¹ Ilelo ulu nyungu lwa Reuben nu ya Gad lukaba nivitekwa ivinjihe. Bobalinga ubuyo bwa Jazer nu Gilead, ubuyo bukaba bwiza he kuvitekwa. Po ² ulunyungu lwa Gad nu Reuben bakiza nukunena nu moses, kwa Eleazer umuputi, nakuba songo aba kaya. Bakati, ³ ''Ulu lolo lubatiko lwa malo ghotutendelite: Ataloth, Dibon, Jazer, Nimrah, Heshbon, Elealeh, Sebam, Nebo nu Beon. ⁴ Aba ghogho malo gho u Yahweh akapoka bo utwaya twa Isreal tutalimo, sona ghogho malo aghiza kuvitekwa. Uswe, aba bombi bako, bali nivitekwa ivinjihe.'' ⁵ Bakanena.''nanthi watufwila ichisa po amaso ghako, po leka amalo agha ngewatupanga, uswe, ababombi bako, ngati chabalekelacho. Uleke uswe tuloboke u Jolodani.'' ⁶ U Moses akamula kuba lunyungu lwa Gad nu Reuben, '' Ko abawamwinyu bangaya ku nkhondo bo umwe mwikali kuno? ⁷ Choni cho ukunyosezya imyoyo ya banthu baku Isreal pakulihoka amalo gho u Yahweh abapile? ⁸ Aba wuso bope bakabomba ngati ivi ponkhaba tuma ukufuma Kadesh Barnea ukufuma pakupima amalo. ⁹ Bakabuka kululu lyakwikombe lya Eshkol. Bakalinga amalo posona bakabanyosezyamimyoyo ya banthu baku Isreal pakuti bakaye pakwinjila mumalo gho u Yahweh akabapa. ¹⁰ U bukalale bwa Yahweh bukakwela pisiku lyo. Akasenda ululaghilo sona akanene, ¹¹ 'Naloli nayumo uwa banalume bokafumila kunzi kwa Egypt, ukufuma pamiaka twente ukuya pamwanya, gho inthi akalinge amalo gho nkhabapa aba, kwa Abraham, kwa Isaac, nakwa Jacob, chifukwa bakanila nzila ukuti bakonkhe une, loli pamo u ¹² Caleb umwana wa Jephunneh umu Kenizzite, nu Joshua umwana wa Nun. mwene u Caleb nu Joshua bobo bakankhonkha une.' ¹³ Po ubukalale bwa Yahweh bukakwela naba Isreal, akabapangila ichiswiwo ukuzungulila yonsi inkholongo mphaka imiaka fote mphaka pa nkhulilo yabo yo abomba ivi bibi pabwelu bwaka munanganienge. ¹⁴ Linga mwakwela mu malo ghaba ghuso, ngati mo mwabela mwe banalume abananzi, pakongelezya kwa Yahweh umpephezezye ubukalalr kuba Isreal. ¹⁵ Nanthi mwa nyokela mwisinda pa kumukonkha, inthi akabaleke sona aba Isreal munkholongo sona intho mukabananganie bonsi abanthu aba.'' ¹⁶ Po bakiza ku pipi nu Moses sona bakanena, ''Ivivwamba vwa vitekwa nutwaya utukulu utwa bumba iyitu. ¹⁷ Nanga buli, uswe swebebene inthi tukisenganie pa kuy lwa nuku buka naba silikali baba Isreal mphaka tukaye tuba sindikile kubuyo bwabo. Loli imbumba zitu inthibakikalenge mumalo aghakulu mumbali mubuyo ubwa munkholongo chifukwa cha banthu abinji bobachili bakwikala mu malo agha. ¹⁸ Tetukanyokele ku nyumba zitu mphaka wensi uwa banthu ba Isreal akabe nubwikazi bwache. ¹⁹ Tetukabepyane amalo ghakumbali iyinyabo iya Jordan, chifukwa impyana zitu ziliko kuno kumbali iya ku Jordan.'' ²⁰ P o u Moses akabanyosezya akati kukwabo, '' Nanthi vyo ukunena, nanthi mukulwisya mwebene pakuya panthanzi pa Yahweh kunkhondo, ²¹ Po wensi uwa bankhondo binu bobo bakulwa babaghile ukuloboka