2 havili kuvala kwa Apiya umuyemba witu, havili kuvala kwa Akipusi umusilikali wamwitu, havili kuvala ku shivanza she shikuhomana munyumba yaho.
3 Uvwila vuve niwe havili umutende kufuma kwa Mulungu uTata witu nu Mwene uYesu Chilisiti. 4 Ine nkumusalifya uMulungu shima lwe ine nkutambula iwe muphuto zyane,
5 mulandu ine nkivwa ukuyana nu lwitiho lwe ulinalwo pantanzi pa Mwene uYesu nishikunzi she ulinasho kuvantu vakwe vonti avafinjile.
6 Nkuputa ukuti ukugavana kwa lwitiho lwaho kuve kwakufishilapo, pe uliva nuvumanyinsanyi uvupiti uvwa shintu shonti ishinza she tulinasho mwa Chilisiti.
7 Pe ndinuluseshelo ulwinji nulusuvizyo mulandu wa shikunzi shaho, mulandu amoyo ga vantu va Mulungu avafinjile gahaga amaha mwiwe, wamwitu. 8 Pelelo, nashe ningava nuvujimvu vwonti mwa Chilisiti ukukulajila iwe ukuvomba she ungavomba,
9 loli mulandu wa shikunzi, nkulambilizya iwe muvuzilo vwakwe-ine, ne Pauli, ne muntu umugosi, havili ishi ne mukungwa wa Chilisiti uYesu. 10 Ine nkulambilizya kwiwe ukuyanana nu mwana wane uOnesimo, we ine mupafile mumanyololo gane.
11 Shuwene pahavalilo hamu atali nimbombo kwiwe, loli ishi wambombo konti kukwaho na kukwane.
12 Uwene namugalusya kukwaho, uwene we wa pa mwoyo wane.
13 Nkunyonywa ukuti nge nava poka nawo ukuti ambombele ine mumalo mwaho pe ine ndi mumunyololo pashifukwa shivangeli. 14 Loli ine ntahanza ukuvomba shimo shisita iwe kumanya. Ine ntakwanza ukuti imbombo zyaho inyinza zive zyakupatishizya loli zifume mukwanza kwaho ukwinza.
15 Lumo pakuti uwene ayipaguye kwiwe pahavalilizyo hansi, ukuti iwe uvanje nawo shima shima.
16 Uwene atahavanje ngati muzya, loli avanje pashi ukulusya umuzya, ukuva wamwinyu unkundwa. Uwene muganiwa sana ku kwane, nukulusya nkani kukwaho, muvyonti kumuvili na mwa Mwene. 17 Pe inga uli nine ngati mulilani waho, umuposhele wenewo ngati nene.
18 Inga uwene akunanjiye iwe pamu ukumudaya shimo, undaye vyenevyo nene.
19 Ine, ne Pauli, nkusimba ishi ninyove yane. Ine nemwenesho ndilipila vyenevyo - ntakuyanga ukuti pe ukundaya ine ukuyidaya wewe weka!
20 Mwemumwo, wamwitu, leha ine injikavile kufuma kwiwe mwa Mwene; usansamusyaje umwoyo wane mwa Chilisiti. 21 Nkusuvila ukuyana nukwivwila kwaho, ine nkusimbila iwe. Manyile ukuti ulivomba nukushila pa vye ine nkuvuzizye.
22 Pahavalilizyo hanaho, unsenganizizye ine apakukata, she ndinulusuvilo ukuti ukujendela muphuto zyaho ine ndigaluha kukwaho. 23 Epafula, mukungwa uwamwitu mwa Chilisiti uYesu, akukulamuha iwe.
24 UMaliko, uAlisitaliki, uDemasi, nu Luka, avavomvi avamwitu vakulamuha.
25 Uvwila vwa Mwene witu uYesu Chilisiti vuvanje numupepo winyu. Ameni.