¹ U Pavuli, umupositili- te mupositili we wafumile ku vantu pamo vakumuvili loli akujendela mwa Yesu Chilisiti nu Mulungu utata, we ahamuzusya uwene ukufuma kuvufwe- ² navonti avamwitu poka nine, nakuvivanza vya mu Galantiya: ³ Uvwila vuve nimwe nuvwihalo ukufuma kwa Mulungu utata witu nu Mwene uYesu Chilisiti. ⁴ We ahayipa umwenesho pamalandu gitu ukuti atuposhe iswe munsi ino kumaha amavivi iga, ukulandatana nuvwigane vwa Mulungu utata, ⁵ kukwakwe kuvushindamu vuvanje shima nashima. Ameni. ⁶ Kusukumila sana ukuti vagalushila kweneko luvilo ukufuma kweneko ku we ahakwita iwe mu vwila vwa Chilisiti. Nkasukumila nkani pakuti ugalusile pakulesania inongwa. ⁷ Tekwekuti kuli inongwa iyamwavo, loli valipo vamo avantu ve vakwandisya mwimwe intamyo nu kwanza kugalavula inongwa zya Chilisiti. ⁸ Loli nashe nga twavanga sweswe pamo uhavizya we afumile kumwanya we ahalumbilila inongwa kwimwe lye litaholine nalwe tukuvakumusizya, vatipwaje. ⁹ Inza she ntayanzile pahatanzi, kuti shinishi kuyanga sona. ''Inga wumo akukumusya kwimwe inongwa akulasana nazye muposheleye leha uwene atipwaje. ¹⁰ Amwe nkwanza uvwankundwa ku vantu ningavanga kwa Mulungu? Amwe ningavanga nkwanza ukuhondela ku Vantu? Inga ine nchili ukuyezya ukuvaseshelezya avantu pe nkandi tenemuzya wa Chilisiti. ¹¹ She nkwanza ukuti imwe mumanye, vamwitu, ukuti inongwa zye nkukumusya tenongwa zya muntu. ¹² Ntahaposhela nakumo ukufuma ku muntu wumo, havili ntahamanyisya. Mumalo gakwe shali mushitushizya mwa Yesu Chilisiti kuli ine. ¹³ Mwivuye izya vulanzi vwane lye shili ndili mu Yuda ukuti nkashivwimaga nkani ishivanza sha Mulungu nkanzaga, ukuti ishinanganie shenesho. ¹⁴ Nkavapota ukuva mu Yuda ukulusya avinji ve vala vamaha gane, ukufuma ku vantu vane. Ahapupuluma nkani kunyiho zya vatata vane. ¹⁵ Loli lwe uMulungu, we ahasengania ine ukufuma mulwanda lwa mama, we ahanita ine muvwila vwakwe. ¹⁶ Zihamuhovosya ukumuvumbula umwana wakwe muline, ukuti imulumbilile kuva kunzi, ntahapulugana ukulandata kushimuvili na kwivanda. ¹⁷ Ntahavala mu Yerusalemu kuveva talisile ukuva vapositili lwe shili ine. Mumalo, nkavala mu Alebya havili nkagaluha mu Damasika. ¹⁸ Pamaha gatata nkazuva ukuvala mu Yerusalemu ukuti imumanye u Kefa nukwihala nawo amasiku 15. ¹⁹ Loli ntahavenya navamo avamwavo avapositili nkandi u Yakovo, uwamwavo wa Mwene. ²⁰ Muvye nkusimba kwimwe nkuvasimishizya imwe pantanzi pa Mulungu ntakuluma ilenga. ²¹ Pe nkavala mushigava sha mu Sili niya mu Kilikiya. ²² Nashili ukumanyikwa paminso agashivanza sha mu Yudeya ye yali mwa Chilisiti. ²³ Vahivwaga vulo kuzye zikuyangwa, ''Umuntu we ahatuvwimaga iswe shinishi akukumusya inongwa inyinza mulwitiho lwe alupalangania.'' ²⁴ Pe vahamutundumiha uMulungu shifukwa shine.