3 ¹ God Yawe i tokim mi, "Go na laikim meri bilong yu, ol narapela man i save laikim em, em i meri bilong bagarapim marit. Laikim em tru long bel bilong yu olsem tasol mi God Yawe i laikim tru ol manmeri bilong Israel, maski ol i bihainim ol narapela god na i ol laikim ol switpela ofa ol i kukim pinis." ² Orait mi baim em bilong mi yet long 160- silva koin na 220 kilo bilong drai plawa na 115-kilo bilong bali rais. ³ Na mi tokim em, bai yu i stap wantaim mi long olgeta dei. "Yu bai i no moa i stap olsem pamuk meri o meri bilong narapela man, olsem tasol mi bai i stap wantaim yu." ⁴ Ol manmeri bilong Israel bai stap nating long sampela dei i nogat King, pikinini bilong king, ol ofa i save givim long alta, ston pos, bros kapa o haus bilong god giaman bilong ol. ⁵ Bihain bai ol Israel i kam bek na painim God Yawe, em God bilong ol na Devit King bilong ol, long las dei ol bai kam brukim skru long God Yawe na long marimari bilong em.