1
Po u Yahweh akanena kwa Moses. Akati,
2
'' Tuma bamo abanalume baye batendele ichisu cha Canaan, cho na bapa abanthu ba Isreal. Tuma umwanalume weka ukufuma ku luko lonsi ulwa banyenya babo. Wensi umwanalume abe mulongozi mukasi mwabo.''
3
U Moses akabatuma mu nkholongo ya Paran, ukuti pamo po bangivwa ululaaghilo lwa Yahweh. Bonsi bala baka balongozi mukasi mwabo mu banthu ba Isreal.
4
Agha ghogho mazina ghabo: ukufuma mu luko lwa Reuben, U Shammua umwana umwanalume uwa Zakkur;
5
ukufuma mu luko lwa Simeon, u Shaphat umwana umwanalume uwa Hori;
6
ukufuma mu luko lwa Judah, u Caleb umwana umwanalume uwa Jephunneh;
7
ukufuma mu luko lwa Issachar, u Igal umwana umwanalume uwa Joseph;
8
ukufuma mu luko lwa Ephraim, u Hoshea umwana umwanalune uwa Nun;
9
ukufuma mu luko lwa Benjamin, u Palti umwana umwanalume uwa Raphu;
10
ukufuma mu luko lwa Zebulun, Gaddiel umwana umwanalume uwa Sodi;
11
ukufuma mu luko lwa Joseph(pamo tunganena ukuti, ukufuma mu luko lwa Manasseh), u Gaddiel umwana umwanalume uwa Susi;
12
ukufuma mu luko lwa Dan, u Ammiel umwana umwanalume uwa Gemalli;
13
ukufuma mu luko lwa Asher, u Sethur umwana umwanalume uwa Michael;
14
ukufuma mu luko lwa Naphtali, u Nahbi umwana umwanalume uwa Vophsi;
15
ukufuma mu luko lwa Gad, u Geuel umwana umwanalume uwa Maki.
16
Agha gho ghakaba mazina ghabanalume bo u Moses akabatuma ukutendera ichisu. U Moses akamwitizya u Hosea umwana umwanalume uwa Nun izina lya Joshua.
17
U Moses akabatuma ukutendela ichisu cha Canaan. Akati kukwabo, '' Mwende pakufuma pa Negev po mubuke ku vipiri vya chisu.
18
Mutendele ichisu sona mulinge sona namo chibelile. Mubelenge abanthu bobakwikala kulanyene, pamo bali na maka pamo bate nagho, sona pamo ba chepite pamo binji.
19
Linga mo ichisu chibelile namo bakwikalamo. Chiza pamo chibibi? Vikaya buli ivikulu vyo vili kulanyene? Vili ngati malupaso, pamo vikaya vyakuzengiwa?
20
Linga mo ichisu chili, pamo chochiza pakubyala ivibyalwa pamo haa, pamo chili na makomo pamo hagha. Mube mwe bajimvu sona mwize nivya kulangizya vyo vikufuma mu chisu.'' Po kakaba kabalilo akakuti amagilepusi agha bwandilo ghatona.
21
Po abanalume bakabuka nu kutendela ichisu ukufuma ku nkholongo ya Zin ukuya ku Rehob, papipi nu Lebo Hamath.
22
Bakabuka ukufuma ku Negev sona bakafika pa Hebron. U Ahiman, u Sheshai, sona nu Talmai, abalunyungu lwa Anak, bakaba kulanyene . Po u Hebron akazengiwa pamyaka seven pisinda pa Zoan mu Egypt.
23
Bo bafika mu chikombe cha Eshkol, bakadumula ichisamba cha magilepusi. Bakanyamula pa vipungo pakasi pama gulu ghabo ghabili. Sona bakiza ni nsebwe ni mikuyu.
24
Amalo ghala bakaghitizya chikombe cha Eshkol, chifukwa cha magilepusi gho abanthu bamu Isreal bakadumula palanyene.
25
Bo pamala amasiku fote, bakabwelako pakutendela ichisu.
26
Bakanyokela kwa Moses, nu Aaron, na ku chikaya chonsi icha banthu ba ku Isreal mu nkholongo ya Paran, pa pipi pa Kadesh. Bakiza nizwi kukwabo sona na ku chikaya chonsi, sona bakalangizya ivyakufuma mu chisu chila.
27
Bakamubuzya u Moses, '' Tukafika mu chisu cho ukatutuma uswe. Naloli chikwenda nulukama nu buchi. Pano pali ivyakufuma mulanyene.
28
Nanga buli, abanthu bo bapangite utwaya twabo bali na maka. Ivikaya vyakuzengiwa sona vikulu hee. Uswe sona tukalulolela ulunyungu lwa Anak kulanyene.
29
Aba Amalekite bakwikala mu Negev. Aba Hittite, aba Jebusites, sona na ba Amorites bali nutwaya twabo ku chisu chatupili. Aba Canaanites bakwikala ku nyanja sona na kumbali kwa lusoko lwa Jordan.''
30
Po u Caleb akabatebezya abanthu bo bakaba munthanzi mwa Moses sona akati, '' Za tubuke sona tusende ichigaba cha chisu, pakuti naloli tubaghile ukupoka.''
31
Loli abanalume abanyabo bo akabuka nabo bakati, ''Tutabaghile ukubakola abanthu chifukwa bali na maka patupota uswe.''
32
Po bakasusya amazwi aghakugongowesya ku banthu ba ku Isreal ivya chisu cho bakatendela. Bakati, '' Ichisu cho twachilinga cho chisu cho chukulya vyo vili mulanyene . Abanthu bonsi bo twabalinga kula bo banthu abatali.
33
Kula twalingite aba Nephilim, ulunyungu lwa Anak, abanthu bo bakafuma mu batali. Mukabonekelo kitu tukaba ngati zyo mphanzi pakuyelezya na bene, sona umu momo tukabela mu maso ghabo, nuswe.''