¹ Bana. ivwila abapapi binu mwa Mwene, pakuti chocho chiza. ² ''Chindika utata wako nu mama wako'' (ulu lolo lulaghilo lwa bwandilo nu lufingo), ³ "ukuti vibabele akiza sona mungikala akabalilo akatali mu chisu," ⁴ Batata, mutakapangiswe abana binu ubukali. mumalo mwache, bakuzye munkhalo na mululaghilo lwa Mwene. ⁵ Batumwa, iba bakwivwila ku basongo binu ukuyana numubili ni ntchindi zyonsi sona nukutetema, nu bwanaloli mu myoyo yinu. Ivwila ku kwabo ngati mo inthi mukivwile kwa kilisitu. ⁶ Mutakivwile pene po abasongo binu bakubalingilila, umwakuti mu bahobosye. Mumalo mwache, ivwila ngati batumwa bakilisitu, yo akubomba ubwighane bwa Chala ukufuma mu myoyo yinu. ⁷ Bomba nu moyo wako ghonsi, ngati po ukumubombela we Mwene abanthu hagha, ⁸ Chifukwa, tukumanya ukuti ubwiza bonsi bo umunthu yumo abomba, akwiza ukupokela umuvwalo ukufuma kwa Mwene, kali mutumwa pamo hagha. ⁹ Basongo, babombele ubonyene abatumwa binu. Mutakaboghofyenge. Mukumanya ukuti mwebonsi nabo muli nu songo winu kumwanya, sona ate nu kusala. ¹⁰ Ichabumalilo, bani bakughoma mwa Mwene sona nulukazyo lwa maka ghache. ¹¹ Vwalanga ivilwilo vyonsi ivya Chala, ukuti mube mwebakupota amalubatiko ghakutegha agha satana. ¹² Pakuti ukutamiwa kwithu te kwa mubili nu daba, loli kwabulamulili, kwa bamaka, kwa bamaka ba chisi chilelo kwa maka gha buzimu bwa mulwani mu mizimu iyibibi iya kumwanya. ¹³ Polelo vwala ivilwilo vyonsi ivya Chala, ukuti mutakize mupotwe pisiku ilibibi, sona nanthi mwabomba vyonsi, pakwimilila mwa kwisimika. ¹⁴ Po mwimilile mwakwisimika, nu lamba wa bwanaloli ukukungiwa mu musana winu, sona nukuvwala imvwlo zya bugholosu pa vifuba vinu, ¹⁵ sona, nivinama vinu vya kwisengania ukufuma ku bulumbilili bwa mutende. ¹⁶ Mukabele konsi munyamule ichakwipokela cha lwitiko, chochikwiza ukuba cha kuzimizya imphalala zyonsi izya kwaka nu moto zya mubibi. ¹⁷ Sona senda ichisote cha bupoki nu phanga wa Muzimu, gho mazyu gha Chala. ¹⁸ Nu lwiputo lonsi nu kulenga, mwipute akabalilo konsi mu Mumuzimu. ku bumalilo ubu, akabalilo konsi mulingisye nu busungilili bonsi po mukwiputila abanthu bonsi abaswepu aba Chala. ¹⁹ Sona muniputilenge, ukuti amazyu ghapelekiwe kukwane po nkwighula umulomo wane. Mwipute ukuti manyisye ubwanaloli ubwakuvwama bwa bulumbilili mwakwivwika. ²⁰ Pa chifukwa cha bulumbilili ukuti ne wakutumiwa yo ali mu bunyolo, ukuti mufumusye mwakwivwika, ngati mombaghile pakunenela. ²¹ Tiliko, uwamwitu umughaniwa sona umubombi uwa kusubalilika mwa Mwene, akwiza ukubabuzya vyonsi, ukuti mumanye mo Une nkhubombela. ²² Namutuma ku kwinu chifukwa cha ichi, ukuti mumanye mo tubelile, sona ukuti abaghomye mu myoyo yinu. ²³ Umutende ghuwe ku ba wamwitu, sona nu lughano ulwa lwitiko lwa Chala U Tata sona nu Mwene U Yesu kilisitu. ²⁴ Ubwila bube ku banthu bonsi bo Bamughanite U Mwene witu U Yesu kilisitu nu lughano ulwa kufikapo.