¹ Pakuti ichitangalala chakumwanya ngati mwenemughunda yo akabuka pangelo pakulonda abambombo abakubomba kumughunda wake. ² Mo apulikana nabo abambombo wake pakulipila isalabasya yoka pisiku, po akabatuma kumughunda. ³ Akabuka sona bokakindapo akabaliro kamo po akisa aketa abambombo abangibimililebu batakubomba nachimo pamalo gho bakughulisyapo ifindu(mariketi). ⁴ Kukwabo akati, numwe mubuke kumughunda sona po chose cho chisa, tingabape umwe; pobakabuka pakubomba. ⁵ Akabuka sona pakabaliro pa pamunsi akabaliro ka 12 okoloko napamasubasona akabomba ngati bubo. ⁶ Ilyabumaliro bo akabaliro kalipipi ukwana 5 okoloko akabuka nukubagha abangi bimilile batakubomba nachimo akabalilro akatali? '' akayugha umwene kukwabo, ' choni chicho mwimililrebu panu mutakubomba nachimo akabaliro kosi akatali aka? ⁷ Bakayugha kukwake bakati,chifukwa chakut nayumo atatuwilisisye uswe.' '' umwene akayugha kukwabo, , 'popebu mubuke kumughunda! ⁸ Mo lyakwana ilyanamasuba , umwenecho wa mughunda akayugha kwa kapitagho yo akaketelela umughunda ghula akati; witisye abandu bobamba nukuti tubape imalipilo ghabo, ukwanda pabumalilo mupaka pa bwandilo.' ⁹ Bo abandu bobamba bala bobakalembiwa imbombo ilyanamasuba bafika wesi akapokela indalama syake isalabasya. ¹⁰ Mo akwisa uwabwandilo yula bakinong'ona ukuti tiboapokele indalama nyingi, loli bope bakapokela isalabasya yoka. ¹¹ M o bapokela amalipilo ghabo, bakilumbusya ngani kiumwenecho wa malo. ¹² Bakayugha, Abandu ababaomba ababumalilo babomba akabalilo kanandi, loli wabnapa amalipilo ghakuyana nuswe, uswe twatamiwa ngani twalinda papo sona twapya nulusanya umusi ghosi . ¹³ Loli umwencho akamula nukuyugha ku yumoywene mumalo ghabanyabo, Bakamu bangu , ndapangapo ichibibi nachimo. Tutakapangana numwe ukuti tingabape isalabasya yoka(denali)? ¹⁴ Egha fifyo fyinu nukubuka. Nene nasala ukukubapa bobabomba imbombo ababumalilo amalipilo ghamughene mwakuyana numwe mwebosi ¹⁵ Ka Indanubwabuke ubwakupanga chosi chicho nighanite pafindu fyangu? pamo muli nabini chifukwa chakuti nabomba ubwanaloli? ¹⁶ Po Uwabwandilo akuyuba wa bumalilo uwabumalilo wabwandilo.'' ¹⁷ Mo uyesu nukukwela ukubuka ku Yerusalemu , akabegha abamanyila bala 12 nukubabika pambali, mo akwenda nabo musila akayugha nabo bosi , ¹⁸ ''keta , tukukwela tukuya ku Yerusalemu, po umwana wa mundu akuya pakubikiwa munyobe syabaputi abasongo naba simbi. Tiye bamunyasye nukumukoma ¹⁹ tiye apalekiwe mubandu bambula kwiputa ukuti wamunyoze nukumunyasya sona nukumupayika umwene. Loli pisuku lya butatu takise asyuke,'' ²⁰ Popala umayi wa bana ba Zebediya akisa kwa Yesu nabana bala. akafughamo pansi kwa Yesu nukumusuma fimo kukwake , ²¹ UYesu akayugha kukwake akati, , ''ukulondaki? akayugha kwa Yesu akati, '' llamula ukuti abana abangu babili aba bikale, yumo kunyobe yakulyela umunyabo kunyobe iyakusyomi, ku chitangalala cha kumwanya.'' ²² Loli umwene uYesu akamula akati, ''utakumanya fifyo ukusuma ,Ungang'wa ukapu yuyo nguya pakung'wa?'' Bakamwamula umwene bakati, '' tubaghile ukung'wa.'' akayughha kukwabo , '' ²³ ukapu wangu naloli mungamng'wa. Loli ukwikala kunyobe indyero sona nisyomi sitasyangu ukubapa umwe. loli syabandu babo yumo akabayanikisya nu Tata.'' ²⁴ Po bamo abamanyili teni bala bakati bapulka ifi bakabakalalila abanyabo bala babili. ²⁵ Loli umwene uyesu akababitisya bosi nukuyugha nabo, ''mukumanya ukuti yuyo akulamulila abandu bambula kwiputa alinamaka kukwabo nakubandu abapamwanya ngani abamaka bakwilanbisya amaka ghabo pamwanya papabo. ²⁶ Loli temomumo sibaghile mosibeleghe ngati musila iyi mumwinyu. Mumalo mwake wesi yuyo akulonda ukuba ubwasongo ku umwe abaghile abe mubomba mbombo binu, ²⁷ sona yuyo akulonda ukuti abe wabwandilo mumwinyu abaghile abe mubomba mbombo binu ²⁸ ngati isamumo umwana wamundu akubombela atakisa pakwipoka loli pakubapoka nukubapa ubumi bwake ukuya ku bandu a bangi . ²⁹ Mo bafumako ku Yeriko, ichibukutila chabandu abingi ngani chikamukonga. ³⁰ Bakaba nabandu bambula ukuketa babili bakikala nabo pamusebo. mobapulika ukuti uyesu akwenda pa musebo bakamumwitisya, bakati , Malafyale, mwana wa Deviti , tupelele ichisa uswe,'' ³¹ Loli ichibukutila chabandu chila chikabakalipila abene, nukubabula ukuti babae myee kwambula ukuyugha, loli bakalila mwakukwesya ngani amasyu; Malafyale, mwana wa Deveti tupelele ichisa uswe.'' ³² Mo uYesu akali imilile akisa abitisya nukuyugha kukwabo, mukulonda mbabombeleki umwe?'' ³³ Abene bakayugha kukwake bakati, '' Malafyale, twati amaso ghitu nge ghighuka,'' ³⁴ po uYesu , pakuti wachisa , bakapalamasya amaso . nalubilo bakanapokela ukuketa sona bakanda pakumukonga.