¹ Mwisiku lyo u Moses akamalizyanga ichibokosi, akachisaya nu kuchibika kwa Yahweh, poka ni vibombelo vyonsi. Akabomba mwakuyana bwaka na ku chighemo na vyonsi ivibombelo. Akavipakazya nu kuvibika kwa Yahweh. ² Pisiku lilanyene, abalamulili ba Israel, abasongo ba mu nyumba zya banyenya babo, bakabika ivyabupi. Abanthu aba bakalaghilanga amaluko. Bakaba pamwanya pa banthu bo babelengiwe. ³ Bakiza ni vyabupi panthanzi pa Yahweh. Bakiza na mageleta aghavwinkhe sikisi sona ni nkhambako twelovu. Bakiza ni geleta lyoka pa balaghili babili, sona umulaghili wensi akiza ni nkhambako yoka. Bakabika ivinthu ivi panthanzi pa chibokosi. ⁴ Po u Yahweh akanena kwa Moses. Akati, ⁵ ''Pokela ivyabupi ukufuma kukwabo sona uvibomvye pa mbombo mu chitembe chakomanilamo. Ubape ivyabupi ivi aba Levi, ku weka nanthi vikulondiwa ku mbombo yabo.'' ⁶ U Moses akasenda amageleta ni nkhamabako, nukubapa abina Levi. ⁷ Akabapa amageleta mabili ni nkhambako folo ku lunyungu lwa Gershon, chifukwa cha mbombo zyabo zyo zikulondiwa. ⁸ Akabapa amageleta folo sona ni nkhambako eyiti ku lunyungu lwa Merari, mu busungilili bwa Ithamar umwana wa Aaron umuputi. Akabomba ichi chifukwa cha mbombo yo yikalondiwanga. ⁹ Loli atakabapa navimo ivinthu ivi aba lunyungu lwa Kohath, chifukwa imbombo zyabo zikakolana ni vinthu vyo vya Yahweh vyo bakanyamulanga pa vipungo vyabo. ¹⁰ Abalaghili bakabika ivinthu vyabo pakupatulila ichighemo pisiku lyo u Moses akachipakazya ichighemo. Abalaghili bakabika ivyabupi panthanzi pa chighemo. ¹¹ U Yahweh akati kwa Moses, Umulaghili wensi abaghile abike ichabupi chache pakuchindika ichighemo.'' ¹² Pisiku lya bwandilo, u Nahshon umwana wa Amminadab, uwa luko lwa Yuda, akabika ichabupi. ¹³ Ichabupi chache chikaba we siliva weka uwabung'wamu bwa 130 shekels ni bakuli lyoka ilya siliva ilyakung'wama sevente shekels, pa bung'wamu ubwiza bwa chipimo cha shekel. Vyonsi ivi vikizula nu busu ubwiza ubwakongania na mafuta ukuba chakwiyipa icha mphumba. ¹⁴ Akamupa i beseni lyoka ilya golide ilya kung'wama teni shekels sona vikizula ni vyakununkhila. ¹⁵ Akamupa inkhambako yoka iyidono ngati chabupi cha kocha, u nang'onzi weka, nu dubi weka uwamwaka ghoka. ¹⁶ Akamupa upongo weka ngati chabupi cha mbibi. ¹⁷ Akamupa inkhambako zibili, aba nang'onzi fayivi, abapongo fayivi sona na ba dubi fayivi bo bakaba nu mwaka ghoka, ngati chakwipa icha kusayana. Ichi chikaba chakwipa cha Nahshon umwana wa Amminadab. ¹⁸ Pisiku lya bubili, u Nathanel umwana wa Zuar, umulaghili wa Issachar, akabika ichabupi chache. ¹⁹ Akabika ngati chabupi cha mbale yoka iya siliva uwa bung'wamu bwa 130 shekels sona na kabakuli ka siliva akakung'wama sevente shekels, pakuyana ni chipimo cha ma shekel. Vyonsi vibili ivinthu ivi vikizula nu busu ubwiza ubwa kongania na mafuta ukuba chakwipa icha mphumba. ²⁰ Akabika sona imbakuli yoka iya golide iyakung'wama amashekel teni, aghakwizula ni vyakununkhila. ²¹ Akabika inkhambako yoka iyidono ngati chabupi cha kocha, u nang''onzi weka, sona nu dubi uwa mwaka ghoka. ²² Akabika u pongo ngati chabupi cha mbibi. ²³ Akabika inkhambako zibili, aba nang'onzi fayivi, abapongo fayivi, sona na ba nang'onzi fayivi aba mwaka ghoka, ngati chabupi cha mu bupoka. Ichi chikaba chabupi cha Nathanel umwana wa Zuar. ²⁴ Pisiku lya butatu, u Eliab umwana wa Helon, umulaghili wa lunyungu lwa Zebulun, akabika ichabupi chache. ²⁵ Ichabupi chache chikaba imbale yoka iya siliva iyakung'wama 130 shekels, akambakuli ka siliva akakung'wama sevente shekels pakuyana nu bung'wamu bwa chipimo cha shekel. Vyonsi ivinthu vibili ivi vikizula nu busu ubwiza ubwakongania na mafuta ukuba chabupi cha mphumba. ²⁶ Akabika sonaichitundu choka icha golide ichabung'wamu bwa ma shekel teni, aghakwizula ni vyakununkhila. ²⁷ Akabika inkhambako iyidono ngati chabupi cha kocha, u nang'onzi weka, sona nu dubi weka uwa mwaka ghoka. ²⁸ Akabika upongo weka ngati chabupi cha mbibi. ²⁹ Akabika inkhambako zibili, aba nang'onzi fayivi, abapongo fayivi, na ba dubi fayivi bo bakaba nu mwaka ghoka, ngati chabupi cha bupoka. Ichi chikaba chakwipa cha Eliab umwana wa Helon ³⁰ Pisiku lya folo, u Elizur umwana wa Shedeur, umulaghili wa lunyungu lwa Reuben, akabika ichabupi. ³¹ Ichabupi chache chikaba isiniya yoka iya siliva iya kung'wama mashekelo 130 sona ni mbakuli ya siliva iya bung'wamu bwa mashekelo sevente, pakuyana nu bung''wamu bwa chipimo cha shelkelo. Vyonsi ivinthu ivi vikizula nu busu bwa kongania na mafuta ngati chabupi cha mphumba. ³² Akabika sona ichitundu choka icha golide uwa kung'wama teni shekels, uwakwizula ni vyakununkhila. ³³ Akabika ichabupi cha nkhambako yoka iyidono ngati chabupi cha kocha, u nang'onzi weka, sona nu dubi uwa mwaka ghoka. ³⁴ Akabika upongo ngati chabupi cha kocha. ³⁵ Akabika inkhambako zibili, aba nang'onzi fayivi, aba pongo fayivi, sona na ba dubi fayivi aba mwaka ghoka, ngati chakwipa icha bupoka. Ichi chikaba chabupi cha Elizur umwana wa Shedeur. ³⁶ Pisiku lya fayivi, Shelumiel umwana wa Zurishaddai, umulaghili wa lunyungu lwa Simeon, akabika ichabupi. ³⁷ Ichabupi chache chikaba siniya yoka iya siliva iya kung'wama amashekelo 130 sona ni mbakuli yoka iyakung'wama amashekelo sevente, pakuyana nubung'wamu bwa chipimo cha shekelo. Vyonsi ivinthu vibili ivi vikizula nu busu bwa kongania na mafuta ngati chabupi cha mphumba. ³⁸ Akabika sona ichitundu choka ichakwizula nu golide amashekelo teni, uwakwizula nukununkhila. ³⁹ Akabika inkhambako yoka iyidono ngati chabupi cha kocha, u nang'onzi weka, sona dubi weka uwamwaka ghoka. ⁴⁰ Akabika upongo weka ngati chabupi cha mbibi. ⁴¹ Akabika inkhambako zibili, aba nang'onzi fayivi, aba pongo fayivi, sona na ba dubi fayivi aba mwaka ghoka, ngati chabupi chakwipa icha bupoka. Ichi chikaba chabupi cha Shelumielu umwana wa Zurishaddai ⁴² Pisiku lya sikisi, u Eliasaph umwana wa Deuel, umulaghili wa lunyungu lwa Gad, akabika ichabupi chache. ⁴³ Ichabupi chache yikaba siniya yoka iya siliva yo ubung'wamu bwache bukaba amashekelo 130 sona ni mbakuli yoka iya siliva yo ubung'wamu bwache bukaba amashekelo sevente, pakuyana nu bung'wamu bwa chipimo cha shekelo. Vyonsi vibili ivi vikizula nu busu ubutinye ubwakongania na mafuta ngati chabupi cha chakulya. ⁴⁴ Akabika sona ichitundu choka icha golide uwa bung'wamu wa mashekelo teni, gho ghizwile ni vyakununkhila. ⁴⁵ Akabika inkhambako yoka iyidono ngati chabupi cha kocha, u nang'onzi weka, sona nu nang'onzi wa mwaka ghoka. ⁴⁶ Akabika upongo ngati chabupi cha mbibi. ⁴⁷ Akabika inkhambako zibili, aba dubi fayivi, aba pongo