u Jordan panthanzi pa Yahweh mumphaka po aya abafyumamo abaluwu bache panthanzi zyache ²² sona ichikaya chikapokiwa panthanzi zyache. Po munthanzi inthi muka chinyoswe. Mukabe babuke panthanzi pa Yahweh napanthanzi paba Isreal. Amalo agha inthi bakabalekele panthanzi pa Yahweh. ²³ Loli pala mutabomba ngati ichi, linga, inthi mukabe ninongwa kwa Yahweh. Mube nubwana loli ukuti momunangile inthi mukanyokele. ²⁴ Zenga utwaya utukulu utwa mbumba zinu nivibagha vyangòmbe zinu; po bomba vyo mwanena.'' ²⁵ Ulunyungu lwa Gad nu Reuben bakanena kwa Mosese akati, '' Aba bombi bako baya ubomba ngati mowabombela, mweba bwana bitu, indaghilo. ²⁶ Abana abanandi bitu, abakazi bitu, ingòmbe zitu, navyonsi ivitekwa vitu inthi vikikalenge, kutwaya utukulu utwa ku Glead. ²⁷ Nangabuli, uswe, temba bombi binu, umunthu wensi yo akulya inkhondo, ukuya pakuloboka panthanzi pa Yahweh ku nkhondo, ngati mo ubwana anenela.'' ²⁸ Po u Moses akabapa indaghilo ukuyana naba kwa Eleazar umuputi, kwa Joshua umwana wa Nun, nakuba songo babanyafwale sons nakuba babanyenya lwamuluko lwa banthu bamu Isreal. ²⁹ U Moses akanena kukwabo, '' Nanthi aba lunyungu lwa Gad nu Reuben baloboka ulusoko lwa Jordan nu mwe, umunthu wensi yo aya pakulwa inkhondo panthanzi pa Yahweh, sona nanthi amalo bapoka panthanzi papinu, po inthi mukabape amalo ghaku Gilead ukuba ghabo. ³⁰ Loli pala batakuloboka nivilwilo vyamunkhondo, po inthi bakabape chibe chinu pakasi pinu mu chisu chaku Canaan.'' ³¹ Po aba lunyungu lwa Dad nu Reuban bakamula bakati, ''Mo u Yahweh akanenela ku kwitu twebabombi bako, ichi chocho inthi tukabombe. ³² Inthi tukaloboke nivilwilo panthanzi pa Yahweh mu chisu cha Canaan, loli chi inthi bakatupe ichampyana inthi chikasyale nuswe kumbali iya Jordan.'' ³³ Po kuba lunyungu lwa Gad nu Reuben, sona napakasikasi paba luko lwa Manasseh umwana wa Joseph, U Moses akamupa ubunyafyale bwa Sihon, ubunyafyale ubwa Amorite,naba Og, umalafwale u Bashan. Akabapa abene amalo, sona nukugabana utwaya tonsi utukulu nimphaka zyache, nutwa utukulu nuzyungulila amalo. ³⁴ Ulunyungu lwa Gad bakazenga sona Dibon, Ataroth, Aroer, ³⁵ Atroth Shophan, Jazer,Jogbehah, ³⁶ Beth, Nimrah, nu Beth Haran ngati twaya utukulu twamunkholongo nivibagha izya ng'onzi. ³⁷ Ulunyungu lwa Reuben bakazenga sona ku Elealeh, Kiriathaim, ³⁸ Nebo, Baal Meon--amazina ghabo bakiza bangànamula, nu Sibmah. Bakabapa amazina aghanji kutwaya utukulu kobakaya bazenga sona. ³⁹ Aba lunyungu lwa Markir umwana wa Manasseh bakaya ku Gilead nukubafyumako kuba Amorites bo bakaba mulanyene. ⁴⁰ Po u Moses akamupa u Gilead ukuba mu Makirites, aba lunyungu lwa Manasseh, nabanthu bache bakazikika kulanyene. ⁴¹ Jair, ulunyungu lwa Manasseh, bakaya bakola utwaya twache utukulu nukutwitizya Havvoth Jair. ⁴² Nobah akabuka nukumukola u Kenath nutwaya twache, nukutwitizya Nobah, mwizina lwache.