1 ¹ Long namba tu krismas taim king Darius istap king bilong ol Judah, tok bilong God Yawe i kam long profet Haggai long namba wan dei bilong six mun, i go long Gavana bilong ol Judah, Serubabel pikinini man bilong Sialtiel na het pris Joshua pikinini man bilong Sehosadak na em i tok, ² God Yawe bikpela bilong yumi i tok, Ol dispela man meri ol i tok, 'Em ino taim bilong yumi long kam or wokim haus bilong God Yawe"' ³ Bihain tok i kam ken long God Yawe i go long han bilong Profet Haggai na i tok, ⁴ "Ating em nau taim bilong yupela yet long wokim gutpela haus bilong yupela na taim haus bilong mi istap bagarap a? ⁵ Olsem na God Yawe bikpela bilong yumi i tok olsem, Lukluk gut na tingim ol pasin bilong yupela, ⁶ Yu planim planti kaikai tasol yu kamautim liklik tasol, yu kaikai tasol yu i no pulap, yu drin tasol yu i no sipak. Yu putim kolos tasol yu kol yet, yu tuhat na painim moni long wok bilong yu tasol yu putim long poket i gat bikpela hul. ⁷ God Yawe bikpela bilong yumi i tok, Lukluk gut na tingim pasin bilong yu, ⁸ Igo antap long maunten na kisim diwai i kam daun na wokim haus bilong mi nau na bai mi amamas na istap insait na kisim bik nem, God Yawe i tok." ⁹ Yu wok long painim planti tasol yu kisim liklik tru ikam long haus bilong wanem mi rausim i go olgeta! Bilong wanem as?" God Yawe bikpela i tokaut. "Bilong wanem haus bilong mi i bagarap istap, taim olgeta man meri i tuhat long wokim haus bilong ol yet. ¹⁰ Long dispela pasin ol heven i holim bek na i no givim liklik rain wara long yupela na graun i no moa givim gutpela kaikai. ¹¹ Mi tok strong long kisim ol bagarap i kam long graun, long maunten, kainkain sid, antap long nupela wain, antap long oil na wanem kaikai bai yumi kamautim long graun, antap long ol man meri na wel abus na olgeta tuhat wok bilong han bilong yu. ¹² Bihain Serubabel piknini man bilong Sialtiel, na het pris Joshua pikinini man bilong Sehosadak wantaim ol liklik lain man meri ol i harim tok bilong God Yawe, God bilong ol na profet Haggai, bilong wanem God Yawe i bin salim em i kam toktok na ol poret long pes bilong God Yawe. ¹³ Bihain profet Haggai mausman bilong God Yawe i tokim ol man meri na i tok olsem, "Mi i stap wantaim yupela, dispela em tok God Yawe i tok aut." ¹⁴ Olsem na God Yawe kirapim spirit bilong gavana bilong Judah, Serubabel pikinini man bilong Sialtiel na spirit bilong het pris Joshua pikinini man bilong Sehosadok na spirit bilong ol liklik man meri, long olgeta i putim han wantaem na wokim haus bilong God Yawe bikpela ¹⁵ insait long namba tuenty fo dai long six mun long taim king Darius em holim king sia bilong ol Judah inap long tupela krismas istap.