¹ Bediri kan Allah wonusu le abuhat ta nina be wasat anbiya fi marat ketir wa be teriga ketir. ² lakin fi ayam ta akhir de, Huwo wonusu le nina be wasat al Jena, al Huwo yau akhtar ashan bi kun fok min kulu hajat. wa be wasat huwo kaman Allah amulu al duniya. ³ Huwo yau dou ta mejid Bita Allah, wa sura bita jouhar bitode huwo al bi limu kulu hajat sawa be kelima ta guwa bito. baad ma Huwo nedifu katiyat, huwo geni tehet fi idan yemin ta Allah al azim al fok. ⁴ Huwo biga bes fok malaikat, ze isim al Huwo worisu de futu kulu min isim tomon. ⁵ Ashan le yatu malaika Allah kelim, "Inta jena Bitai, alela Ana biga Abu bitaki" wa kaman, "Ana bi kun Abu le huwo, wa Huwo bi kun jena le Ana"? ⁶ Lakin kaman, wokit Allah jibu jena al bikir de fi dunia, Huwo kelim, "Malaikat ta Allah kulu bi abudu Huwo." ⁷ wa an malaikat Huwo kelim, "Huwo yau amulu malikat Bito arwah, wa kadamin Bito lisan bita nar." ⁸ Wa an al Jena Huwo kelim, "Kursi Bitaki, ya Allah, lel abad wa al abad. Wasulta ta mamlaka bitak de sulta ta adala. ⁹ Inta hibu geni adil wa Inta akrah fouda.Ashan kida Ya Allah, Allah Bitak, masau Inta be zet bita farah aktar min sabihat bitak" ¹⁰ Fi bidaya, Ya Rabuna, Inta kutu asas ta dunia. Samawat" de shokol ta idan Bitak. ¹¹ Humon kulu bi kalasu, lakin Inta bi istemir. Humon kulu bi libisu ze gita gumash. ¹² Inta bi lifu humon fok ze ta birish, wa bi geiru humon ze gita gumash. Lakin Inta sawa, wa senwat Bitak ma bi intahat." ¹³ Lakin le yatu malaika Allah kelim fi ai zaman, "Geni fi idan yemin Bitai lahadi Ana bi amulu adu bitaki mahal ta kutu kura. ¹⁴ Malaikat kulu na arwah al bi ashtakal, al rasulu ashan bi saudu del al bi worisu ?kulasa