¹ Pamo imwe muta zimanyile , vamwitu [she ine nkuyanga ku vantu ve vamanyile izya lulajilo], ukuti ululajilo lukumulajila umuntu muhavalilo honti he uwene mulanzi. ² Umwantanda we asenzitwe apinyilwe ku lulajilo ku mulume wako pe ashili mulanzi, loli inga umulume afwa , uwene akustulwa ukwepa ku lulajilo ulwi sendwa. ³ Pe ishi lwe umulume wakwe mulanzi loli uwene akwihala nu mwanavuli uwunji, valimwita ukuva waluvembu. nkandi we umulume afwa, uwene akuva musatushe ukwepa ku lulajilo , pe teluvembu kukwakwe inga akwihala nu mwanavuli uwunji. ⁴ Pe lelo, mwe vantu , nimwe vwelele mwapezilwe ukuva mwe vafwe ku lulajilo ukujendela mu muvili uwa chilisiti . Ishi shili vunuvu ukuti iwe ukuti iwe ulemenkane ku wunji ,kwe kuti ,ku wuyo we ahazyusile ukufumaku ku vafwe , kwe kuti iswe tuve muluvatiho ulwa ku kuhoma ishihomwa isha Mulungu. ⁵ Lwe iswe twashili tuli kumuvili , twazyusile ukujendela mu lulajilo , lwali pa mbombo ivya mavili gitu pahoma ishihomwa isha vufwe . ⁶ Lole ishi iswe tusatulilwe ukufuma ku lulajilo . Iswe tu fuye mwivy ukujendela mu vye vyatukunzite iswe izi zili vunuvu ukuti iswe tunga vusunjilila uvupya uvwa mupepo ,ha vili te mwe umvukaali uvwa kalata. ⁷ Vuzye iswe tuliyanga shoni lelo ? vuzye u lulajilo pa lweka vutalamalandu?Zitavanje uvu nalumo. lumo nge ntahanyavumanya uvutalamalandu , inga te kujendela mululajilo . she ine nge ntavimanyile ivinyonywa pekapeka lye u lulajilo lwayanga, "mutaha nyonyuwaje," ⁸ Lole uvutalamalandu vuha lwaga ulusaho ukujendela mulu homelezyo havili pe luhapapa ahavele honti ahashinyonyuwa mu mwane , She ishisita lulajilo , uvutalamalandu vufuye. ⁹ Pa havalilo hamu ine nali ne mulanzi ishisita kuva mu lulajilo , lole lwe inkomelezyo zyinzile , uvutalamalandu vuha kava uvlanzi , havili nkafwa. ¹⁰ inkomelezyo zye zyamile zilete uvulanzi zihagalunkana ukuva vufwe ku kwane. ¹¹ She uvutalamandu vuhasenda ulusaho ukujendela munkomelezyo havili pe vwankopesile ine, ukujendela munkomelezyo vuhangoga ine. ¹² pe ululajilo ulwene lufinjile, nu luhomelezyo ulwene lufinjile , lugolosu havili lwinza. ¹³ Vuzye zihavombwa ishinza vwava vufwe ku kwane? zitavanje vunuvu nalumo . Loli uvutalamalandu , mu luvatiho vuhondeye vulolehaje ukuti vutalamalandu, vwe vuhaleta uvufwe kujendela mu she shali shinza , havili ukujendela mu luhomelezyo uvutalamalandu vuhondeye ukuva vutalamandu ukupitilila ishipimo . ¹⁴ She iswe tumanyile ukuti ululajilo luhava lwa mu mupepo, loli ine ne wa muvili. ine nkakaziwa pansi pa vuzya uvwa vutalamalandu. ¹⁵ She ine nkuvomba , ntakushaganya nu vwanalyoli , she ine nkwanza ukuvomba , teshe nkuvomba , pe ine she nshivenzile, she nkuvomba. ¹⁶ loli inga ine nkuvomba she ntakwanza , pe nkwitinkana nu lulajilo ukuti ululajilo lwinza. ¹⁷ Loli ishi te nene havili ne nkuvomba izi, nkandi uvutala malandu vwe vukwihala mu mwane. ¹⁸ She ine manyile ukuti mumwane , Shila she shili mumuvili wane ,mutakwihala ishintu ishinza nashimo . she ukunyonyuwa ukwanyinza kuli nine, nkandi ntakuvomba shenesho. ¹⁹ Ivyinza vye ine nkwanza, ntakuvivomba ,loli uvutalamalandu vwe ine ntakwanza, vwe nkuvomba. ²⁰ Ishi inga ine nkuvomba she ntakwanza ukuvomba, pe te nene nkujendelela ukuvomba , loli uvutalamalandu vwe vukwihala mumwane. Pe ine nalwaga ululajilo ulu : ²¹ Lwe ine nkwanza ukuvombainyinza , imbivi yili poka nine. ²² She nkuseshela mululajilo ulwa mulungu poka nu muntu uwa mukasi. ²³ Loli ine nkwenya ululajilo lwe lulehine muvigavo ivya muvili wane. ulwene lukulwa nukuvushila ululajilo ulupya lwe luli munsivo zyane. pe lukunkunga ine ukujendela mu lulajilo lwa vutalamalandu vwe vuli muvigavo vya muvili wane. ²⁴ Ine ne muntu we aswilimine! Wuwenu we amposhe ine ukufuma ku muvili wununo uwa mfwa? ²⁵ Lole ukusalifya kuvale kwa Mulungu mwa Yesu uchilisiti umwene witu! Pelelo ine neka nkuvombela ululajilo ulwa mulungu ni nsivo zyane . nashe, ine kumuvili nkuvombela ululajilolwa vutalamalandu