¹ Ichi chikhali chakutoma chamafala yadidi ya yesu nkhilisitu, mwana wa Mulungu. ² Ninga kudanembiwa na Yesaya mneneli, ''Nyang'anani, Ine ndikutumiza mtumiki wangu patsogolo pa nkhope zanu, Iye ndiye ankonza njira yanu. ³ Fala la m'bodzi ndiye ankuwa ntchipululu , 'Konzani njira yache ya Mbuya; konzani njira yache yakulungamira.'' ⁴ Yohani adabwera, achibatiziwa ntchengo, na achilalikira ubatizo bwa kutembenuka mtima na bwa kulata ku chikhululukiro cha machimo. ⁵ Dziko lense la Yudeya na wanthu wense waku Yerusalemu kwa iye. Adabatizidwa na iye mu Mkulo wa Jorodani, pakuwulula machimo yawo. ⁶ Yohani adamvala chakumvala cha ukuse bwa Ngamira na mtcheka wa khanda mtchiuno mwache, ndipo akhadya bziwala na uchi bwa mthengo. ⁷ Iye achilalika, achiti, ''m'bodzi alikubwera wa mphamvu kuposa ine; nsapato zache ningakwanise lini kutsudzula ne kumanga. ⁸ Ine ninkubatizani na madzi, tsono iye adzakubatizani na Nzimu wakuchena.'' ⁹ Bzidachitika nsiku zomwezo Yesu adabwera kuchokera ku Nazaleti waku Galileya, ndipo iye adabatiziwa na Yohani mu mkulo wa Yorodani. ¹⁰ Pomwe Yesu adanuka m'madzi, adaona kudzaulu kudafunguka na nzimu wakuchena ndipo ukubwera kuna iye ninga Nkhangayiwa. ¹¹ Mafala yadamveka kuchokera ku dzaulu, ''Uyu ni mwanangu womwe nimbamkonda.Ndakomedwa nawe kwenekwene,'' ¹² Tsono nzimu wakuchena udamungingimiza kuyenda kuthengo. Iye adakhala mtchipululu nsiku makumi manayi, akuyesedwa na satana. ¹³ Iye akhakhala na bzilombo bza mthengo, tsono angelo akha mtchinjilidza. ¹⁴ Tsono atamangiwa Yohani, Yesu adabwera ku Galileya achilalika mafala ya Mulungu. ¹⁵ Iye achiti, ''Nthawe ya mala, ndipo ufumu bwa Mulungu bwafika. Chinjani mukhulupire mafala ya bwino.'' ¹⁶ Pomwe akhafamba mphepete mwa nyanza ya Galileya, adawona Simoni na Andileya M'bale wache wa Simoni akhathusa bwazi nyanza, thangwe iwo akhali asodzi. ¹⁷ Yesu adalewa nawo , ''Bwerani, nditewereni ine, ninzakusandusani asodzi wa wanthu,'' ¹⁸ Pamwepo adatula bwazi achimutewera iye. ¹⁹ Tsono Yesu adafamba pang'ono, adawona Yakobe mwana wa Zebedayo na Yohani abale wache; akhali mwadiya kokonza bwazi. ²⁰ Iye adawachemera popo adaleka babawo Zebedayo ali mwadiya na anyabasa, achimutewera iye. ²¹ Tsono iwo adabwera ku Kaperenawo, nsiku ya sabudu , Yesu adapita ntchalitchi achi pfunzisa. ²² Tsono iwo adadabwisiwa nachi pfunziso chache, iye adapfunzisa ninga mwenekachiro mphamvu neninga alembi. ²³ Tsono pomwepo pakhana munthu ntchalitchimo wa nzimu wakuyipa adakuwa, ²⁴ achiti, ''Tilinamwe chani ife, Yesu wa kunazaleti? Wabwera kudzati dzonga ife? Ine ndikukudziwani. Ndimwe m'bodzi wakuchena wa Mulungu!'' ²⁵ Yesu adatsimula chiwanda achiti, ''Nyamala ndipo uchoke mwa uyu!'' ²⁶ Tsono nzimu wakuyipa udachoka mwa iye uchiyenda kutali pomwe adakuwa namafala makulu. ²⁷ Wanthu wense adadabwa , iwo adamvunzana wina na mwanzache, ''Nchiyani chochi? Bzakutoma kupfunzisa na ulamuliro! Iye akukwanisa kutonga mizimu yakuyipa iyo ichimumvera iye!'' ²⁸ Nkhani iyi ya iye idabveka palipense mu nzinda wa Garileya . ²⁹ Pomwe adachoka mtchalitchi, iye adayenda mnyumba mwa Simoni na Andireya, pabodzi Yakobo na Yohani. ³⁰ Tsono amabzala wache wa simoni akhali gone kudwala manungo, iwo adamuza Yesu ibzi. ³¹ Tsono iye adabwera, adam'phata boko, achimmusa, manungo yadamala, achiyamba kuphata basa pabodzi. ³² Maulo ya nsiku imweyo, adabwera nawo atenda wensene na anyakuphatiwa na bziwanda. ³³ Tsono muyi wense adagwezekana pabodzi pa msuwo. ³⁴ Iye adachirisa azinji omwe akhadwala nthenda achifulusa bziwanda bzizinji, koma alibe kubvuma bziwanda kusewera thangwe bzidamdziwa iye. ³⁵ Iye adabesera kumuka, kukana mdima, adawaleka achiyenda kumbuto ya chete kukapemba. ³⁶ Simoni na anzache adamuyang'ana yang'ana iye. ³⁷ Adakamugumana achimuuza iye, ''Wanthu wense akukuyang'anani.'' ³⁸ Iye adalewa, ''Tiyendeni kulikwense , kumizinda yakuzungulira, kuti ndikalalikire pomwe kumweko. Nithangwe lache ndabwera kuno. ³⁹ ''Iye adazunga mu Galileya mwense, achilalika mmatchalitchi achifulusa bziwanda. ⁴⁰ Wamapere adabwera kuna iye. .Adamukumbira iye; adagodama achilewa kuna iye, ''Penu mukufuna, mungakhoze kundichenesa.'' ⁴¹ Adaphatiwa na nsisi, Yesu adatamula boko lache achim'pata iye,adalewa naye, ''Ine nimfuna. Chena.'' ⁴² Pamwepo mapere yadachoka, ndipo adachenesiwa. ⁴³ Yesu popo adamutsinda achimuchosa popo. ⁴⁴ Iye adalewa naye, ''Bvesesa nampodi kulewa kwa munthu aliyense , tsono ndoko, ukabwionesere wekha kuna wa nsembe, ukapereke chakupereke chako chomwe Mose adakulamulirani, ngati umboni kwa iwo.'' ⁴⁵ Tsono iye adayenda achiyamba kufalisa achizimbula mafala , naterepo Yesu alibe kukwanisa kupita mu mzindamo padecha tsono adakhala mbuto za mderekho. Chensenecho wanthu akhabwera kwa iye kuchokera kuli kwense.