21 Iwali cuarenta camuy pia pialimaidacani chai maisawalicatai ya canaca iwawacuteriwa piasu balesi imalawa ya piabalica camita yenawa. 22 Ya piaca iri cali, yacale ya pimacaca iri cali aberi iculuwi iyuwa cai naibaca yasu cali yai Sehon, naiwacali chai Hesbon neni, yai yasu cali yai Og, naiwacali chai Basan neni. 23 pia pimani penibewa maini manubaca iyuwa niai duluputa eri iricuise ya pianaidecani aley cali inatale. ya pimaca piawirinaimi iriwa yewanapina nawaluacawa ya nedacani.
24 Iyuwa yai yacaleca naca nedaca yai calica ya pia pimanica napichale niai iyeiyeica neni chai cali inata, niai cananeos ya pia pepuadacaca nali icapiriculena, niai napicha niai naiwacananaica niai yacaleca cali inata, yewanapina cai Israel idaluaca napicha niai cai iyuwa nawawana. 25 Nia naibacania yacaleca casuiyeica yai aberi cali banacale yalu ya naibaca capi ipunieriwa yai manuberi wawasi cayaberi, yalusi ideri naicaca, banacale yai nabanacatai banacale yai olivo yai aicu cayacaneri manubawaca caide iyuwa nayanani ya napuniacawa ya nayaca casimaiwaca ya nayacani piasu manuiri wawasi iyu. 26 Nese niai nepuaca maiwitaisecania ya nacawa pipunta, naucaca piasu tacaisi pinatawaise nia nanuaca piasu caliacaiyi, caina niai ichaliyeica cana nepuawa piwere, nia naimaca manuiri bawanasiwaca.
27 Iyuwa cai pia ya pepuadacani naca piricule niai piuwidenaicawa niai imaqueyiyeica piuwichacawa. ya idecunita ya iyaca yuwichacawa niai nasutaca iwali ya pia pemiacani sisade eri iricuise ya madecana yawirie pia pichhuliadacania nacapiricuise niai nauwidenaicawa iwali wawasi ya ppia manuiri cayaberi. 28 Quewa nadenami nia nadeca nayamaidacawa nepuaca namanica yai baweri pipichale, ya pia piucacania nacaperucule niai naiwidenaicawa, cai iyuwa nauwidenai ichuliaca nawali niai, ya quewa nia nepuacawa ya nasutaca picha, ya pemiaca nali sisade eri iricuise ya madecan yawiria iwali caininapicacania ya pichuliadacania.
29 Pia picalidaca nali yewanapina cai nadeca cai nepuada yai piasu tacaisi caweniri quewa namanica yapicha namanidanicawa ya camita nemia piasu tacaisi pichulianaca.nia namanica nabayawanawa ipuinta yai pitacaica, nia caiyica yaca caucai ya matuiwacata cai niai yebeiyeicani nia camita nebaidani, cai iyuwa camina nemia cayabani ya medata nemiacani. 30 Iwali madecana camuy pia pideniacani ya picalidaca nali, iwali piwitaaise nalicuba niai piasu caliequieyei, caicanita nia camita nemiani cai iyuwa pepuadacani nacapiricule niai yacaleca iyeiyeica wali mawianita.
31 Quewa yai piasu manuiri cayaberi wawasica pia camita pimalaida iwali macaita , ya camita piucania piacainata yai aberi waiwacali cayaberi icaca wia. 32 Siuca idenami, yai waiwacali , yai manuiri yai cachainiri, cayainineri wawasicali, ya cai ideniaca yasu wawasi yai iyerica iwawacani, camita imaca cai macaita iyaca awisiwaca cai iyaca wawali wiatanacai, niai waiwacananai, icueyeicaa, naiwacananai, calie queiyi, nawali nia wataquenaimi, macaita piasu weneiwica sisade nasu eri nese niai naiwacananai niai Asiria iyuwata siucade, canacania pubeyei wawasi caneyi iweni pipichale.
33 Piacata cayaberi macaita yai wawasicsi yeripinacawa wawali, ya pia pimanica yapicha cayaberi wawasi, ya wiata wayaca wamnica iyu baweri.
34 Wasunai waiwacananai, icueyi yacal, iri aberisairi yai yacale icuerinaca, ibaideyica waiwacali iri, ya nataquenaimi camita nadenaica yasu tacaisi, ya camita nacua nemiawa iwali pitacai cawenirica yai imaquerica tacaisica nali piasu wawasi iwali yai picaliderica nali iwali. 35 Iyuwata chai cali iricu, idecunita nayanidacawa ya paisu manuiri inanacalesi nawerewa, yai manuiri nabanacaitaca calica yai pibaluaderica napichalewa, camita yewana piri ya camita nepuawa piasu beweri ayapuca. 36 Siuca wia catulecaneyei inata yai calica yai piarica nali nia wawirinaimica ya cayabaca iyaca yasu iyacana yasu cayaberi yerica, siuca wia catulecanacawia newi!.
37 Yai manuiri raumamaiwaca ya wasu cali yacawa nali nia icueyica yacale niai pichanaideyica wawali wia iwali wawasi yai wabayawanaca. nia nacuaca iwali wainaca nawali niai wapirinai cai iyuwa nawawana. 38 Iwali wawasica ya macaita, wia wamanica aberi wawasi machacanita iwali itanaca iwali yai cuyaluta nataneyei iwai nayaca niai asianai yasu wasu iri aberisairi yai waiwacalica, levita niai ibaideyei waiwacali iri.