¹ Akabitizya twelovu poka sona akabapa amaka na mazaza pakufumizya imphepo imbibi sona nukupozya izyandwala. ² Akabatuma babo babuke baye balumbilile izgachinamwene cha Chala sona nukupozya abalwale. ^{3 4} Akati kukwabo, '' mutakasende nachimo pabulendo bwinu¬ngati nkhomo, inyambi, ichakulya, indalama sona mutakabe namalaya aminji awe.Munyumba yonsi yo mwingila, mwikale mulanyene mpaka mukafume. ⁵ Konsi kuko batalibapokela, pala mukufuma mukaya kala, mukabakung'unthilenge ulufumbi lwa kuvinama vyinu ukuba lusimikizyo papabo,'' ⁶ Po bakanyamuka nukuya mutwaya, ukulumbilila izwi sona nukupozya paliposi. ⁷ Lero u Herodi tetrarch akivwa vyonsi vyo vikabombiwanga, sona vikamuswighisya hee, chifukwa vikaneneka ukuti bamo bakatingi we Yohani akanyamuka pakufuma ku bakufwa, ⁸ sona bamo bakatingi we Eliya yo akaboneka, sona abanji bakatingi we yumo umuwonela uwakale nkhani weyo akanyamuka. ⁹ U Herodi akati, '' nkhanucheka umutu u Yohani. Wewenu uyu yo nkhumwivwa pakuti akubomba ivinthu vino ? '' sona akalondanga ukuti amulinge. ¹⁰ Bo abatumwa babwelako, bakamubuzya vyonsi vyovikabombiwa. Po akabasenda sona nukubuka nabo umwakuvwama kuchikaya ichikulu cho bakatingi Betisayida. ¹¹ Loli bo ibumba livwa nga ivi, bakamukonkha yuyo. Akabapokela sana akanena nabo nizyabumwene bwa Chala, sona akapozya bonsi bobakalondanga ukupola. ¹² Lelo isiku likaba papipi pakumala, sona bala twelovu bakizakukwache nukunena ukuti, '' Libwezye ilibumba ukuti pamo lingabuka mutwaya to tuli mpipi totutuzyungulile baye balonde apakuwona ni chakulya, chifukwa pano potuli popankholongo.'' ¹³ Loli akati kukwabo, '' Inthi mubape chimo ichakulya.'' Po bakati, tutenavyo ivyakuchila pavibama fayivi sona niswi zili zibili pamo tubuke tuye tuwule ichakulya cha bonsi abanthu.'' ¹⁴ ( Bakabapo abanthu abakukwana fayivi sawuzani.) Akati kubamanyili bache, '' Mube nabo mwikale nabo pansi mumagulu ghabe fifite lyoka.'' ^{15 16 17} Po bakabomba ivi, sona bakabikazya pansi. Akasenda ivibama fayivi vila poka ninswi zibili, akalinga kumwanya, nukuvisaya po akavimensula mumapisimumapisi sona akabapa abamanyili ukuti baye bagabile abanthu abinji. Bonsi bakalya sona bakikuta, sona vyovikasyala bakavinyamula ivitundu _twelovu ivyatumenyunkhane. ¹⁸ Pakiza piza po u Yesu akiputanga pamwene, abamanyili bakaba nawe. Akabalalusya, ukuti, '' Ka abanthu abinji bakuti une ne wenu?'' ¹⁹ Bakamwamula, '' we Yohani uwa lozyo. Loli bamo bakuti we Eliya, sona abanji bakuti we yumo uwa bawonela ukufuma ku bakali nkhani anyanukite.'' ²⁰ Po umwene akanena kukwabo, '' Nga umwe mukuti ne wenu?'' U Pitala akamula, '' we kilistu umwana wa Chala.'' ²¹ Loli akabasoka sona nukubalamula ukuti batakamubuzye nayumoyumo ivi, ²² akanena, '' U mwana wa munthu abaghile pakuyimba muvinthu ivinji sona nukukaniwa nabakulumba poka naba puti abasongo sona nabandaghilo, sona aliza akomeke loli pisiku lyabutatu alizyuka.'' ²³ Po akanena kukwabo bonsi, '' nanthi wensi akulonda ize akonkhe pa une, ikane mwene sona anyamule imphinjika yache isiku lyonsi nukunkhonkha une. ²⁴ Wensi yuyo akubupoka ubumi bwache weyo akubutaya, loli wensi yo akubutaya ubumi pachifukwa chane weyuyo akwiza ukubupoka. ²⁵ Chiza buli pala umunthu angakaba ichisu chonsi, loli ubumi bwache bumale. ²⁶ Wensi yo ali ninsoni kukwane nakumazyu ghane, wepe umwana wa Munthu aliba ninsoni pala akwiza mubuchindamu bwache sona sona nubuchindamu bwa Chala po nubwa bangelo abikemo. ²⁷ Loli nkhunena kukwinu naloli, baliko bamo bo bataliyiyezya imfwa po bachilibatachibweni ichitangalala cha Chala.'' ²⁸ Pobo penda amasiku eyiti bo u Yesu anena amazyu agha, akabuka nabo u Pitala nu Yohani poka nu Yakobu po bo bakabuka kwighamba pakwiputa. ²⁹ Bo akwiputa, akabonekele kache pamaso kakasintha, sona nimyenda yache yikaba yiswepu nkhani hee. ³⁰ Lolela, bakanenanga nawe, Mozesi poka nu Eliya, ³¹ babo bakabonela mubuchindamu, ukunena nawe nizyakunyamuka chicho akaba papipi ukuti mpaka aye amalizizye imbombo mu Yerusalemu. ³² Polelo