹ Dra sa qai tomi vatu leqa a Jiu me dra ua virii eya. ³² Sa qai vosa o Jisu ve edra, "Au sa raraitainia ve emiau o levu a caacaa rere mai vei Tamaqu, ia ivei a caacaa ve edra ai emudou mata ua virii au ina ina vatu?" ³³ Sa qai vosa o odra Jiu qa dra aya, "Oi mami maqa mata va vini io ina vatu ina vuu ni caacaa re baleta ni o vosa vacacatainia a alou ni o tamata o qai mata veraitai ni io nio Alou. ³⁴ Sa qai aya ve edra o Jisu, E maqa lii ni volai i na omudou i vola ni vunau, "Au sa aya, "dou sa Alou" ³⁵ E sa vatoai edra me Alou o oya ni yaco ve edra a vosa ni Alou, (sa qai maqa ni biu wale rawa ai vela Tabu). ³⁶ Dosi sa aya lii ve eya sa lesia a Tamaqu, qa tala i vuravura, o sa vosa racacatainia, a alou, niu sa aya, o aya a Luveni Alou? ³⁷ Eu sa maqa ni velee a caacaa i Tamaqu, ua ni vabauti au, ³⁸ ia eu sa velee, dou vakinatia a caacaa, e dou sa maqa ni vabauti au, mo dou ila ina, qai vadinatia ni sa notu vei au o Tamaqu, qau sa notu ve eya o yau. ³⁹ Dra sa qai mata tauri eya leqa, sa lao tani o oya mai na odra liga. ⁴⁰ Sa lao leqa waqe o oya i bati ni Joritani lega ana, i na vananua ma vipapitaisotai ina i mada o Joni, qa no tu ina. ⁴¹ Dra sa lelevu edra lao ve eya qa dra aya. E maqa ni velee e dua a caa mana o joni, ia sa dina taucoo a ma vosatainia o Joni me baleta a tamata ai. ⁴² Dra sa lelevu e dra sa vabauti eya mai ena.