¹ Paulo, mupositoli wakwe Kilisitu Yesu mukulonda kwakwe Leza na Timoti uwunji, ² kuyanthu ayatele yakwe Leza na yanji ayisuwilo muli kKilisitu yano yali mu Kolose. Uwila wuye namwe, numutende ukufuma kuli Leza Tata witu. ³ Tukusalifya kuli Leza, Tata wakwe Mwene witu Yesu Kilisitu, nukuti insita yonsi tukawapepela. ⁴ Tuvwa isuwilo lyinu muli Kilisitu Yesu nulukundo luno muli nalo pa yanthu ayatele yakwe Leza. ⁵ Muli nu lukundo luu pamulandu wisuwilo lino lyanjilwa mwemwe mwiyulu. Muvwa kali ukuyana nisuwilo lii pano nizwi lya wumolimo litani, ilandwe ilisuma, ⁶ lino liza kuli mwemwe. ilandwe lii likuseka ivikomwa nupya likukula munsi yons. Likuwomba chii na muli mwemwe kwene nupya ukufuma pa wanda wqino mwaluvwila nukusambilila ukuyana nuwila wakwe wakwe Leza muwuchumi. ⁷ Lii ilandwe ndi vino mwalisambilile kuli Epafilasi, umuwomvi wunji umukundwe, wino umuwomvi umusuwilwa wakwe Kilisitu mumalo mwitu. ⁸ Epafilasi wapanjisya ukuti twamanya ulukundo lwinu lwa mumupasi. ⁹ Pamulandu walukundo luu, ukufuma pa wanda wuno tuvwile chii tutalekapo ukuwapepela mwemwe. Tukapepa ukuti muzule nu kumanya mukulonda kwakwe mu mano wonsi nukuvwichisya kwa mumupasi. ¹⁰ Twapepanga ukuti mupite ukuyana nulukundo lwakwe Mwene munzila zyakumusechelesya. Twapepanga ukuti museke ivikomwa mumilimo yonsi iyizima nukuti mukule mumano yakwe Leza. ¹¹ Tukuwapepela ukuti limwi mungakoma umu maka wonsi ukuyana namaka yawuchindame wakwe mukujimba konsi nukufuka. ¹² Tukupepa ukuti ni nsansa musalifye kuli Tata, wino wawazumilizya mwemwe ukuya umukwankhana impyanyi ya yanthu ayatele yakwe Leza muwuswepe. ¹³ Watupususizye sweswe ukufuma kumaka yakumfinzi nukututwala kuwumwene wa Mwanakwe umukundwe, ¹⁴ muli wino twapusuchile, ukutetelwa kwamaluyembu. ¹⁵ Weni ichikolanyo chakwe Leza wino asiloleka, katote waviwumbwa vyonsi. ¹⁶ Pakut muli weni ivinthu vyonsi vyawumvilwe mwiyulu na vino vili munsi, ivinthu ivyakuloleka ni vyawula ukuloleka. Nanthi ivilimba vyawumwene pamwi amaka pamwi uwutekopamwi insambu, ivinthu vyonsi vyelewilwe ukupitila muli weliwe nupya ivyakwe. ¹⁷ Weliwe wenga waliko lino vyonsi visiko, nupya muli weliwe ivinthu vyonsi vyalemana ponga. ¹⁸ Weliwe ali mutwe wa mwili, ing'anda yamapepo. Ali wakutalika nupya katote ukufuma muli yano yafwa, apano ali malo yakutalika pa vinthu vyonsi. ¹⁹ Pakuti Leza wasechelile vyonsi ivyakwe ivizule vyawukankhala muli weliwe, ²⁰ nukuti wayisile ponga ivinthu vyonsi ukupitila mu Mwana ukuya kuli weliwe. Leza wapanzile umutende ukupitila muwazi wapawuchingane wakwe. Leza wayisile ivinthu vyonsi kuli weliwe, nanthi ivinthu ivyamunsi pamwi ivinthu vya mwiyulu ²¹ Pansita yimwi namwe mwali mwe yenyi kuli Leza nukuti mwali mweyalwani mumwenzo nakumilimo yinu iyiyipe. ²² Kweni nomba wawayika ponga mumwili wakwe ukupitila muwufwe. Wawomvile chii ukuti mwemwe muloleke mweyatiswe, ayawula umulandu, nukuti mulaya pamanso yakwe. ²³ Ndimukupitilila mwisuwilo, mwatalika nukulemasya, ukwawula ukufumapo pi suwilo lilandwe ilisuma lino yatandanga kuyathu wonsi ayawumbwe mwisika mwiyulu. Lii ilandwe ilisuma lino nene, Paulo, nizile inja nemuwomvi. ²⁴ Nomba nkhusechela muwuchuzi wane pamulandu na mwemwe, nukuti nkhufichilisya mu mwili wane chino chikusowela ku machuzi yakwe Kilisitu pamulandu nu mwili wakwe, yino ing'anda yamapepo. ²⁵ Ichang'anda yamapepo yii yino ne muwomvi, ukuyana numulimo wuno wafuma kuli Leza chino chapilwe kuli nene chakwe mwemwe, pakufichilisya izwi lyakwe Leza. ²⁶ Yii inkhama yawumolimo yino yafime munkhulo na munkhwatwa kweni nomba yawumbukwa kuyanthu ayatiswe yakwe Leza. ²⁷ Akuli woliwo ukuti Leza walondanga ukuti chimanyikwe kuwukankhala wa uchindame wankhama yawumolimo kuya Mitundu, wino a Kilisitu muli mwemwe, itayilo lya wuchindame. ²⁸ Tukumutanda wene, ukuchenjezya nukusambilizya aliwensi na mano wonsi, umwakuti tungamulanjizya umuntu wensi ukufikapo muli klistu. Pali chii ukuwomba nu kulemansya ukulingana ku ²⁹ maka yakwe yano yali pakuwomba muli nene mu maka.