1
Bulus, rasul- ma min nas wele bewasat insaan, lakin Bewasat Yesua al Messih wa Allah al ab
al guomu uwu mini mutu
2
wa kulu akwana al ma ana, le Kanais ta Galatia:
3
Naima le itakum wa
salam min Allah Abu ta nina wa Yesua al Messih,
4
al wedi nefsa tuo min ajil kataya ta nina ashan
be hariru nina min alam al sherir de, be hasab meshiya ta Allah wa abu ta nina,
5
kede mejid rija
le uwu lel abed al abidin. Amin.
6
Ana bi istagrab itakum bi rija wara guwam min de al nadi itakum
be naima ta Messih. Ana mustagarab itakum bi geyiru le Injil tani al barau.
7
Ana ma be wunuso
inu fi Injil tani barau, lakin fi nas tanin al deru sibu itakum waga wa deru geiru Injil ta Messih.
8
Lakin hata luo kan inna aw Malaika min Sama yau beshiru le itakum kalam tani barau min al
inna beshiru, kede uwu kun muluwun.
9
Ze ma inna wunuso gubal kida, hasa tani ana bi wunuso,
``Kan fi zol beshiru le itakum Injil tani min al itakum asuma, kede uwu kun muluwun.``
10
Hal ana
hasa gi fetisu gubul min insan wele Allah? Hal ana gi fetisu rida ta insan? Kan ana lisa bi hawil
ardi insan, Ana ma kadam ta Messih.
11
Ashan Ana der kele itakum aruf, ya Akuana, Inu Injil al
Ana beshiru de ma ta insan.
12
Ana ma ligu Injil min ayi zol, wele Ana alimu ma alimu. Lakin, de
kan be ruoya ta Yesua al Messih le Ana.
13
Itakum asuma an Haya tai kan kef fi Yhuodia, kef Ana
kan gi itahidu Kenisa ta Allah futu ganoon wa Ana kan bi hawil demiru.
14
Ana kan gidam kalis
min dufat tai, aktar min nas ta belet tai. de yau teriga al kan Ana undu gira kebir le tagalid ta
abuhat tai.
15
Lakin zaman Allah, al kasisu Ana min batna umua tai, wa al nadi Ana be naima tuo,
16
rudu ashan bizahiru jena tuo fugu Ana, ashan Ana bi beshiru uwu fi nus ta umam, Ana ma shilu
mushura min dom aw laham.
17
Ana ma ruwa le Urshelim le delin al biga rusul gubal Ana. Lakin
Ana ruwa le Arabia wa bat kida Ana rija le Damashk.
18
Wa bat talata senna Ana ruwa lakadi fi
Urshelim ashan ruwa itaaraf le Safa wa Ana geni ma uwu kamistashr yom.
19
Lakin ma ayinu rusul
delin ile Yagub bes, aku ta Rabana.
20
Haja al Ana bi katibu le itakum, Ana bi akidu le itakum gidam
ta Allah ibu Ana ma gi kabasu.
21
bat kida Ana ruwa le bilad ta Suriya wa Kilikia.
22
Ana sheksian
ma maruf le Kanais ta Yahudia al fi al Messih.
23
Umun bes asuma gi wunuso, ``Zol al kan gi
.itahidu inna hasa biga bi beshiru Iman al uwu hawil demiru.
24
Umun mejidu Allah ma kalam tai