fayivi, sona na ba nang'onzi fayivi aba mwaka ghoka, ngati chabupi cha bupoka . Ichi chikaba chabupi bwa Eliasaph umwana wa Deuel. ⁴⁸ Pisiku lya seveni, u Elishama umwana wa Ammihud, umulaghili wa lunyungu lwa Ephraim, akabika ichabupi chache. ⁴⁹ Ichabupi chache yikaba siniya yoka iya bung'wamu wa mashekelo 130 sona ni mbakuli ya siliva iykung'wama amashekelo sevente, pakuyana nu bung'wamu bwa shekelo. Vyonsi vibili ivi vikizula nu busu bwa kongania na mafuta gha chabupi cha chakulya. ⁵⁰ Akabika sona imbakuli ya golide uwabung'wamu bwa mashelo teni, gho ghizwile ni vyakununkhila. ⁵¹ Akabika sona inkhambako yoka iyidono ngati chabupi cha kocha, u dubi weka, sona nu nang'onzi weka uwa mwaka ghoka. ⁵² Akabika upongo weka ngati chabupi cha kocha. ⁵³ Akabika inkhambako zibili, aba dubi fayivi, aba pongo fayivi, sona na ba nang'onzi fayivi bo bakaba nu mwaka ghoka, ngati chabupi cha bupoka. Ichi chikaba chabupi cha Elishama umwana wa Ammihud. ⁵⁴ Pisiku lya eyiti, u Gamaliel umwana wa Pedahzur, umulaghili wa lunyungu lwa Manasseh, akabika ichabupi chache. ⁵⁵ Ichabupi chache chikaba siniya yoka iya siliva iya bung'wamu bwa mashekelo 130 sona ni mbakuli ya siliva iya bung'wamu bwa mashekelo sevente, ukuyana nu bung'wamu bwa ma shekelo. Vyonsi ivinthu vibili ivi vikizula nu busu bwa kongania na mafuta ngati chabupi cha chakulya. ⁵⁶ Akabika sona imbakuli yoka iya golide uwa bung'wamu bwa mashekelo teni, gho ghizwile ni vyakunknkhila. ⁵⁷ Akabika inkhambako iyidono ngati ngati chabupi cha kocha, u nang'onzi weka, sona nu dubi uwa mwaka ghoka. ⁵⁸ Akabika upongo weka ngati chabupi cha mbibi. ⁵⁹ Akabika inkhambako zibili, aba nang'onzi fayivi, aba pongo fayivi, sona na ba dubi fayivi aba mwaka ghoka, ngati chabupi cha bupoka. Ichi chikaba chabupi cha Gamaliel umwana wa Pedahzur. ⁶⁰ Pisiku lya nayini, u Abidan umwana wa Gideoni, umulaghili wa lunyungu lwa Benjamin, akabika ichabupi. ⁶¹ Ichabupi chache chikaba siniya yoka iya siliva wa mashekelo 130 sona ni mbakuli ya siliva yoka iyabung'wamu bwa mashekelo teni, ukuyana nu bung'wamu bwa mashekelo. Vyonsi ivinthu vibili ivi vikizula nu busu bwa kongania na mafuta gha chabupi cha chakulya. ⁶² Akabika sona imbakuli yoka iya golide ya bung'wamu bwa mashekelo teni, vyo vikizula ni vyakununkhila. ⁶³ Akabika inkhambako yoka iyidono ngati chabupi cha kocha, u nang'onzi weka umwaka ghoka . ⁶⁴ Akabika upongo weka ngati chabupi cha mbibi. ⁶⁵ Akabika inkhambako zibili, aba nang'onzi fayivi, aba pongo fayivi, sona na ba dubi fayivi bo bali nu mwaka ghoka, ngati chabupi cha bupoka. Ichi chikaba chabupi cha Abidah umwana wa Gideoni. ⁶⁶ Pisiku lya teni, u Ahiezer umwana wa Ammishaddai, umulaghilili wa lunyungu lwa Dan, akabika ichabupi chache. ⁶⁷ Ichabupi chache chikaba siniya yoka iya siliva uwa bung'wamu bwa mashekelo 130 sona ni mbakuli yoka iya siliva iya bung'wamu bwa mashelo sevente, ukuyana nu bung'wamu bwa mashekelo. Vyonsi ivinthu vibili ivi vikizula nu busu ubwa kongania na mafuta gha chabupi cha chakulya. ⁶⁸ Akabika sona ni mbakuli ya golide iya bung'wamu bwa mashekelo teni, gho ghizwile ni vyakununkhila. ⁶⁹ Akabika inkhambako iyidono yoka ngati chabupi cha kocha, u nang'onzi weka, sona nu dubi weka uwa mwaka ghoka. ⁷⁰ Akabika upongo weka ngati chabupi