1
Bulis, wa rosul ta Yesuah al Mesih be wasit irada ta Allah, wa Timatayo aku ta nina,
2
le mominin
wa akwana al aminu fi al Mesih fi Kolosi. Kede Neima kun le intakum, wa Salam min Allah abu
ta nina.
3
Nina bi wodi shukuran le Allah, abu ta Rabuna ta nina Yesuah al Mesih, wa nina daiman
bi seli le intakum.
4
Nina asuma be Iman takum fi Mesih Yesuah wa kaman muhaba takum le
Kedisin.
5
Intakum indu muhaba ashan al raja al kutu le itakum fi Samawat. itakum asuma be raja
de gubal kida fi kelima ta Hagiga ta Injil.
6
Al ja le itakum. fi Dunia wa jibu simar wa bi raba. ze ma
fi itakum min yom al itakum asuma wa arufu Neima ta Allah al Hagiga.
7
De Injil al ze itakum alimu
min Abfaras kadam ta nina al mahbub al bi dowru wara ta nina. al huwo kadam al amin ta Mesih
al bi mesil nina.
8
Abfaras wori le nina muhaba takum fi Roho.
9
Ashan muhaba de min zaman
nina asuma, nina ma wogif ashan bi seli le itakum. nina kan bi istemir seli kede itakum mala
be marafa ta meshia bito be kulu Hikma wa Fahim ta Roho.
10
Nina bi seli ashan kede intakum
dowru ze Rabuna deir be teriga al kuwes, wa ashan intakum be indu simar ta amail takum al
kuwes wa itakum bi raba fi arufu Allah.
11
Nina seli ashan itakum bi agder geni gowin be guwa
ta mejid Bito fi amulu shokol shedid wa sobur.
12
Wa nina kaman seli ashan kede intakum wodi
shukuran be mokosut le Abu, al kutu intakum limu fi worisa ta mominin fi Nur.
13
Al talau nina min
duluma wa hawilu nina le mamlaka ta Jena Bito al Mahbub.
14
Fi Jena Bito nina ligo kulasa, wa
afi ta katia.
15
Jena de Huwo yau sura ta Allah al ma bi ayinu. wa awel bikir ta kulu kaliga.
16
be
wasit Bito kalagu kulu hajat, alfi Sama wa Ardiya, hajat al bi ayinu wa al mabi ayinu kan hajat al
fok aw ta mosuliya wa ta sultat. hajat kulu Huwo kalagu le nefsa Bito.
17
Huwo fi gubal kulu hajat,
wa hajat kulu bi limu fi Huwo.
18
Huwo ras ta jisim, al Kenisa. Huwo al bidaya wa bikir fi nus ta nas
al meitin, ashan Huwo bikun awel wa gidam min kulu hajat al kalagu.
19
Ashan Allah kutu kede
shokol kebir Bito fadulu fi Huwo.
20
wa ashan bi amulu musalaha be wasat Jena de ma hajat kulu
le nefsa Bito. Allah amulu Salam be wasat dom ta Selib. Allah salau kulu hjat le nefsa Bito, hajat
al fi ardiya aw hajat ta Sama.
21
Itakum kulu kan ajnebin le Allah wa kaman adu Bito fi mug takum
wa hajat takum al batal.
22
Lakin hasa de Huwo rija salau itakum be jisim Bito ta insan be mutu
Bito, ashan be kutu intakum geni kudusin. wa bidun loum, wa bidun shokuwa fi gidam Bito.
23
Kan
intakum lisa bi istemir fi Iman wa asisu itakum kuwes, wa zarawu itakum gowi, itakum ma bi tala
sambala min raja ta Injil, al itakum asuma wa beshiru le kulu hajat al kalagu tehet Sama. De Injil
abu ana Bulis biga kadam bito.
24
Hasa de ana bi geni be mokosut ashan taab tai le itakum, wa
ana geni timu bagi hajat ta Mesih al nagis fi jisim tai, ashan jisim Bito al huwo yau Kenisa.
25
De
yau Kenisa al ana biga kadam fogo, be nisba le mosulia al Allah wodi le ana ashan itakum, wa
ashan bi timu kelima ta Allah.
26
De sir al Hagiga al dusu min zaman wa min ajial, lakin hasa de
beinu le del al aminu fi Huwo.
27
De ashan bi wori le humon sunu yau sir de fi nas al ma arufu
Allah. al Huwo yau al Mesih raja ta mejid fi itakum.
28
De yau Huwo al nina bi nadi wa al nina bi
wodi inzar le kulu nas wa kaman nina bi alimu ai zol be kulu Hikma. ashan nina bi jahizu ai zol
kamil fi al Mesih.
29
De yau haja al ana bi taban ishtakal shedid fogo. be shokol Bito al shakal fi
ana be guwa