¹ ''Mutati mwawapingula, namwe mutala pingulwa. ² Pa wupinguzi uno ukupingula, awuno uli pingwila, ni chipimo chino ukupimila achino namwe mulapimilwa. ³ Nga ichani chino ukulola akanthu kanono kano kali mwi linso lya mukamu wako ? kwene utakukalola ichithu chino chili mwi linso lyako? ⁴ Nga ungavwanga wuli ku muzo , ''leka mfumye akamuti kano kali mwi linso lyako, 'pano umuti uli mwi linso lyako? ⁵ Mwe yazonvi! tazi uchifumye ichimuti mwi liso lyako, apano wandi ufumye ichinthu chino chili mwi linso lya mukamu wako. ⁶ Mutati mwapa aya simowa ichinthu chino ichitiswe, swinya mutati mwasumbila ya kapoli impumba. apakuti yangalyatanya, nga nukusenuka nu kulepula mwemwe. ⁷ ''Lenga, apano yalakupela. Londa nga ulivizana. kong'osya, apano yalikuyulila. ⁸ Apakuti wensi wino akulenga, akapochela;wensi wino akulonda, akavizana; umuntu wino akukong'osya, yalimuyulila. ⁹ Pali weni pali mwemwe nanti umwanakwe akulenga umukate akapupa iwe? ¹⁰ Pamwi nanthi akulenga inswi, angamupa inzoka? ¹¹ Achino nanthi wemuyembu wamanya apakupa ivinthu kuyana yinu wuzye kangakana tata winu uwakwiyulu ivinthu ivisuma kuli yano yakumulenga? ¹² Achino, chilichonsi chino ukulonda antu yakuwombele wewe, ulingine uwawombele nawo pakuti li ifunde ponga ni nchimi. ¹³ ''Mwinjile apamulyago unono. Apakuti umulyango ukulu inzila yino yakatwala ku wononyi, nga pali anthu ayinji yano yakapita mwenemo. ¹⁴ Loli umulyango unono ni nzila inthamyo yino yikuya ku wumi, nga yalipo yanono yano yakayizana. ¹⁵ Chenjelini na ya kasensema awufi, yano yakayiza mukalolechele ngati imyenda ya ng'onzi, pano umukasi muli ngati inangu zino zikasompola. ¹⁶ Muvikomwa vyawo amuno muliwamanyila. uzye umuntu angakonganika linango numuti wa munga pamwi umukuyu ukufuma mu muti wa mupangala? ¹⁷ Munzila yiyokwene, umuti wonsi uwuzima wukakoma ivikomwa ivisuma , kweni umuti uwuyipe wukakoma ivikomwa iviyipe. ¹⁸ Umuti usuma utanga upape ivikomwa iviyipe, numuti uyipe utanga upape ivikomwa ivisuma. ¹⁹ Umuti wonsi wuno utakupapa ivikomwa ivisuma ukuputulwa nukuwusumbila mu moto. ²⁰ Alipano muliwamanyila woliwo muvikomwe vyawo. ²¹ Asa wonsi yano yakati kuli nene,'mwene, mwene, yalinjila mu china mwene chakwiyulu, kwene yano yakuwomba ukukunda kwakwe Tata wino ali kwiyulu. ²² Ayinji ayantu yali vwanga kuli nene pawanda wuwo, 'mwene , mwene, uzye tutakoswelelanga mwizina linu, uzye tutafumyanga imipansi iyipe mwizina linu, mwizina linu twawombelanga ivyakuzungusya ivivele mwizina lyinu? ²³ Apano ndiwasimichizya, litawamanyile fumini kuli nene, mweyano mwawonilanga ivyakusushanya namasunde. ²⁴ ''Achino, wensi wino akuvwa amazwi yane nukuyawovya aliya ngati umuthu wa mano wino wazenzile ing'anda yakwe pilyalawe. ²⁵ Invula yatonyile, yamulamba yizile, ni mphepo yapusile nukuma ing'anda, kwene itaponyile pansi, pakuti yansifile mwiwe. ²⁶ Kwene wensi wino akuvwa amazwi yane nukuti atakuyakonka aliyana sile nu munthu umutumphe wino wazenga ing'anda pali nsenga. ²⁷ Invula yatonyile, mulamba wizile, ni nkhungu yapusile nukuma ing'anda, nukupona, ukumongoka kwakwe kwalinji ukukulu. ²⁸ Yafisile insita yino Yesu wamalizizye apakuvwanga amazwi yano, amawuvi yazungwike nukusambilizya kwakwe. ²⁹ Pakuti wawasambilizizye kuyawenga wino wali namaka, nupya atalinji ngati akawalika wamasundwe.