¹ Bulus, rusul ta MesihYesua asab wasia ta Allah mukalis naa wa Mesih Yesua al sikah bita naa, ² le Timatayo, jena al hagiga fi al iman: Neema, kufran, wa salam min Allah al ab wa Mesih Yesu rabuna bita na. ³ Zema ana kalis asadu intum zaman al kan ana be ruwa le Masidonia, istena fi Efisus inak ashan inta be wasiu nas tanin kede ma derisu taalim al barau. ⁴ Hata kede umon ma kutu balu fi gisat wa tarik/silsila bita judut al ma indu nihaya. Hajat del be kalagu nikash bedal haja al be saadu kutah beta Allah, al huwa bel iman. ⁵ Hasa al hadaf beta wasia yau muhaba min gelba al abiyat, min al demir alkwes, wa min iman al hagiga. ⁶ Juzu min nas kalas jelli hadaf wa umon ruwa bara min derasat de le kalam farik. ⁷ Umon deer yikun mualimin bita ganun, lakin umon ma faim kalam al umon wanisu au haja al umon bi asuru. ⁸ Lakin nehina arufu gal ganun kwes kan zol istakdimu huwo ganuniyan. ⁹ Nihna arufu gali, ganun ma amulu le zol al bar, lakin le zol geir ganuni wa nas al mutmeridin, le nas al ma bi aruf Allah wa al katiyin, wa le nas al ma indu Allah wa nigisin. amulu le nas al bi katutulu abuhat wa umahat bitom, le nas al mukatilin, ¹⁰ le nas ta zina, le rujal al bi num ma rujal, le del al bi khatifu nas be guwa ashan yekun abid, le kadabin, le nas ta suhuda al kidib, wa le kulu haja did dirasa bita iman. ¹¹ De yau dirasa asab mejid bita enjil ta Allah al mubarak de yau musulia al wodi le ana. ¹² Ana bi sukuru Rabuna bitana Yesua al Mesih. Huwo gowi ana le anu huwo ekhtebiru ana muomin, wa huwo kutu ana fi kidma. ¹³ Ana kan khafir, ana did mesihin, wa zol bita umf. Lakin ana akudu rahma le anu ana itsarafta bi dun ilim fi geir al iman. ¹⁴ Lakin be neima bita Rabuna al mala nihena be iman wa muhaba al fi Yesua al Mesih. ¹⁵ De risala sadik istehik kulu gubul, Be inu yesua ja ila dunia ashan bi ankis khatiyin. ana Zol akbar kati. ¹⁶ Lakin le sabab de wodu le rahama, ashan fi ni, ana awolan al Mesih Yesua bi zahiru kulu subur. Huwo gadir de ka misal le kulu al indu sikha fi huwo lel haya al abadia. ¹⁷ Al an melik ta kulu sinin, al ma bi mutu, wa al mabi ainu, Allah al wahid bes, yikun karama wa mejid ile abad al abaden amen. ¹⁸ Ana be kutu wasia de gidam taki, Timatayo, jena tai, fi asab al nobuat kan amulu an ita, gal inta hai shakil al shakila kwes, ¹⁹ gubudu gowi iman wa demir al kwes. ²⁰ Ze abau haja de, nas tanin karabu iman tumon. Misal yau Hymenaeus wa Alexander, ana selimu .humon le Sitan ashan kede humon akudu deris ashan humon ma amulu khatiya