Umtwe 35
1
Leza anena Jekapu ati," Katuka yanga ku Beteli, ukikale kulyanye. Zenga koko akavuwa ke Leza, wino walolesile kwakwe wewe pano wasamazile umunyonko Esau."
2
Apano Jekapu anena awonsi awapachiwanza chakwe." swinya nawonsi wano walinji nawo," Wikani ukutali waleza wano wali pakasi pe mwemwe, yiswefye wenga, swinya uchinje ivizwalo vyako.
3
Lekani tukatuke tuye ku Beteli . Nkazenge kweneko akavuwa ke Leza, wino njasusile pawanda ntamyo zyane, wino walinji nanene konsinye kuno naya .
4
Achaleka awapa Jekapu twaleza twachilendo twansi zinji tonsi tuno walinji nato mumakasa yawo nindewelele zino zyalinji mumakutwi yawo. Jekapu wawazisile mwisika mumuwuyu kupipi nu Shekemu.
5
Pawulendo wawo, Eleza wawisile uwiyimvi mumisumba yino yawaliwilizizye awaleka awantunye wawo watapilila wakwe Jekapu.
6
Apano Jekapu afika ku LUZ(yino we Beteri) yino yalinji munsi ye Kenani , nawantu wonsi wano walinji waweliwe .
7
Wazenzile akavuwa kulyanye swinya ayita amasyo yayonye ati we Beteri , pamulandu Eleza wawo wayiwumbuzile wenga kweliwe, pano wasamalanga umunyina wakwe.
8
Deborah, umuwonvi we Rabeka, wafwile azikwa ukwichilila mwisika mumiti yamawuyu, apano chisilwe Allon Bakuti.
9
Pano Jekapu wizile ukufuma ku paddani Aram, Eleza amulolechela weliwe swinya amupepa weliwe .
10
Eleza avwanga ati kweweliwe, " izina lyako we Jekapu, kweni izina lyako utali wakwitwa Jekapu. Izina lyako uliwa kwitwa Israeli ." Achaleka Leza amwita izina Israeli.
11
Leza ati kweliwe, " ne Leza wamaka yonsi. Mupapane swinya munyamane . Ivintu vyonsi insi izyamunsi swinya namawumba ysansi imvule yaliyiza ukufuma kwewewe swinya izyamfumu ziliwafumu mwewewe.
12
Insi yino napile Abrahamu swinya nu Ayizeki nene nandi mbape mwemwe. Ndiwa kwe mwemwe kuwinaluko lwinu pano mbape insi."
13
Leza wavwanzile ukufuma kweweliwe ukufuma kumasyo yano wavwanzile nawe.
14
Jekapu awika amawe pamasyo yano Leza vwanjilanga nawe penepo , azenga ulupanda lwamawe ayitila penepo ivifimwa vyakung;wa namafuta.
15
Jekapu ayita izina lyamasyo yano wavwanganga nawe, ati Beteri.
16
Awasunkania awawuye awapitila ponga ukufuma ku Beteri. Pano walinji pamusinzo ukufuma ku Efulata , Rakelo wazanilwe nuwulumilwa wukulu pakupapa.
17
Walile pano alimuwulumila pakupapa, u muchi muwuye avwanga kweliwe ati, utati uwatina amuno kanonzi wandi uwe numwana winji umonsi ."
18
Pano wafwanga nulufuto ulwakufwa amwita izina ati we Ben_Oni, kweni eyisi amwita izina Benjamin.
19
Rakelo afwa swinya azikwa mumbali munzila yino yalungama ku Efulata (yino we Betelehemu).
20
Jekapu azenga ulupanda lwa mawe pankolelo pankungwe yakwe. Ichimanyilo chapankungwe chilipo ukufuka ilelo.
21
Israeli Atwalilila muwulendo swinya azenga umutanda ukupitilila akapungu ka vitekwa.
22
Pano Israrli wikalanganye munsi yoyo Rubeni umwana wakwe azeleluka nu Biliha umuzya wino yisi watwazile nga nuyisi amanya, swinya Israeli wamanyile wonsi ikumi nawawili.
23
Awana wakwe Leya we Rubeni, ekatote wakwe Jekapu, swinya nu Smeon,Levi, Yudah, Isakari swinya ne Zebulon.
24
awana wamwe Rakelo we Josefu ne Benjamin.
25
Awana wamwe Biliha, umuwonvi wakwe Rakelo umwanachi walinji we Dani, ne Nafutari.
26
Awana wakwe Zilipa umuwonvi wakwe Leya umwanachi we Gad ne Asheri. Wonsinye waa awana wakwe Jekapu wano wakwatizilwe ku Paddani
27
Aram. Jekapu aya kwe Ayizeki eyisi ku mamre ku Kariatraba(achilichonga nukuti Hebulon) kuno Abrahamu nu Ayizeki wikalanga.
28
Ayizeki wikazile imyaka umwanda wonga ni myaka amakumi kananimonsi (180).
29
Ayizeki afuta ukufuta ukwakulechelezya, nga afwa, swinya aya kuwakwasi wakwe esongo uwamanda mavule. Nga awana wakwe Esau nu Jekapu nawana wakwe awonsi awamuzika.