¹ Po numwe, mukafwa mu butulanongwa na mu mbibi. ² Mukaba mubutulanongwa sona na mumbibi mo mukikalamo ukuyana ni nzila zya chisu ichi. Mukikalanga ukuyana nu mulamuli wa mazaza wa mphepo, umuzimu gho ghukubomba mu bana basita kwivwila. ³ Lori twebonsi tukikala ngati bobabo, tukikala ukuyana ni vinyonywa vitu, sona tukabomba chonsi cho imibili yitu ni nyinong'ono zyitu izibibi zikalondanga mubwikazi bwitu ubwa bunanzi, sona tukanyamula ivinyonywa vya mubili sona namu nyinong'ono. tukaba swe bana bachipeliwa cha bukali, ngati kutuzya kwa bwikazi. ⁴ Loli u Chala mukabi mu chisa chifukwa cha lughano lwache ulukulu lulo loatughanite nalo uswe. ⁵ bo tuchili tuli mu bufwe bwa bunanzi, akatupanga uswe ukuba nu bumi poka nu Kilisitu-mu chisa tukapokiwa. ⁶ U Chala akatunyamusya poka nu Kilisitu, sona u Chala akatubika poka nu Kilisitu Yesu kubuyo bwa kumwanya, ⁷ ukuti mutubalilo totukwiza ize ilangizye ku kwitu mu chisa chache ichikulu nkhani ukwendela mwa Kilisitu Yesu. ⁸ Pakuti ukwendela mu chisa mukapokiwa ukwendela mu lwitiko, sona ichi chitakizila ukufuma mumwinu, chabupi chakufuma kwa Chala, ⁹ ukufuma mu mbombo awe, ukuti patakabe nayumo umunthu uwa kwitunvya. ¹⁰ Pakuti uswe twebabombi ba Chala, tukapeliwa mwa Kilisitu Yesu ukubomba imbombo inyiza zyo u Chala akatuyanizya kale uswe, ukuti uswe twende mu mwache. ¹¹ Polelo kumbukila ukuti mukaba mwe bakuzi ku mubili.mwitiziwe basita ''kucheketiwa'' mucho chikwitiziwa ''kucheketiwa'' ku mubili ghoghukapangika ukwendela mu nyobe zya munthu. ¹² Pakuti mukabalilo kala mukafumako kwa Kilisitu, bamwizilila ku banthu ba mu izilayeli, bayeni mukukolelana kwa lwivwano lwa lilaghano, nukusita kuba lusubilo sona nu Chala mu chisu. ¹³ Lori ulu mwa Kilisitu Yesu mwe mukaba kubutali nawe ukufuma mwa Chala abapalamizya ku pipi ukwendela mwi daba lya Kilisitu. ¹⁴ Pakuti weyo bufwase bwitu. Akapanga babili mu weka, ukwendela mu mubili wache amongolanizye ulubumba lwa bulwani lo lukatulesania uswe, ¹⁵ Mo zili, akamazya ululaghilo lwa ndaghilo na malamulo nukuti apange weka umunthu umupya mu mwache mwene, nukuti apange ubufwase. ¹⁶ u Kilisitu atusayania poka twebanthu ku mubili ghoka kwa Chala ukwendela pa mphinjika, mu bufwe bwache po akamazyanga ubulwani bwabo. ¹⁷ U Yesu akiza nukulumbilila ubufwase ku kwinu mwemukaba kubutali hee nubufwase ku bobali ku pipi. ¹⁸ Pakuti ukwendela mwa Yesu twebonsi tuli nu bwabuke mu muzimu ghoka kwa Baba. ¹⁹ Polero , umwe mweba panzi te mwebayeni pamo bamwizilila sona awe. mumalo mwache mwe bikali banyitu poka nu Chala uwa banthu bache abaswepu na banyitu aba munyumba ya Chala. ²⁰ Muzengiwe mu lufula lwa ba positoli na bakunguluka, sona nu Kilisitu Yesu weyo libwe lya pa kona. ²¹ Mumwache ubuzengi bonsi bukwanile nukukula ngati chalichi mwa mwene. ²² Momumwache mo numwe muzengiwe poka ngati buyo bwakwikala poka nu Chala mu muzimu.