¹ U Yahweh akanena sona kwa Moses akati, ² ''Lamula abanthu baku Isreal sona uti kukwabo, ' mubaghile pabika ivwakwipa kukwane patubalilo totubikiwe, chakulya chavyabupi vyane chochipangiwe pa moto ukuti chifumye umununsi uwiza uwa une.' ³ Ubaghile unene sona kukwabo, uti ichi chocho chakwipa chakupangika pa moto cho mubaghile pakubika kwa Yahweh--abadubi abamwaka ghoka abasita kalema, babili pisiku, ngati chabupi ichakocha ichabwile. ⁴ Umwana wa Ng'onzi weka mubaghile mubike pandabi ndabi, sona umunyabo mubike pachamabwila. ⁵ Mubaghile mubike icha teni icha Ephah u wa busu ubwiza ngati chabupi icha mbeyu, ichakongania nachoka--folo ivya hin uwa mafuta aghakuma. ⁶ Chino chochakwipa ichakocha ichabwile cho chikalamuliliwa pa chipiri cha Sinai chochikafyumya umununsi uwiza ichakwipa ichakupangika pa moto kwa Yahweh. ⁷ Ichakwipa chache icha chakung'wa chibaghile chibenge choka--folo icha hin pa mwana wa ng'onzi weka. Ubaghile upungulire ichakwipa icha chakung'wa mu malo agha kupatulika kwa Yahweh. ⁸ Umwana wa ng'onzi umunyabo mubaghile mubike kuchamabwila poka nichakwipa icha mbeyu ngati ngati chakwipa cho mubike kundabi ndabi. Mubaghile sona pakubika ichakwipa ichinyabo icha chakung'wa ichakwipa ichakupangika pa moto ukuti chifumye umununsi uwiza uwa kwa Yahweh. ⁹ Pisiku lya Sabata mubaghile pakusopa abana ba ng'onzi babili, aba mwaka ghoka abasita akalema, navibili ivya muvinthu--teni ivya busu ubutinyuke ubwa Ephah ubwiza ngati chakwipa ichambeyu, ichakongania namafuta, sona nichakwipa icha chakung'wa. ¹⁰ Ichi cho chibenge chakwipa ichakocha cha Sabata wensi, pakongelezya ku chakwipa cha kocha nichachakung'wa ichabwile. ¹¹ Kubwandilo bwa mwezi wonsi, mubaghile ukubika ichakwipa ichakocha kwa Yahweh. Mubaghile pakubika inkhambako inandi nandi zibili, u dubi weka, nutwana twa ng'onzi utwanalume seveni utwa mwaka ghoka utusita chilema. ¹² Mubaghile ukubika sona vitatu--vya vinthu teni ivya Ephah uwa busu ubwiza ngati chakwipa ichambeyu ichakongania namafuta, pa nkhambako yoka, navibili---ivya teni vya busu ubwiza ngati chakwipa ichambeyu ichakongania namafuta pa dubi weka. ¹³ Mubaghile ukubika sona choka chavinyabo teni ichabusu bwa Ephah ichikongania namafuta ngati chakwipa ichambeyu pa mwana wana ng'onzi weka. Ichi chocho chabupi chakocha, ichakufumya umununsi uwiza, ichakwipa ichakupangika ku moto kwa Yahweh. ¹⁴ Ichakwipa ichakung'wa icha banthu chibaghile ukuba pakasi napakasi pa hin uwa wayini pankhambako yoka, choka ichavinyabo vitatu ivya hin pa dubi weka, nachoka ichavinyabo folo ivya hin pa mwana wana ng'onzi weka. Ichi cho inthi chibenge chakwipa ichakocha ichamiezi pamwezi yonsi mu mwaka. ¹⁵ upongo weka ngati chabupi kwa Yahweh chibaghile pakupewa. Ichi inthi chebenge chakongelezya pachakwipa ichakocha ichabwile, nichabupe ichakung'wa poka. ¹⁶ Kubwandilo bwamwezi, pisiku lya fotini wa mwezi ko kokudumusyania kwa Yahweh. ¹⁷ Pisiku lya fifitini mu mwezi ughu lya lusekelo lubaghile ukubombwa. Mwamasiku seveni ichibama ichambula indungizyo chibaghile ukulyeka. ¹⁸ Pisiku ilyabwandilo, pabaghile ukuba ulukomano ulwa pakupatulika, pa kumuchindamika u Yahweh. Mutakabombe imbombo yonsi nayimo iyamasiku ghonsi pisiku ilyo. ¹⁹ Nangabuli mubaghile pakubika ichakwipa ichakupangika pa moto, ichakwipa ichakocha kwa Yahweh. Mubaghile pakubika inkhambako imbuka zibili nu dubi weka nbana ba ng'onzi abanalume seveni abamwaka ghoka, abasita chilema. ²⁰ Poka ninkhambako, mubaghile pakusopa ichakwipa ichampumba vitatu --mwavinyabo teni ivya busu ubutinye bonganite namafuta, poka nudubi navibili. ²¹ Pakoka koka mwa twana seveni, utwa ng'onzi, mubaghile ukusopa choka ichavinyabo teni icha Ephah icha busu ubutinye ubwakongania namafuta. ²² sona nu pongo weka inthi abenge ngati chabupi ichambibi pakwilambika mwebenencho. ²³ Mubaghile pakubika vino pa kongelezya pa vyakubika ivya kocha ivya bwile nabwile ivya kuyana nindabi ndabi yonsi. ²⁴ Ngati mo vyanenekela pano, mubaghile pakubika ivyakusopa vino bwile, mu masiku seveni aghakumunsania, ichakusopa ichachakulya ichakupangika pa moto, icha mununsi umwiza uwa Yahweh. Chibaghile chibike pakongelezya pa cha bupe ichakocha ichabwile na bwile nichabupe icha kung'wa poka. ²⁵ Pisiku ilya seveni mubaghile pakuba nulukomano uluswepu ukubika inchindi kwa Yahweh, sona mutabaghile pakubomba imbombo iyamasiku ghonsi pisiku ilyo. ²⁶ Pisiku i lya ivyakwera ivyabwandilo, pala mubika ivyakusopa ivipya ivya mphumba kwa Yahweh mumasabata ghakupatulika mubaghile pakuba nulukomano uluswepu ukubika inchindi kwa Yahweh, sona mutabaghile paku bomba imbombo pisiku ilyo. ²⁷ Mubaghile pakubika ichakusopa ichakocha ichafumia umununsi uwiza kwa Yahweh. Mubaghile ubika inkhambako imbuka zibili, udubi weka, nutwana twa ng'onzi utwanalume seveni itwa mwaka ghoka. ²⁸ Mubike sona ichakwipa ichamphumba poka: nubusu ubutinye ubwakongania namafuta pankhambako yoka nivinyabo vibili--mwa vinthu teni pa dubi weka. ²⁹ Bika choka chavinyabo teni ichawabusu ubutinye uwakongania namafuta choka patwana twang'onzi seveni, ³⁰ nu pongo weka uwakulambila mwebenencho. ³¹ Nanthi po mukubika ivinyamana ivyo bika ivyambula ukulemala, poka nivyakwipa ivyakung'wa, ichi chibaghile chibe chakongelezya ku vyakwipa ivyakocha ivyabwile sona nivyakwipa ivyamphumba.