¹ U Moses akanena kuba songo aba ba Isreal. Akanene , '' Izi zyozyo u Chala akandaghila. ² Pala umunthu akufinga ulufingo kwa Yahweh, pamo akulapa ichilapo cho akanena mwene pakubomba manye asatulenge zyo afingite, atabaghile ukuti amphwasulenge amazyu gho akanena. Loli abombenge zyosi zyo afingite ukubomba ukufumila pamulomo wache. ³ Nanthi umusungu yo akwikala munyumba ya wise afinga ulufingo kwa Yahweh sona anena mwene vimo pakupanga, po achili ali mu nyumba ya wise, ⁴ Nanthi uwise ivya ulufingo nu pangana lwo akanenanga mwene, pakunyoswa, po ulufingo lwache lonsi inthi lukamukakamizye, sona vyonsi ivyabupi vyo akanena mwene ukuti akubika mwene inthi vikimilile. ⁵ Po loli nanthi u wise akumukanizya nanthi ivya ngari ivi, lutaliko ulufingo pamo vyo akati akubika pa vyo akitika inthi vikimilile; u Yahweh inthi akamuhobokele chifukwa uwise weyo amukanizya. ⁶ Nanthi asendwa kumulume po atafingite ulufingo nukulapa nu mulomo wache palananena po ati nongònite mwipangano lwo akati inthi abombe pamwene, ⁷ sona umulume wache mo ivya ivi atakanena nachimo ku kwache, po ichilapo chache inthi chikimilile bulanyene, ivya kwipa vyo akanena mwene inthi vikimilile. ⁸ Loli pala umulume akamulesya pisiku lwo ngati ivi, po alileka ulu fingo lo apanga, unena lubilo kwapa milomo yache yo akitikizya mwene ukubomba, sona u Yahweh inthi akamuhobokele. ⁹ Loli lonsi lo lufingo ulwa mufwilwe pamo umwakazi yo akasoka inthi lukamukunge mwene. ¹⁰ Nanthi umwana kazi afinga ulufingo munyumba ya mulume wache pamo inenela mwene mwi pangano lyache lwo akalapanga. ¹¹ loli nanthi umulume wache ivya ichi atakunena nachimo kukwache sona achita nukumususya, po ulufingo lwache lonsi inthi lukimilile, navyonsi vyo akipanga vyo akitikanga mwene inthi vikimilile. ¹² Loli pala umulume avikana pisiku lyo ivwa ngati ivyo, po vyonsi vuo akanena pamulomo wache ukuyana nulufingo lwache pamo nama pangano tevikimilile. Umulume wache akuvikana, u Yahweh inthi akamuhobokele. ¹³ Lonsi lo lufingo nachonsi cho chilapo bakumupinya, umulume wache angamanya ukuchimika pamo ukuchikana. ¹⁴ Loli nanthi umulume wache atanena nachimo kwache akufuma pisiku nisiku, po akwaghania ulufingo lwache lonsi nukwipa kwache ko akapanga inthi kukimulile, chifukwa atakanena nachimo kwache pisiku lyo akivwa ngati ivyo. ¹⁵ Po nanthi umulume akana ichilapo cha mukazi wache mo ivya izya ivyi, po inthi akabe namaka pamulonga.'' ¹⁶ Izi zyo ndaghilo zyo u Yahweh akamulaghila u Moses ukufumusya----indaghilo zyo zyo zili pakasi pa mwanalume nu mwanakazi napakasi pa wise nu mwana wache po achili munandi munyumba ya wise.