¹ Po u Yahweh akanena kwa Moses . Akati, ² ''Panga ama pati ghabili agha siliva. Syana nu siliva pakughapanga. Ubombezyenge amapati pakwitizya ichikaya pa kubungana sona pakwitizya ichikaya pa kufuma ku visakasa vyabo. ³ Abaputi balizye amapati ukwitizya ichikaya pa kubungana panthanzi pako apakwinjilila mu chitenthi chakomanilamo. ⁴ Pala aba puti balizya ipati lyoka, abatanjilila ni mitu ya balongozi ya ba Isreal babungane kukwako. ⁵ Pala walizya umwakukwezya, uluko lo lwabunganite ku lulu lwande ubulendo bwabo. ⁶ Pala balizya umwakukwezya akabubili, ama luko gho ghabunganite kunthende ghande ubulendo bwabo. Babaghile ukulizya umwakukwezya ukulangizya ubulendo bwabo. ⁷ Pala ichikaya chabungana poka, balizye amapati, loli umwakukwezya hagha. ⁸ Abana ba Aaron, umuputi, babaghile balizye amapati ghabo. Ichi chikwiza ukuba chimanyisyo ku kwinu akabalilo konsi ku banthu aba luko lonsi. ⁹ Pala mukuya ku bwite mu chisu chinu pakulimbana nu mulwani yo akubatamia umwe, po mubaghile pakulizya amapati. Une ne Yahweh u Chala winu, nkhuzukwitizya umwe ukubakumbusya sona ukubapoka umwe ukufuma kubalwani bwinu. ¹⁰ Sona, mutubalilo utwa vyakusekela, vyonsi ivya bwile--nabwile sona nivya kubwandilo bwa mwezi, mubaghile ukulizya amapati ghinu pavya kwipa vinu ivya kocha sona ni vya kubika vinu ukuba vyakwipa vinu pakwiputa. Ivi vizubomba ngati vyakukumbukila umwe kukwane, u Chala winu. Ne Yahweh u Chala winu.'' ¹¹ Mu mwaka wa bubili, mu mwezi wa bubili, pisiku lya twenthe mu mwezi, ibingu pakufuma pa chibokosi cha malaghano. ¹² Abanthu ba ku Isreal polelo bakabuka pa bulendo ukufuma munkholongo ya Sinai. Ibingu likimilila munkholongo ya Paran. ¹³ Bakapanga ubulendo bwabo ubwa bwandilo, ukukonkha indaghilo zya Yahweh zyo akabapa ukwizila mwa Moses. ¹⁴ Ichimo cho chikaba pansi pa lunyungu lwa Jordan lukabuka pabwandilo, ukufumia ababwite babo bene. U Nahshon umwna umwanalume uwa Amminadab akatangilila ababwite ba Judah. ¹⁵ U Nethanel umwana umwanalume uwa Zuar akatanjilila ababwite aba luko lwa lunyungu lwa Issacher. ¹⁶ U Eliab umwana umwanalume uwa Helon akabatanjilila aba bwite aba lunyungu lwa Zebulun. ¹⁷ Aba lunyungu lwa Gershon sona nu Merari, yo akalinjilila ichibokosi, akanyamula pansi ichibokosi nu kubuka pa bulendo bwabo. ¹⁸ Po pakiza aba bwite aba pansi pa abakunyamula ichimo cha Reuben bakanda ubulendo bwabo. U Elizur umwana umwanalume uwa Shedeur akatanjila aba nkhondo ba Reuben. ¹⁹ U Shelumiel umwana umwanalume uwa Zurishaddai akatanjilila aba bwite aba luko lwa lunyungu lwa Simeon. ²⁰ U Eliasaph umwana umwanalume uwa Deuel akatanjilila aba bwite aba luko lwa lunyungu lwa Gad. ²¹ Aba Kohath bakiza. Bakanyamula ivya buyo ubusayiwa. Abanyabo bakabika ichibokosi panthanzi bo aba Kohathites batafikite pachimo ichinyabo. ²² Aba nkhondo pansi pa ndembela ya kunyamuliwa nu lunyunghu lwa Ephraim bakabika pachinyabo. U Elishama umwana umwanalume uwa Ammihud akatanjilila ababwite aba Ephraim. ²³ U Gamaliel umwana umwanalume uwa Pedahzur akatanjilila aba bwite aba lunyungu lwa Manasseh. ²⁴ U Abidan umwana umwanalume uwa Gideoni akatanjilila aba bwite aba luko lwa lunyungu lwa Benjamin. ²⁵ Aba nkhondo bo bakaba pa chimo pansi pa banner ulunyungu lwa Dan bakabikiwa pa bumalilo. U Ahiezer umwana umwanalume uwa Ammishaddai akatangilila abankhondo aba Dan. ²⁶ U Pagiel umwana umwanalume uwa Orkran akatangilila aba nkhondo aba luko lwa lunyungu lwa Asher. ²⁷ U Ahira umwana umwanalume uwa Enan akatangilila aba nkhondo aba luko lwa lunyungu lwa Naphtali. ²⁸ Umu momo aba nkhondo aba banthu ba Isreal bakabikiwa pa bulendo bwabo. ²⁹ U Moses akanena kwa Hobab umwana umwanalume uwa Reuel umu Midiani. Reuel akaba we wise wa mkazi wa Moses. U Moses akanena sona kwa Hobab akati, '' tukuya pakwenda ukuya kubuyo bo u Yahweh akanena. U Yahweh akati, ' Nkhuzukubapa umwe. Zanga nuswe sona inthi twize tubabombele umwe ichete. U Yahweh akalaghana pakubomba ubwiza kuba Isreal.'' ³⁰ Loli u Hobab akati kwa Moses,''Nthakubuka numwe. Inthi mbuke ku chisu ichane sona na kubakamu bane.'' ³¹ Po u Moses akamula, '' Twapela utakatuleke uswe. Umenye mo ungapangila ikampu mu nkholongo. Ubaghile ukutulingilila uswe. ³² Pala wabuka nuswe, inthi twize tubombe kukwako iviza ukuyana navyo u Yahweh akubomba kukwitu.'' ³³ Bakenda ukufuma pa chipili cha Yahweh kwa masiku ghatatu. Ichibokosi cha malaghano gha Yahweh bakatanjila nacho panthanzi kwa masiku ghatatu ukulonda ubuyo ubwakuti abene banga tuzyapo. ³⁴ Ibingu lya Yahweh likaba nabo ponsi pakabalilo ka pa munsanya po bakendanga. ³⁵ Ponsi po bakimika ichibokosi, u Moses akatinji, '' Imilila apa ,Yahweh. Sasya abalughu bako. Panga bo bakubengite uwe basamaleko kukwako.'' ³⁶ Ponsi po ichibokosi chikimililanga , u Moses akatinji, ''Nyokera, Yahweh, ku bana ba Isreal kokinji ama teni sauzandi.''