¹ Paulo, mtumiki wa Yesu Mkhirisitu kudzera mu chifuniro cha Mulungu, malingana na chilonjezo cha moyo ndiwo uli muna Mkhirisitu Yesu, ² kuyenda kuna Timoteo, mwana wa kukondeka: Chifundo, nsisi, na mtendere wakuchoka kuna Mulungu Baba na Mkhirisitu Yesu Mbuya wathu. ³ Ndikutenda Mulungu ndiye ndamutumikira kucoka kuna abereki wa kale, na nzeru zakuchena, ndimo nimkukumbukirani mmapemphero yangu ya usiku na maasikati. ⁴ Pomwe ndikukumbukira misozi yanu, ndikufuna kukuonani, kuti ndidzaziwe na kudekedwa,. ⁵ Ndakumbusiwa bza cikhulupiriro chanu ca chadidi comwe cikhali mwa yavu wanu wachikazi Loisi na mai wanu Yunisi, apo nimziwa kuti chiri pomwe mwa imwe. ⁶ Iri ni thangwe lace ndikukukumbusa kuti ukoleze mphatso ya Mulungu ndiyo iri mwa iwe kudzera mwa kuikha manja yangu pa iwe. ⁷ Nakuti Mulungu alibe kutipa mtima wa mantha, soma wa mphamvu na cikondi na wakubzilambiza. ⁸ Apo lekani manyazi pa kuchita umboni bza mbuya wangu ayai na ine pano Paulo, mkaidi wace. Mmalo mwace gawanani kubonera uku pala mafala ya Mulungu malingana na mafala ya Mulungu. Ni Mulungu ⁹ ndiye adatipulumusa na kutichemera na machemeredwe ya kulemekezeka. Adacita ibzi sikuti thangwera mabasa yathu, soma thangwera manera yache na chifundo. Adatipa bzinthu ibzi mwa mkhirisitu Yesu kutoma kwa nthawe kukanati. ¹⁰ Soma tsapano chipulumuso ca Mulungin cha zimbulika na kuonekera kwa Mkhirisitu Yesu. Ni Mkhirisitu ndiye adamalisa kufa achibweresa moyo wakusaya kumala kuti auikhe kudzera mmafala ya ¹¹ Mulungu.Thangwera ibzi ndidasankhuliwa kukhala mulaliki, mtumwi wa mpfunzisi. ¹² Na thangwe iri ndidabva bwa kuwawa ibzi. Soma nimchita lini manyazi, thangwe nimmudziwa ndiye ndamukhulupirirayo. Ndakopeka mtima kuti ambatha kukoya ibzo ndibzo ndakoyesa kuna iye mpakana nsiku iyo. ¹³ Koyani chifanizo ca mafala ndiyo mudabva kuna ine na chikhulupiriro na cikondi ndicho chiri mwa Mkhirisitu Yesu. ¹⁴ Chinthu ca bwino ndicho Mulungu adachita kuna imwe, chitchenkheni kudzera mwa Mzimu wa Kucena, ndio uli mkukhala muna ife. ¹⁵ Munkudziwa ici kuti wense wa kukhala ku Asia adandipandukira. Mmathimu yoya muna a Phygelusi na a Herimogene. ¹⁶ Mbuya mbaapereke cifundo kuna banja la Onesiforo, nakuti adatsitsimusa ine kazinji napo pomwe alibe kuchita manyazi na njema zangu. ¹⁷ Mmalo mwace pomwe akhali ku Roma adandipsaga ine na nyongo achindigumana. ¹⁸ Mbuya mbaampase iye agumane chifundo kucoka kuna iye nsiku imweyo. Njira zensene ndizo adandithandiza mu Aefeso mumzidziwa bwino.