2 Ya nayaca aibanai neni cai naimaca: Napicha niai wenibe niai nenibenaica maini manubawia iyuwa pimacana wadeniaca iyacanasi yewanapina wayaca wayacatena cauta.
3 Nayaca aibanai manuba cai naimaca: waya waca yai, wayacataica, banacale, wasu capi yewanapina wadeniaca banacale idecunita mapicai iyaca. 4 Aibanai caitanacai naima: ide wedaca palata wachabawa wapaidanapina yai iwenica iri yai yacale iwacalica iwali chai wayacataica ya wabanacaleca.
5 Mamalacatacawa suica ya weneica yai wairanaca ya cairita iyuwa yasuquei wenasairica
niai wenibeca caiyeicata iyuwa penibe. wia wamani chainisi wawenuadanapina niai wenibe asianai niai wenibenai yewacatena catulecanacaniia quewa camita naya wasu chainisi iyu wayudanapina niai canaca aiba asiali siuca ya wasu calica ya wabanacaleca..
6 Nua nuyaca maini calucanua caicali nuemia piasu manuiri pimaida ya tacaisica.7 Nese nua nuinidawa iwali yai numichaidaca wawasi naipunta niai cayabeyi uwi iwitapunai. ya numaca nali: piacue piyaca pichuliadaca paisu wawasitawa, abechuanama niai penanaicuecawa pitecue alede aberi manuiri piwacaidayacuewa naipunta.
8 Ya numaca nali: wiata, caita iyuwa wamanica, ya wepuaca waweniaca ya itulecanasica niai wenanaica Judios, caiyei iyuwa nadeyei naweninaca alede yacale nere, cana piacue piwenidaca penanaiwa nia penanaica yewatatena nadeca nawenidacawa nepuacawa watale,"nia nayaca masanata ya camita nana aberi tacaisi naimapina. 9 Caitanacai numaca nali: ya piacue piyaca pimanica camiri cayaba; Camita yewa pepuanicawa yapicha yai calunacapia icha yai waiwacali yewanapina waicaca waicawa yai naicanica waquinina niai manuinameyei yacaleca cai iyuwa nia wauwidenaica?
10 Nua niai nuenanaica nausu weneica ya wacue pichaba palata itui ,quewa yema wabaluada camita weda iweni inataba ya nachaberica.
11 Pepuadacue nali yata eriquei ya piasu calicuecawa paisu banacale, piasu olivo ibanacalena, ya ´picape ya icanerica inataba yai palataca, ituinaca, ya iracalesi, waliasaica ya pisanacueca, ya cue pisuterica naicha. 12 Nese nia naimaca: wepuadacue yai wederica naicha ya canacata wadenieri nasuca. wamani ca iyuma pimaca. "nese numaida niai icueyica waiwacali icape ya nuchulia baisita namani caide iyuwa naimana napinacani.
13 Nua nututuaca iwalise yai nubalecawa ya numaca caina waiwacali itutuaca bachawaise yai picapeca ya nasuca macaita nia asianaica camiyeica idenia yasu wawasi. cai ya ideca ituatuacani ya maisacani " macaita nia namanubaca iyuwa naimaca "iya" ya nia naibaidaca iri yai waiwacalica, yai yacale imani cai iyuwa namanina napinacani. 14 Iyuwa sisade ya erica ya nasaidacanua yewacatena naiwitapucanua yasu cali inata yai Juda, sisade camuy yacale icuerina, doce camuy, ibatacanua, ibata nuenanai wayaca yai yacasica provista iwali yai naiwitapuca.
15 Nese nia balisana naiwitapunai iyeyeica nupichale naliaca isasi imieri inataba yai yacaleca yenaca nasu cuarenta aiba erimi palata, yacasi iyeripina eri imanubaca yai iracalesica.caitanacai yasu weneica napelia yacale. nese nua camita numani, iwali ya caluaca waiwacali icha nua. 16 Nua mamalacata nuibaidaca yai yawanaca, camita wawenia cali. macaita nuasu weneica nawacaida yacawa neni iwali yai waibaiderica.
17 Chai nuasu mesa neni nayaca niai judionai, naiwitapunai, ciento cienta asianai metacuta naicha niai yeyeicawa wawere ya manuiri yacale iyerica wateseba. 18 19 Siucade nia iyeyeica ichunieyicawa macai eri aberi cuwesi , seis cuwesi naniweyeica eri macai icacanawa iracalesi maini manubacani .ina iwali macaita ya nua camita nuchulia yai yacasi yasucai naiwacalica ,caina nuchuliana maini imiacani iwali yai yacaleca .
19 Pite yai nuiwiteiseca ,ya naiwacalica,ya cayaberipina ,iwali macaita ya numanirica iwali yai yacaleca.