¹ Mwe vasita njele va Galantiya! wuwenu we avalozile? vwe mushili pakumwenya uYesu Chilisiti kuminso ginyu ukuti mumwenyaje ukuti muhomelelwa. ² Ishi she shimo nkwanza insambilile kwimwe: muhaposhela umupepo umufinjile pe afumile mumbombo zya munkomelezyo pamo mukwivwila ulwitiho? ³ She muhonzizye vasita njele? Mwanzite mwamupepo, nkandi shinishi mukwanza nukumalilizya nizya muvili? ⁴ Amwe zyonti zye zyavinzilaga lye zya shaha- she inga zya nalyoli zyali zya mupepo? ⁵ Uwene uno we akuvapa umupepo imwe nukuvomba ivisukumizyo mulimwe akuvomba havili nindajilo, pamo mukwivwila poka nu lwitiho? ⁶ Ziholine nizya Abulahamu ''We ahamwitiha uMulungu mwemumo ahatashilwa uvugolosu.'' ⁷ Munzila fwe yinino, yivwa, pe, ve vali nulwitiho ve vana va Abulahamu. ⁸ Mwakalata, nkuzyenyelezya ukuti uMulungu alivasimishizya avakunzi nu lwitiho, nu kukumusya inongwa inyinza lwe atamulemesile u Abulahamu, nukuti, ''Muliwe inkolo zyonti zili lotwa.'' ⁹ Pelelo, vonti avalwitiho ve valositwe poka nu Abulahamu, umwitisi. ¹⁰ She vonti venga vasuviye mumbombo zya munkomelezyo ve vamuntipo; she lisimbilwe, ''Atifilwe wonti we atakusyelematila muzyonti zye zisimbilwe mu kalata wa nkomelezyo nukuzivomba.'' ¹¹ Izyene nyene zye zili apazelu nawumo atakutashilwa uvugolosu pantanzi pa Mulungu munkomelezyo, she ''Uvugolosu vuliva mulwitiho.'' ¹² Izyene nyene inkomelezyo zitasimfile mu lwitiho, nkandi, ''Uno we nga akuvomba izya ndajilizyo ahondeye ukwihala nazyo.'' ¹³ Uwene nu Chilisiti atuposile kuntipo zya nkomelezyo she ayipezile ukuva ntipo zya kutupoha iswe- she lisimvilwe, ''Atifilwe ali wonti wenga akuhoveshelwa pikwi-'' ¹⁴ ukuti uvulote vwa Abulahamu vuvinzilaje vope avakunzi mwa Yesu Chilisiti, ukuti mu lwitiho umupepo we afinzile nawo. ¹⁵ Mwe vamwitu, zanjanje ishivuntu. Nkuti umuntu apanjile ulufingwi lwe lukwihala pankomelezyo, nawumo we angasula pamo konjelezya. ¹⁶ Ilelo ulufingo luhayanjilwa kwa Abulahamu nuluveyu lwakwe.'' Atakuyanga, ''Mumbeyu zye nyinji, ''Loli kuwuyo weka, ''Nakumbeyu zyaho, ''U Chilisiti wuwenu. ¹⁷ Ilelo she nakuvala kuyanga sheshino: uluhomelezyo, lwe lwinzilele amaha 430 ukupitilila, zye zitakunangania ulungwi lwe atalisile ukufinjilwa nu Mulungu, ukukwanilisya zyonti zye afinzile. ¹⁸ Pala ulupwano lukwinza nuluhomelezyo, pe tezihinjile havili mulufingo. Loli uMulungu amupiye u Abulahamu ukujendela mu lulajizyo. ¹⁹ Shoni, pe, yali yashi ukjuva muluvingwi? Zihonjela mulandu wambivi ukufuma paluveyu lwa Abulahamu luhinza mpaka kuve vaha vinjilwa. Ulufingwi luhapelwa ukujendela muvahavizya munyove zya vafusya. ²⁰ Ilelo avafusya vakwimilila avinji ukushila woka, loli uMulungu ali woka. ²¹ Muli lelo inkomelezyo zikulasana nifwingwi zya Mulungu? Zye utahayezye zinizi! she inga zyaliko inkomelezyo zimo zye zikupela uvulanzi, penkandi uvugolosu vukufuma mu nkomelezyo. ²² Ilelo uwene ukalata avwigaliye vyonti mwe muvutala malandu. Umulungu ahavomba zinizi zifinjilwe kutupoha iswe mulwitiho mwa Yesu Chilisiti nukuti zyinzaje kuvavo ve vakumwitiha. ²³ Lwe ulwitiho lushili ukwinza, pe twigalilwe munkomelezyo zya vuzya, tuhasunjilila ukuti tuhafishe kulwitiho lwe lukwinza ukuvoneha. ²⁴ Pe inkomelezyo ziyipezile ukuva sunda vana zya kutusundila kwa Chilisiti, swenti tutashilwaje uvugolosi fwe vukufuma mulwitiho. ²⁵ Shinishi lelo she ulwitiho lwinzile, tute muvinama vwa nsundavana havili. ²⁶ She mwenti mwe vana va Mulungu mulwitiho mwa Chilisiti. ²⁷ She mwenti mwe mozilwe mwa Chilisiti mwe muzyaye u Chilisiti. ²⁸ Kutaliko panapa umu Yuda nawumo inga mu Giliki, kutaliko numuzya nawumo inga musatushe, kutalipo umuntu umwanavuli pamo umwantanda, she imwe muyipezile ukuva woka mwe mwa Chilisiti uYesu. ²⁹ Apene lelo inga mwe va Chilisiti, pe mwembeyu ya Abulahamu, pe mw vakupyana muvupyano vwe afinzile.