¹ Pe vwinza vuli vwe ava yuda vali navwo? havili muli vwinza vuli mu vuvolwa? ² vipiti munzila zyonti .uvwandilo vwa vyonti , ava yuda vavumbulilwe ni shitushizya kufuma kwa Mulungu . ³ Pe zingava vuli inga avayuda vamo vahavanga vasita lwitiho? ukusita kwitha kwavo kungefya ulwitiho lwa Mulungu ⁴ zitavanje nalumo uvu. lole , leha u Mulungu ave wa nalyoli , pope umuntu wonti muluma ilenga .Inza she ziha simbwa ukuti "uhondeye uloleshe kuva we mugolosu mumazwi gaho , havili uvapotaje inga va ku kulonga." ⁵ Pe inga uvugombanu vwitu vukulolesya uvugolosu vwa mulungu , pe tungayanga shoni? Tunga yanga ukuti umlungu musita vugolosu lwe akuleta uvuhalazu vwakwe piswe ?[nkuvomvya uku susanya kwa vuntu ] ⁶ zitavanje uvu! pe ishi u Mulungu angalonga vulivuli insi? ⁷ pe inga kujendela mwilenga lyane uvwa nalyoli vwa Mulungu vukonjezya intimo kukwakwe ,shoni she nkulongwa vulo ngati ne mutala malandu? ⁸ Shoni tuta yanje inza she vatuyanjiye ilenga havili inza she vamu vakusimishizya tukuyanga ukuti , "nzaji tuvombe imbivi, ukuti uvwinza vwinze"? uvulonzi pa vavo vwanalyoli. ⁹ Pe shoni? she tukuyiteta sweka? temwemumo . She pe twavalonga hali avayuda na va gilik,i vonti poka ukuva mu vutala malandu. ¹⁰ izi zili inza she zisimvilwe: "Atalipo umugolosu, nawoka . ¹¹ Atalipo nawumo we akuzyaganya ; atalipo nawumo we akumulondola u Mulungu . ¹² Vagalunkine vonti ; poka vonti vava vasita mbombo atalipo we akuvomba inyinza , awe , nape woka.'' ¹³ ''Amamilo gavo zye mbipa zya kwazi. imili zyavo zyava hopeha. insalile zya njoha zili mu malomo gavo.'' ¹⁴ ''Amalomo gavo gizuye ni ntipo nu kuvava.'' ¹⁵ " Ivinama vyavo vikushimbilila ukwita ivanda . ¹⁶ ulunanjiho na mayimba vili mu madala gavo . ¹⁷ avantu ava vatahalimanya idala lya mutende .'' ¹⁸ "mutali ukunyila u Mulungu mu minso gavo .'' ¹⁹ Ishi pe twamanya ukuti shonti she ululajilo lukuyanaga , lukuyangaga ku ve vali pansi pa lu lajilo . izi zili vunuvu kwekuti ilomu lyonti lyigalile , insi yonti yimumanye u Mulungu . ²⁰ izi zili uvu mulandu umuvili nawumo we wulipona pa mulandu wa mbombo zya lulajilo muhenyezye hakwe . she ukujendela mululajilo kukwinza ukumanya kwa vutala malandu . ²¹ Ishi lelo kwefya ku lulajilo uvu golosu vwa Mulungu vwava apazelu , zihavishilwa uvwahome mululajilo na vakuvwi ²² uvo vwe, vugolosu vwa Mulungu kujendela mu lwitiho mwa Yesu u chilisiti ku vonti ve vakusuvila. She nakumo ukulegana. ²³ Pe vonti vatazile amalandu havili vakupotwa kuvushindamu vwa mulungu , ²⁴ havili vasatushe ku tulwa kuvwila vwakwe kujendela muvuposhi vwa Chilisiti u yesu. ²⁵ She umulungu ahaviha uchilisiti uyesu ngati mputile iyapamwanya kujendela mu lwitiho lwa mwivanda lyakwe. ahatupa uchilisiti uyesu ngati kusimishizya uvwanalyoli vwakwe, pa mulandu wa kusita kusajila kwa vutala malandu vwa hali. ²⁶ umwakujimbilila kwakwe .uku kwali kulolesya uvugolosu vwakwe pa havalilo aha , pe akuva mugolosu havili waku golosya uno we ali nu lwitiho mwa Yesu . ²⁷ Galikwi ishi amadinko gefile? gefile. kujendela mu lulajilo vuli lwa mbombo? ndali, nkandi kujendela mululajilo lwa lwitiho . ²⁸ tukumalizya lelo ukuti umuntu akupokwa nu lwitiho ishisita mbombo zya lulajilo. ²⁹ Pamu uMulungu we wu Mulungu wa vayuda veka? atangava wu Mulungu wa vope ava kunzi ?mwemumo, navakunzi vope. ³⁰ Inga, nalyoli , umulungu aliwoka ,alimupoha we aha volwa mu lwitiho ,na we atahavolwa mulwitiho . ³¹ Pe lelo tungasufya ulu lajilo kujendela mulwitiho? zitavanje uvu , nkandi ,tulemetele ku lulajilo.