1
U Moses naba songo aba ku Isreal bakabalamula abanthu bakati, ''Musunge indaghilo zyo nkhubalamula umwe ilero.
2
Pisiku lyo umwe muzuloboka u Jordan pakuya ku chisu cho u Yahweh u Chala winu cho akubapa umwe, muye mwimike amabwe amakulu sona muye mughamate nuku ghamata.
3
Mubaghile musimbepo amazina ghonsi aghalamulo pala mwaya mwaloboka, pomuye mubike muchisu cho u Yahweh u Chala winu aba pile umwe, ichisu cho chikwenda ulukama nu buchi, ngati mo u Yahweh, mo u Chala wa basekulu binu, mobakapanganila numwe.
4
Nanthi mwaya mwaloboka u Jordan, mwimike amabwe agha gho une nabalamula umwe kwisiku lino, muchipili cha Ebal, sona muye mughamate nukughamata.
5
Kulanyene muye mupange ichighemo cha Yahweh u Chala winu, ichighemo cha mabwe; loli mutakaye muzengelele amabwe ghakubaza ni chela.
6
Mubaghile muzenge ichighemo cha Yahweh u Chala winu na mabwe gho batabombilepo; mubaghile mupeleke ichakwiyipa ichakocha kwa Yahweh u Chala winu,
7
sona uye ubike ichabupi ichabupoka sona muye mulye kulanyene; inthi muye musekelele pamaso pa Yahweh u Chala winu.
8
Uwe uye usimbe pibwe amazyu ghonsi agha lulaghilo ulu. Simba ghaboneke nkhani.''
9
U Moses naba puti, aba Levi, bakanena kuba Isreal bonsi nukuti, ''Mubemia sona mwivwe, umwe ba Isreal: Ilero mwaba mwe banthu ba Yahweh u Chala winu.
10
Mubaghile mwivwile amazyu gha Yahweh u Chala winu sona mwivwile ni ndaghilo sona navyo inthi abalaghile vyo une nkhubalamula ilero.''
11
U Moses akabalamula abanthu isiku lilanye sona akati,
12
''Ivikolo vyo inthi vize vimilile pa chipili cha Gerizim pakubasaya abanthu nanthi baloboka u Jordan: Usimon, u Levi, Judah, Issacher, Joseph nu Benjamin.
13
Ivi vyo vikolo vyo vibaghile vimilile pa chipili cha Ebal nukunena ivya chighune: u Reuben, Gad, Asher, Zebulun, Dan nu Naphtali.
14
Aba Levi bazu kwamula sona bazukuti kubanalume bonsi aba ku Isreal namazwi ghapamwanya:
15
Nge umwanalumeaghuniwa yo akapanga ichilwani chakubaza napo chakumata, bupopo kwa Yahweh, imbombo zya nyobezya yo akapanga, sona yo akachimika mubuyo bwaku chifisa.' Po abanthu bonsi babaghile banene, 'Amen.'
16
'Aghuniwe umwanalume yo atachindika u tata wache nu mama wache.' Po abanthu bonsi babaghile banene, 'Amen.'
17
'Aghuniwe umwanalume yo akupoka imphaka ya mupalamani wache.' Po abanthu bonsi banene, 'Amen.'
18
'Aghuniwe umwanalume yo akubasobezya bo batakulinga mumusebo.' Po abanthu bonsi babaghile banene, 'Amen.'
19
'Aghuniwe umwanalume yo akunyonganika palonga inongwa ya mulendo, yo ate nuwise, nakwa mufwile.' Po abanthu bonsi babaghile bati, 'Amen.'
20
'Aghuniwe umwanalume yo akughonana nu mwanakazi wa tata wache,chifukwa umuvwinkhula yo wa tata wache.' Po abanthu bonsi babaghile banene, 'Amen.'
21
'Aghuniwe umwanalume yo aghonana nichinyamana chili chonsi.' Po abanthu bonsi babaghile banene 'Amen.'
22
'Aghuniwe umwanalume yo akughonana numuyemba wache, umwana umwanakazi uwa tata wache napo mwana wa mama wache. Po abanthu bonsi banene, 'Amen.'
23
'Aghuniwe umwanalume wensi yo akughonana nu mayivyala wache.' Po abanthu bonsi banene, 'Amen.'
24
'Aghuniwe umwanalume wensi yo akoma umupalamani wache mubufisamu.' Po abanthu bons babaghile banene, 'Amen.'
25
'Aghuniwe umwanalume wensi yo apokela ivyamabeko pati akome umunthu yo atanangite nachimo.' Po abanthu bonsi babaghile banene, 'Amen.'
26
'Aghuniwe umwanalume yo atakwitikizya amazwi ghalulaghilo ulu, agha ghomughabombe.' Po abanthu bonsi babaghile banene, 'Amen.'