¹ De al kan min bidaya-al inna asuma, al inna ayino ma uyun ta nina, al inna ayinu fugu, wa iden ta nina lemesu-de an kelima ta haya. ² Wa kaman, haya biga maruf le nina, wa inna ayinu uwu, wa inna gi ash-had le uwu. Inna gi alino le itakum haya al abadiya, al kan ma abu, wa kutu biga maruf le anina. ³ De al inna ayinu wa asuma inna bi alinu kaman le itakum, ashan itakum kaman bi kun indu sherika ma inna. Sherika ta inna de ma abu wa jena bituo Yesua al messih. ⁴ Inna kaman gi katibu hajat de le itakum ashan farah ta inna bi kun kamil. ⁵ De yau risala al inna asuma min uwu wa inna gi alinu le itakum: Allah nur, wa mafi duluma fugu uwu ta kulukulu. ⁶ Kan inna kelim gali inna indu sherika ma uwu wa gi ish fi duluma, inna gi kabasu wa ma gi marisu hagiga. ⁷ Lakin kan inna gi ish fi nur ze uwu fi nur, inna indu sherika ma badun, wa dom ta jena tuo Yesua bi nedifu inna min ayi katiya. ⁸ Kan inna kelim gali inna ma indu katiya, inna gi kabasu nufus ta inna, wa hagiga mafi fugu inna. ⁹ Lakin kan inna iterif be kataya ta nina, uwu amin wa adiil ashan bi afi kataya ta nina wa bi nedifu inna min kulu adam bir. ¹⁰ Kan inna kelim inna ma amulu katiya, inna .bi kelimu uwu kadab, wa kalam tuo mafi fugu inna