Chaputala 15
1
2
pakabalilo aka bonsi aba sonkezya musonkho nababomba mbibi bakabukanga kwa Yesu pakwivwa kukwache. Bonsi abafalisayi naba simbi bakitizania uyu numunyanche,bakati,''umunthu akupokelela ababomba mbibi ,sona akulyanabo poka.''
3
4
5
U Yesu akanenela muchili kukwabo akati, ''wewenu papinu umwe, nanti ali mbelele handiledi (100)nanti yasobela yoka pa zinyabo,atakuzileka zyonsi nayinite nayini munkholongo nu kukonkha soyisobelite mpaka ayaghe? Po nanti ayagha, akuyinyamula pachipungo nubuhobosu.
6
7
Nanti afika panyumba, akwitizya abanyabo abapalamani, nukubabuzya ukuti, za atusekele poka pakiuti nayagha imbelele yo yasobelite.' inkubabuzya umwe umbonyene momo inti kukabele ,inti kukababe ukusekela kumwanya nanti umubibi weka apinduka, ukuchila nayinite nayini abanthu abaswepu babo batakulonda ukupinduka.
8
9
10
Po umwanakazi yuyo ali nindalama (10) teni izyachela, nanti ngasobezya indalama yoka, ka atanga kuzya inyale,apyele munyumba, po alonde akiza mupaka ayaghe? Nanti ayagha, akwitizya abanyabo nabapalamani akuti,' zanga tusekele twensi poka indalama nayagha yoyasobelite.Po ubonyene, inkhubabuzya umwe, ulusekelo pamaso ghaba ngelo ba chala pala umunthu weka umubomba mbibi apinduka.''
11
12
Po UYesu akati,'' amunthu yumo akaba babili, umwana umunandi kwamunyabo akati kwa tata wache,'tata,mphanga une ichuma chochane,'po akagaba ichuma pakasi pabana bache.
13
14
Bo amasiku ghendapo manandi , umwana umunandi akasenda ichuma chache chonsi akabunganika chobakamupa akabuka nacho kukaya kakubutali, kuko akanangania chonsi munzila ya bupepo.Polelo bo akanangania ichuma chonsi,kukawa inzala inkulu hee akaya konsi po akanda ukulengalenga.
15
16
Po akabuka pakuya ukulonda imbombo kwa yumo uwamuchisu chilanyene, yuyo akamupa imbombo yakudima ingulube.Akalyanga ivyakulya vyo ingulube zikalyanga chifukwa chakuti nayumo yumo yo akamupa chimo ichakulya.
17
18
19
Loli bo inyinong'ono zyiza mu mwache, akati,' balibalinga aba mbombo batata babo bakulya vikusyala nukusyala ivibama, loli une indi kuno inkhufwa ninzala: inti nyamuke kuno imfumeko imbuke kwa tata, sona intinje imubuzye ukuti,'' tata,inangile kumwanya nakukwako.Intakwitiziwa sona ukuti ne mwana wako; imbike une ukuti newambombo wako ngati bambombo bonsi bonsi bo alipano.'''
20
21
Umwana umunandi akanyamuka akafumako nukuya kwa tata wache, Bo achili atafikite utata wache akamulinga kubutali akahoboka hee akasamala pakuya ukumukukutila nukumufyompha fyompha.Umwana akamubuzya,' tata, inangile kumwanya sona inkunangile uwe. Intabaghile ukuti nitiziwe ukuti ne mwana wako .'
22
23
24
''Utata akababuzya aba mbombo bache akati, zanga nichizwalo ichiza sona mumuvwike akachela munyobe (ling'i) sona nindyato kumanama.Sona mwize ninkhambako iyibuka yo yinite nukuti mukome.Ukuti tulye nukusekela:pakuti umwana wane afwile, ilelo ilelo mupuma.Akasobela ilelo aboneka.' Po bakanda ku kusekela.
25
26
27
''Polelo umwana usongo akafumapo akaya ku vyalo. Bo akwiza apalamila kukaya, akivwa ukwimba nukutyonga.Akitizya yumo mubabombambombo akalalusya vyovyoni vyovili pakubombiwa.Uwa mbombo akamwamula; umuzuna wako weyo iza po utata wako akoma inkhambako yakwina imbuka chifukwa chakuti amupokela mupuma:
28
29
30
Umwana usongo akakalala hee sona nukuti atanginjilamo, Po utata wache akamulambilizya umwana wache.Loli umwana usongo akamula nukumubuzya uwise,' linga,imyaka yonsi iyi natamiwa nimbombo zyako sona intakusulute lumo vyonsi vyo wambuzya, loli utamphile lumo nakamwana kambuzi ukuti pamo ningangala nabanyitu,Loli bo umwana wako iza yuyo akakunangila ichuma chako mubuzelele, wamukomela ing'ombe iyibuka iyakwina.'
31
32
''Po utata wache akamwamula akati mwana, ulinune bwile ukuti chonsi cho indinacho pano chako.Loli chali chochiza kukwitu ukuti tuhoboke nukusekela, chifukwa chakuti uwamwinu afwile loli akabalilo aka alinubumi;Asobelite loli ilelo aboneka.'''