u Pitala poka nanyabo bo akaba nabo bakaba mukasi mu tulo, loli bobanyamuka ubwanaloli, bakalinga ubuchindamu sona babili bobakimilila nawe. ³³ Bobakufumamo ukufumako kwa Yesu, u Pitala akanena nawe, '' Bwana, chiza kukwitu pakuba pano. Za tuzenge ivitembe vitatu, chimo chibe chako, chimo cha Mozesi, nichinyabo chibe cha Eliya.'' ( Atakamanyanga vyo akanenanga.) ³⁴ Bo akunena vino, amabingu ghakiza nukubakupikila babo, sona bakowopa bobakwingila mumabingu. ³⁵ Amazyu ghakaneneka ukufuma mumabing, ghakati, '' Uyu weyo mwana wane, weyo yuyo asaliw; mumwivwe yuyo.'' ³⁶ Bo amazwi ghaneneka, u Yesu akaghiwa ukuti ali mwene . Bakaba zii sona batakamubuzya nayumo mumasiku agho pavyo bakavilinga. ³⁷ Polelo pisiku ilinyabo, bobakwisika ukufuma kuchipili, abanthu abinji bakakomana nawe. ³⁸ Linga, umunthu afuma mubanthu abinji, akulila, akuti, '' Manyisi, une nkhukulenga uwe ukuti linga umwana wane, lilnga we mwana wane mwene. ³⁹ Uwe linga, ichimuzimu chikumukolanga sona umwakuchenukila akukolanga; ivi vimupangisizye ukuti ayubane sona nitotofulo likufumanga ku mulomo. ghukubukililanga pakumunyazya mpaka sona akubanga nivilonda akabibi. ⁴⁰ Nabalengite abamanyili bako ukuti bazifumye pamaka, loli zitakafuma.'' ⁴¹ U Yesu akamula akati, '' wemusita kusubaliwa uwe sona we nkhulile iyisitalwivwano, kabalilo buli ko inthi imbenge numwe sona nukwikala numwe? Za numwana wako kuno.'' ⁴² Bo umulumendo akwiza, imphepo imbibi zikamutayila pansi sona chikamuvulungania. Loli u Yesu akazichemela imphepo imbibi sona akamupozya umulumendo, nukumunyosezya kwa wise. ⁴³ Po bonsi bakaswigha hee nubukulu bwa chala. Bo bonsi bakaswighanga pa vyonsi vyo vikabombwa, akati kubamanyili, '' ⁴⁴ Leke amazyu ghaye nkhani mumakutu ghinu; U Mwana wamunthu abikiwe munyobe izya zyabanthu.'' ⁴⁵ Loli batakamwivwisya chochikang'anamulanga. chikafisiwa kukwabo, po batakanyanga awe iching'anamulo, sona bakaba ukuti bakowopanga pakuti balalusye iching'anamulo. ⁴⁶ Po ukudalinkhana kukanda pa babene bene ukuti ka usongo pakasi pabo wewenu. ⁴⁷ Loli u Yesu, akamanyanga vyo bakinong'onanga mumyoyo yabo akasenda umwana, umunandi akamubika kumbali yache ⁴⁸ sona akanena kukwabo, '' Yuyo akumupokela umwana umunandi mwizina lyane, bo amphokela nene; Sona yuyo amphokela une, apokela weka yo akanthuma une. Po yuyo yo munandi pa umwe mwebonsi weyo akuzukuba we songo.'' ⁴⁹ U Yohani akamula akati, Mumanyisi uswe twalinga umunthu yumo pamaka akufumya imphepo imbibi mwizina linu, sona uswe twamukanizya, chifukwa tute nawe poka hagha.'' '' ⁵⁰ Mutakamulesye awe,'' U Yesu akanena '' chifukwa yo mutadalinkhanitepo nawe, mulipoka nawe. ⁵¹ Bo amasiku ghapalamila aghakuti asendiwe pakuya kumwanya, akabuka bubo ku Yerusalemu. ⁵² Akatuma abakutumikila bache munthazi mumwache, sona akabuka nukwingila mu kaya ka basamaliya kuko bakamuyanizya vyonsi ivyache. ⁵³ Loli abanthu aba kulanyene batakamupokela chifukwa akaba ukuti asoghola ukubuka ku Yerusalemu. ⁵⁴ Bo abamanyili Yakobe nu Yohani balinga ivi, bakati, '' Mwene, ka uwe ukuloda uswe ukuti twitizye umato ukuti wize pansi ukufuma kumwaya sona tubakomanie?'' ⁵⁵ Loli umwene akang'anamukila kukwabo nukubakemela, ⁵⁶ po bakabuka mukaya akanji. ⁵⁷ Bobakubuka bali mumusebo, yumo umunthu akanena kukwache, inthi nkhukonkhe konsi ko ukuya.? ⁵⁸ U Yesu akanena kukwache, '' Abakambwe bali nivibwina, sona nutuyuni utwakumwanya tuli nivivulumbo, loli umwana wa munthu ate napo apakuti angawoneka umutu.'' ⁵⁹ Po akanena lu yunji, '' Nkhonkha une.'' Loli akati, '' Mwene, leka tasi mbuke sona inje nsyile u baba wane.'' ⁶⁰ Po akanena kukwache akati, '' Leka abafwe basilane abafwe bene. Loli ukulingana numwe, buka muye mulumbilile kubutali nukukuzya ichinamwene cha Chala.'' ⁶¹ Po wepe yumo akati, '' Une inthi nkhukomkhe uwe, Mwene, loli ichabwandilo leke une inje ndaghe tasi kubamunyumba yane.'' ⁶² U Yesu akamwamula, '' Nayumo yo akubikanga inyobe yache pikasu sona alinge kwisinda atabaghile kubumwene bwa chala.''