¹ Levi sa pawi a bawng hai kung ly lei vi sa pawi boi boi ce teng ye Isarel ceng ce hoi awng a bawng khy a ti pyng awng y ta ing thawng hoi a thung y ye my Sithaw ih ing thawng ny ta mai hoi saw ta a bawng hai ta ce thuk a caw u ye. ² Tu kang ye a ni ce ly ka phai Za ai ce hoi vai ty ing thawng a thok hang ye tani S ithaw ly a ni ih ing thawng ta tu a thui ta ka tang a py phy ta ni. ³ Khumi ce a bawng hai a saw ung ye se pue ly sy, thui pue ly sy ka kawng khumi ce my ang kheng u ny ye ba lai phe ty a mei phe ne tyng hoi puh tari ce puh ly sy. ⁴ Ang cheng ih kan tah ta a tang ce, caw ce a si thue ce ta tuh ang my ih maw ye sung ny py. ⁵ Ma kame ny py ly a ni hoi kang tangh sapawi caw naung di ce pue ly sy Sithaw ih a pyng pyh ta ang my ih tok ta a saw khy ty ta kawng ye a ni ih a ceng ce boi boi ta tuh ly ani bawngh a re py ta ni. ⁶ Isarel vang pui avai tung ye kan haw ta leivi ih sapaw ly Sithaw my a qe ta ming tyng bawng ye a khing ny ye a pa a hoi ta a tawng. ⁷ Sithaw ih maw ye ka tan ta leivi kang pyng Za ai ce ka ty ye a ni ih Sithaw a pyh a tah pyng ta tyh saw hang ta ni. ⁸ A ni ih thawng a dang ta tu a caw khy a dang ta ving ce hoi leivi sapaw ce hoi vying ty kang ngi ye ang rei a ta ni ⁹ Nang ih Sithaw my a py taw ta ye ly khy tu ta pren ye ny kung ny ye tu ta pren ye awng ta ceng ce ih ka hoi ye ta ce toh a tuh hang si khy. ¹⁰ Nang ce ly na caw ce ta tu mai hoi ny kan hawng u vai me ny khy Sithaw ny ny thui khy ly ny thawng kawng ih peng dai ce ny ka kheng a khy hoi y ta khumi preng hang ta ni. ¹¹ Ang rawng boi kang bawng ta ka hoi y ta khumi peng za ka awng ta hoi khumi ka du ta ce lawng ty puh awng hang y ta ni. ¹² Tu ke ka saw ta ce boi ly Sithaw my a kang ny pyh ta ni tu ta kang ny ka tok ta kawng ye nang ih Sithaw my a thui ta ly ta kyng ta a cheng ce boi ta ly Sithaw my a byng tok ta ni. ¹³ Nang ly Sithaw maw ye ly ka cawng ta khumi ye ny awng hai ngai ta ni. ¹⁴ Nang a khang ta ceng ce ly a maw bai ny ye phreng hang ta ce tuh pe tai ny ka khy a kawng ye a ni ce any thui ta lok ce ny zie u kang ye nang ce ih Sithaw my ly tu ky saw hang ta ny puh y ta ni. ¹⁵ NAng ih Sithaw my ly Nang ce ta hang ye baisaw lawng ty ang awng hai ny khy Sithaw my lok a thui tu ta bai saw ih lok ta tuh ny ty ngai a hang ta ni a ny py. ¹⁶ A cawng ta tu ta ming tyng ye tyh nang ly kai ih Sithaw lok ta tuh tang hai hang sng py.Tu ta mai pyh ly sy a naw hai hang kai ka duk hang ta ka vi ny khy nang ih Sithaw maw ye tuh ta mang hoi pa kai ih ce a ny py ¹⁷ Sithaw my ly nawng ih ang lok ly a hoi ta ni. ¹⁸ A ni ce ceng tyng ye nang ce ta hang bai saw laung ty kang awng hai khy tu ta bai saw tang ye kai ih lok ta ka pyng phy kaung ye kai kaung ty ru ta boi boi ce ta tu ani ce ta hang hai le a thui py hang taini. ¹⁹ Tuta bai saw ly kai ih pyk ta hoi a thui khy hai ih lok ta tu hang ce ly ny ty ngai u y ye awng u hang ba any py a ni tang ye kai my ka dang hai le hang a ny. ²⁰ Kai my ta rum y ta my vai ih a mang ta tu a thui ce ly a duk hang khumi ni a ny py. ²¹ Nang pue ly sy Sithaw my thui me thui y me ny khy ny dung ba ly. ²² Baisaw ly Sithaw my pyh ya tuh a law khy ta zing ye ba ly a hoi hang y ta ni ang thui ta lok ceng hang y tu ta lok lu Sithaw my pah a thui hang y Baisaw ly vai ta hoi a thui hang a ni bawng ri u hang ang ny.