¹ Polelo pakuti ilaghano ilyakwiza ukwinjila mu butuzyo bwache lichili lilipo, za tuchebe ukuti nayumo mwa umwe uwakuti ize apotwe pakwinjilamo, ² Pakuti tukivwa amazyu amiza ngati bobabo. Loli inthumi yila yitakabavwa bo batakinjila mu lwitiko lula. ³ Pakuti swe tusubalile ukwinjila mu butuzyo bula, ngati mo akanenela, ''Ngati mo Nkhakulapila mu bukalale bwane, tebakinjile mu butuzyo bwane, Napo imbombo zyache yikamala ukufuma palufula lwa chisu. ⁴ Pakuti akanena kumo ivya lisiku lya seveni: ⁵ ''sona U Chala akayuzya imbombo zyache zyonsi, pisiku lya seveni.'' Te bakinjile mu butuzyo bwane.'' ⁶ Polelo, kusyalile ukuti bamo binjile mu butuzyo bula, sona bo kale bakivwa amazyu amiza batakinjila chifukwa chakuti batakivwila. ⁷ Po U Chala akala sona isiku ilinyabo, ulitizya ukuti '' ilelo,'' pakutubuzya ukwizila mwa Davide pisinda pa kabalilo mu mazyu ghoghakaneniwa ukuti : '' ilelo nanthi wivwa amazyu ghache, manye mwize mughomye imyoyo yinu.'' ⁸ Pakuti nanthi u Yoshwa akabapa ulutuzyo, U Chala nge atakanena ivya lisiku ilinji. ⁹ Po ukutuzya kukwiza ukuba pa sabata lyo likasungiwa ku banthu ba Chala. ¹⁰ Pakuti yo akwinjila mu butuzyo bwa Chala wepe akutuzya mu mbombo zyache , ngati mo U Chala akutuzizya mu mbombo zyache. ¹¹ Polelo zanga tube bakwiyania ukuti twinjile mu butuzyo bwache, ukuti nayumo atakize abe mukabele kabusita kwivwila kwa vyo bakabomba. ¹² Pakuti izwi lya Chala lya bumi, lyakubombwa mwamaka. sona lyakukola ngati mo mumbali mwa phanga. likulasa mphaka ukulesania umoyo nu muzimu, mu nkhaka na munyama, sona nukupanga akiza inyinong'ono nivya kubomba vya moyo. ¹³ Patalipo nachimo ichipeliwa cho chikuvwamiwa pa maso gha Chala. Mumalo mwache, ivinthu vyonsi vili pabwelu sona vikuboneka bwaka pa maso yo anganena ivyako. ¹⁴ Polelo pakuti tuli nu muputi usongo yo akendela ukwizila mu mwanya.U Yesu umwana wa Chala, zanga tughomye ukwitikizya kwitu. ¹⁵ Pakuti tute nu, muputi usongo yo angaba nichililizi pa budedebazu bwitu. Mu malo mwache, tuli nawe uyunji yo, munzila zyonsi ayeziwe ngati sweswe loli umwene ate nimbibi. ¹⁶ Za tubuke nu bwanaloli ku chitengo cha bwila, ukuti twize tupokele ichisa nukwagha ubwila ukutwavwa mu kabalilo ka kulonda.