¹ Pakabalilo kala u Yahweh akanene kukwane, 'ubaze amabwe ghabili ngati ghabwandilo wize kukwane kuchipili, sona upange ibokosi lyamakomo. ² Pa mabwe ghabili inthi nsimbepo amazyu gho ghakaba pa mabwe ghabwandilo gho mukaghamenyula, po inthi mwize mughabike mubokosi! ³ Po nkhupanga ibokosi lyikomo lya acacia, sona nkhubazya amabwe ghabili ngati ghapabwandilo, po nkhabuka kuchipili, ndili namabwe ghabili munyobe zyane. ⁴ Akasimba pa mabwe, ngati ghapabwandilo indaghilo zyo u Yahweh akanena kukwinu kuchipili pakasi pa moto pisiku lyalukomano; po u Yahweh akampha. ⁵ Nkhang`anamuka nukwisika kuchipili, nkhabika amabwe mubokosi lyo nkhapanga; pala pali, ngati mo u Yahweh akandamulila une.'' ⁶ (Abanthu baku Isreal bakenda ukufuma ku Beeroth Bene Jaakan ukuya ku Moserah. Kula u Aaron akafwa, sona akasiliwa kulanyene; u Eleazer, umwana wache umulumendo, akabomba mu ofesi ya mputi usongo mubuyo bwache. ⁷ Ukufuma pala bakaya ku Gudgodah, sona bakaya ku Jotbathah, akaya akansoko zya minzi. ⁸ Pakabalilo kalanyene u Yahweh akasala aba luko lwa Levi ukuti lunyamule ibokosi lya ndaghilo zya Yahweh, ukwimilila pamanso pa Yahweh nukumubombela, sona nukusaya abanthu mwizina lya Yahweh, ngati lyo lilelo. ⁹ Polelo u Levi atakaba nakabuyo pamo akakupyana poka nabawamwabo; u Yahwe weyo pyana lyache, ngati mo u Yahweh u Chala winu akanenela kukwache.) ¹⁰ ''Nkhwikwlw kuchipili ngati pakwanda, ubmusanya fote sona namabusiku fote. U yahweh akanivwa sona pakabalilo kalanyene; u Yahweh atakalonda pakubakomania. ¹¹ U Yahweh akanena ku kwane, ' nyamuka, buka kabatanjilile abanthu pabulendo bwabo; inthi babuke nukusenda akaya ko nkhaba lapila abanyenya babo ukuti inthi mbape abene.' ¹² Po, Isreal, u Yahweh u Chala winu alondachi kukwinu, ukupatula ukumoghopa uYahweh u Chala winu, ukwenda munzila zyache zyonsi, ukumughana, sona nukuti mumwipute u Yahweh u Chala winu, sona numoyo winu wonsi sona numuzimu winu wonsi, ¹³ ukusunga indaghilo zya Yahweh, sona mo abelile, vyo nkhubalamulila umwe vibabele akiza? ¹⁴ Linga, kwa Yahwh u Chala winu kuli kumwanya sona kumwanya kwa kumwanya, ichisu, nachonsi cho chili muno. ¹⁵ U Yahweh mwene akahoboka naba tata binu po akabaghana, po akabasala umwe, abalunyungu lwinu, bobiza bo abene babuka, ukulusya abanthu abinji, ngati mo akubombela ilelo. ¹⁶ Polelo dumulani kunthanzi kwa moyo winu, sona mutakaghome sona imyoyo yinu. ¹⁷ Pakuti u Yahweh u Chala winu, we Chala waba Chala, sona we Mwene waba Mwene, u Chala umukulu umuchindikiwa sona umusisya, yo atakusala nayumo sona atakusenda nivyahonga navimo. ¹⁸ Ukubombezya umwa bwanaloli kubo bate nabatata sona nabanakazi, sona ukulangizya ulughano kubalendo pakubapa ichakulya nivwakuvyala. ¹⁹ Polelo ghana umulendo; pakuti mukaba mwe balendo mukaya ka Ijiputi. ²⁰ Mumoghope u Yahweh u Chala winu; nukumwiputa yuyo kukwache. Musenganie sona mwizina lyache mo mulapile. ²¹ Wemapalo ghinu, sona we Chala winu, yo ababombela ivinthu ivinji sona ivyakoghofya, vyo amanso ghinu ghalinga. ²² Aba tata binu bakisika ukuya ku Ijiputi ngati banthu sevenite; po u Yahweh u Chala winu abablisya mwaba binji ngati zyo nthondwa zyakumwanya.