cha mbibi. ⁷¹ Akabika inkhambako zibili, aba nang'onzi fayivi, aba pongo fayivi, sona na ba dubi fayivi aba mwaka ghoka, ukuyana ngati chabupi cha bupoka. Ichi chikaba chabupi cha Ahiezer umwana wa Ammishaddai. ⁷² Pisiku lya leveni, u Pagiel umwana wa Okran, umulaghili wa lunyungu lwa Asher, akabika ichabupi chache. ⁷³ Ichabupi chache chikaba siniya yoka iya siliva uwa bung'wamu bwa mashekelo 130 sona ni mbakuli yoka ya mashekelo iya bung'wamu bwa sevente, ukuyana nu bung'wamu bwa mashekelo. Vyonsi ivinthu vibili ivi vikizula nu busu ubutinye bwa kongania na mafuta gha chabupi cha chakulya. ⁷⁴ Akabika sona imbakuli yoka iya golide uwa bung'wamu bwa mashekelo teni, gho ghizwile ni vyakununkhila. ⁷⁵ Akabika inkhambako yoka iyidono ngati chabupi cha kocha, u nang'onzi weka, sona nu dubi wa mwaka ghoka. ⁷⁶ Akabika upongo ngati chabupi cha mbibi. ⁷⁷ Akabika inkhambako zibili, aba na ng'onzi fayivi, aba pongo fayivi, sona na badubi fayivi bo bakaba nu mwaka ghoka, ngati chabupi cha bupoka. Ichi chikaba chabupi cha Pagiel umwana wa Okran. ⁷⁸ Pisiku lya twelovu, u Ahira umwana wa Enan, umulaghilili wa lunyungu lwa Naphtali, akabika ichabupi. ⁷⁹ Ichabupi chache chikaba siniya yoka iya siliva wa bung'wamu bwa mashekelo 130 sona ni mbakuli ya siliva ya bung'wamu bwa mashekelo sevente, ukuyana nu bung'wamu bwa mashekelo. Vyonsi ivinthu vibili ivi vikizula nu busu bwa kongania na mafuta ngati chabupi cha chakulya. ⁸⁰ Akabika sona imbakuli yoka iya golide iya bung'wamu bwa mashekelo teni, vyo vikizula nu kununkhila. ⁸¹ Akabika inkhambako yoka ngati chabupi cha kocha nu nang'onzi weka, sona nu dubi uwa mwaka ghoka. ⁸² Akabika upongo weka ngati chabupi cha kocha. ⁸³ Akabika inkhambako zibili, aba nang'onzi fayivi, aba pongo fayivi, sona na ba dubi fayivi bo bali nu mwaka ghoka, ngati chabupi cha bupoka. Ichi chikaba chabupi cha Ahira umwana wa Enan. ⁸⁴ Ivi vyovyo vikaba vyabupi vya kuputilila ichighemo pisiku lyo chikapakaziwa: abamwene ba Israel bakapatula isiniya twelovu izya siliva, imbakuli twelovu izya siliva, na ma beseni twelovu agha golide. ⁸⁵ Imbakuli yonsi iya bung'wamu bwa mashekelo 130 sona ni mbakuli zya mashekelo zya bung'wamu bwa sevente. Ivibombelo vyonsi ivya siliva ubung'wamu bwache bukaba amashekelo 2,400, ukuyana ni chipimo cha bung'wamu bwa shekelo. ⁸⁶ I beseni lyonsi mu ma beseni twelovu agha golide, gho ghizwile ni vyakununkhila, ubung'wamu bwa mashekelo teni umwakuyana nu bung'wamu bwa mashekelo. Ama beseni ghonsi agh golide ubung'wamu bwa mashekelo bukaba 120. ⁸⁷ Bakavipatula ivinyamana vyonsi ukuba chabupi cha moto, inkhambako twelovu, aba nang'onzi twelovu, sona naba dubi twelovu aba mwaka ghoka. Bakabapa chakulya cha chabupi. Bakabika aba pongo twelovu ngati chabupi cha mbibi. ⁸⁸ Ukufuma ku ng'ombe zyonsi, bakabika inkhambako twente-folo, aba nang'onzi sikisite, aba pongo sikisite, sona na ba dubi sikisite aba mwaka ghoka, ngati chabupi cha bupoka. Ivi vikaba vyakuyemvezya ichighemo psinda bo chapakaziwa. ⁸⁹ Bo u Moses injila mu chitembe chakomanilamo ukuti anene nu Yahweh, akivwa amazwi ghache ghakuneniwa kukwache. U Yahweh akanena kukwache ukufuma pamwanya pa buyo bwakwilambikilapo pa chibokosi cha ndaghilo, ukufumila pakasi pa ba cherubim babili. Akanena kukwache.